Hanwon 10:22 - Yálá laawoo hɛɓɛ (dc)

²² Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Yálá laawoo hɛɓɛ

²² Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Bible

²² Ɣâla Yâwɛɛ ŋɔlûwai ƃa pâ a tɔɔ-laa, kɛ́lɛ tíi kpanaŋ kɛ́ɛ fêi da mɔ̃lɛ-laa.

Hanwon 10:22 ပူးပေါင်းရင်းမြစ်များ

Zɛnɛse 12:2

«Gáá pai ə́ kɛi a hį́i tamąą di nąn. Gáá pai lúwɔ́ tooi yɛ́, ŋą́ ə́ kɛnɛ̨, ə́ kaa pai kɛi a nu takpɛliɠaa di wɔ lúwɔ́ don.

Zɛnɛse 13:2

Hɛn gɔw kɛnɛ̨ ə kɛ Abramə yəi, taatɛlɛɛ kpulu kɛnɛ̨ yɛ ɓo ɲəi, da wali, ə mą kɛ hɛni.

Zɛnɛse 14:23

ŋį́ gwɛla gɛ́ yɛ́, hɛn kpɔ gaa a ə́ wɔɔ, və dɔ̨nɔ̨ kpɛli həɠəi, ə mą kpɛli kɛ a yee kali, ə mą kɛ kpɛli kɛ kɔ́lɔ yɛli tɔ̨nɔ̨, ə gɛ, hvo pa kɛ diɛ: ‹Ŋą́ą́ ɓə Abramə kɛ a hɛn gɔw nąmu.›

Zɛnɛse 24:35

Yai-Laa aa lúwɔ́ too nwɔ́ mɛ̨nį nąmu Abrahamə ɓa, aa gɛ a nu walawala, aa hɛn gɔw kɛnɛ̨ tɛɛ bɔ. Aa taatɛlɛ kpulu kɛnɛ̨ tɛɛ bɔ, gbɛa-kpɛaa da bɛlɛɛ pɛlɛɛ, wali da hɛni, ə mą kɛ, luwɔ hinąą da luwɔ nɛ̨ąą; Ɲɔ̨nwɔ̨mɛ̨ɛ̨ɠaa da hoohvaalənŋąą.

Zɛnɛse 26:12

Mąą kwɛlan tii hu, Isaakə ə tíi kɛ nɔi tii hu, ɉi hɛnŋąą di lɛlɛ kpɔ kɛnɛ̨, yii ə ɉi, ə ɉeei nwun dɔ̨nɔ̨ hɔlɔɓo. Mąąhɔlɔɓo, Yai-Laa ə lúwɔ́ too mą.

Zɛnɛse 26:13

Nwɔ hɛn gɔw ta lɔ ɓə kɛi laa mɛ̨i, ə kɛ kpɔ nɔi tii hu a hɛn gɔw nąmu kɛnɛ̨.

Tɔɔɓɛlaa dɔlɔɔ 21:19

Yá li ə́ bələ ŋɛ̨i ɓo mą, yɛ mą: ‹Yáá nu paa, ɛlɛɛ ə́ kaa nwɔ̨nɔ̨ bɔ ə́ hɛn ɉɔlɔɓo›, yɛ nwɔ̨nɔ̨ mą; Yai-Laa woo ka: ‹Ɓɛi kpɔlɔɔ tii, yilɛɠaa di Nabɔtə ɲąmą kpələ laa, yilɛɠaa kaa kpɔlɔɔ pai yɛ́ kpɛli ə́ ɲąmą kpələi laa.›»

Kɔlɔnikɔ Maa-ŋuŋ 4:10

Yaebɛsə ə Israɛlə ŋą Yálái hvɛli, yɛ kɛ mą: «Akɛ yá lúwɔ́ too mą́ą́, ə́ nwɔ́ lɔi hu kɛnɛ̨; yá tɔɔ búlú, ə́ mɛ̨nį ɲɔ̨n mąą kwɛa mą́ą́, mɔ̨nɔ̨ hvo laa mɛ̨́i!» Mɛ̨nįi tii ə ɉuhvɛli, Yálá ə gɛ mą.

Kɔlɔnikɔ Veerɛi 25:9

Amasiasə yɛ Yálá nwɔ nui tii ɓa: «Akɛtii, nwali kwələ nwundɔ̨nɔ̨i ŋɛ̨i ŋį́ dɛɛ Israɛlə kɔlaɠai ɓai, ŋį́ yili kɛ ləi?» Yálá nwɔ nui yɛ mą: «Hɛn gaa Yai-Laa yəi yɛ dɛɛ ə́ pɔ, gɛnɛ̨ dɛɛ yili ɓa.»

Kɔlɔnikɔ Veerɛi 32:27

Ezekiasə ə hɛn gɔw kɛnɛ̨ hɔlɔɓo, da mąąwiɛ. Ə wali, hɛni, kúɔ-kwɛni lɛlɛɛɠaa, mąątí wulɔ, kɔ-kɔ gbala da hɛn mąą mɛ̨nį nwąnąąɠaa huwui lɔpee gəlee hɔlɔɓo, ə bu gee mɛ̨i.

Kɔlɔnikɔ Veerɛi 32:29

Ə taaɠaa tɔɔ a gbɔwɔ nwɔɔ, ə taatɛlɛɛ kpɛa-kpɛaa da bɛlɛɛ-pɛlɛɛɠaa hɔlɔɓo kpɔ a ɉu kɛnɛ̨ɛ̨, mąąhɔlɔɓo Yálá ə gɔ́ a hɛn gɔw kɛnɛ̨ɛ̨.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Mąątɛ̨nɛ̨ 127:2

Kpɛli ɓaa nu ə humo a muhəɠɛɛ, yɛ lɛɛ ɲɛ̨i ɓa kpinį hu yɛ kwɛa, yɛ́ mɔ̨nɔ̨ kɔ̨nɔ̨n mį́i lɔ! Yai-Laa a nwɛlikɛmąą nuą lɛɛ yíi, Ə di kɔ́ a kɔ̨nɔ̨n.

Mąątɛ̨nɛ̨ 37:22

A tɛ̨ą, nuąi a lúwɔ too diɛ, di pɔɔ ɓaa a nɔi, nuąi a di nɛ̨ŋɛ̨n naa, da di kulɔ a di nwun.

Hanwon 14:24

Kilimąą nuą di wɔ tɔɔɓɔlɔ ɓaa di wɔ hɛn gɔwi, Kɛlaa, kilikpɛɛgwəi nuą di wɔ hupumąą laai, ɓowo lɔ ɓə.

Hanwon 20:21

Hɛn nu a ɉɔlɔɓo a gwɛlin a hvulu, lúwɔ́ hva kɛ mą nąą pulu.

Hanwon 28:22

Hɛn nwɛlimun ɲɛ̨i a kulɔ mɛlaa di wɔ hɛn bɔ, yɛ gilɛ həɠə bulu, gili hvo ɉu yɛ kɛ yeehvowololaa yɛi ə pa wolo mą.

Hanwon 8:21

Nuąi da nwɛ́lilakɛ, ŋą́ di kɔ́ a hɛn gɔw, ŋį́ di wɔ hɛn gɔw puiɠaai laahvɛɛ.

Danîa 1:15

Voló pow tii tɛɛ pulu, diɛ mun di yola di tɛɛ nuąi kɛi tɔɔmun ɲəi kɔ̨nɔ̨n mįi diɛ.

Zakari 5:4

Yai-Laa Mɛ̨nį Kəlee ŋą Hééɓomun woo ka, yɛ: Gáá nɛ̨ŋɛ̨n naa kɛi, yɛ nwuɔ̨mun nwɔ pɛlɛ́i hon, da nui a gwɛla a lɛɛ, nwɔ pɛlɛ́i. Yɛ hee kpɔ bɛlɛ́ hɛ̨ąi, yɛ nwuluɠaa, da gwɛniɠaa, di kələn.

Dutɛrɔnome 26:10

Yili mąą mɛ̨nį ɓa, yiihu kɛa, gáá Yai-Laa ku wɔ Yálái kɔ́i a nɔi ŋɛ̨i ə dɛɛ ku pɔ, ɉu hihɛn dɔlɔɔ-tɔlɔɔ.» Nui tii a yili ɓo tii, a pɛlɛ Yai-Laa lííla, yɛ kwɛli hvilɛn mą.

Dutɛrɔnome 28:11

Yai-Laa kaa pai kaa pai ka kwəi nwun ɉii, kaa lon gaa, ə mą kɛ ka wɔ taatɛlɛɛɠaa, ka wɔ lɔi ə lɛlɛ, yɛ ɉihɛnŋąą ŋąąnɛ̨ɛ̨, nɔi ŋɛ̨i Yai-La ə gwɛla, ka nąnni diɛ yɛ gaa dɛɛi ka pɔ, ɉu.

Zasua 6:18

Yii ɓaa ka wɛi, ka ka kpɔɔ mɛ̨i kaa daa ŋɛ̨i hu hɛnŋąą mąą mɛ̨nį ɓa. 'Ka hvo da həɠə, ə gɛ, ka nwun na hvo pa pili, ə lɛɛ, ka hvo pa Israɛlə nwɔ ɓuwui kɛ a hɛn ɲɔ̨nwɔ̨ɔ̨, kaa kpalo ɓɛla mą yili pɔ pələ.