Hanwon 1:10 - Yálá laawoo hɛɓɛ (dc)

¹⁰ Nón, mɛ̨nį ɲɔ̨n gɛ nuą da ə́ ɲąą hɛn, diɛ kɛ ka mɛ̨nį ɲɔ̨n gɛ, 'Hvó hvaa di woo ɓa.

Yálá laawoo hɛɓɛ

¹⁰ Nón, mɛ̨nį ɲɔ̨n gɛ nuą da ə́ ɲąą hɛn, diɛ kɛ ka mɛ̨nį ɲɔ̨n gɛ, 'Hvó hvaa di woo ɓa.

Bible

¹⁰ Ńoŋ, à kɛ̀ sɔnyɔ̂ŋ-ƃela da díyee làa yâ, ífe fàa ma.

Hanwon 1:10 ပူးပေါင်းရင်းမြစ်များ

Zɛnɛse 37:20

'Ka pa, 'ka gu baa, gu bowa pili nowaɠaai ŋɛ̨i ta hu. Gwa li, gwa kɛ gu nąn ma: ‹Lɔwɔ huwɔ ta aa ə́ lon ɉon, aa mį́i.› Gwa gɛ tii, bələi nwɔ hįiɠaai kaa pai kɛi la, gwa nąą kaa.»

Mąątɛ̨nɛ̨ 1:1

Nwun na nɛ̨ɛ̨mun maa, nui hvo nu ɲɔ̨nwɔ̨ɔ̨ɠaa di wɔ liɛwoo pɔ, hva hiɛ nɛ̨ŋɛ̨n ɉəɠə nuą di wɔ pələi mɛ̨i, ɛlɛɛ, hva hee nuąi da yɛlɛ kulɔ Yálá hu, di lɔwai.

Mąątɛ̨nɛ̨ 50:18

«Ɛlɛɛ, yá nwuɔ̨mun gaa, yɛ́ too bɔ, ə́ kɛi ɓaa wɛli hon nuą lɔwai.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Hanwon 16:29

Toomɛ̨i kɛmun a mɛlan ŋąą hɛn, yɛ di hvilɛn pələ ɲɔ̨nwɔ̨ɔ̨ mɛ̨i.

Hanwon 20:19

Nui a loo mɛ̨nįɠaa hukulɔ, nu pulu kulɔmun ni, nui a howon a mɔlɔ, ka yaa ka hvo hiɛ gee pululaa kɛ.

Hanwon 24:2

Mąąhɔlɔɓo, di wɔ kiliŋąhiɛ lɔ ɓaa di toomɛ̨i kɛ. Mɛ̨nį ɲɔ̨n di kaa lii gɛi, ya lɔ ɓə gaa di la.

Azaya 33:15

Nui a túwɔ́ a tələnmolaa, yɛ hvaa, lɛɛ hva kɛ ɉu, yɛ lənə hvulu hɛn ɉɔlɔɓo mɛ̨nį ɓa, yɛ ɲee kulɔ nɔgwəi mɛ̨inɛ̨ɛ̨ mu, yɛ nwəli laa kpulu, ə gɛ hvo pa nu paa nwun dɔɔ hu woo mɛ̨n; yɛ ɲɛ̨i laa kpulu, ə gɛ hvo pa mɛ̨nį ɲɔ̨n gaa.

Lomaŋ 16:18

Mąąhɔlɔɓo, nu huwuɠaai ti di hvo tíi gu Ną́mu Kristə ɓa, kɛlɛɛ di kaa tíi di koolon ma. Da kɛ nuą ɓowoi diɛ di mąątɛ̨nɛ̨ a woo nɛɛ-nɛɛɠaa.

Ifisiɛŋ 5:11

'Ká hvo ká yee too kpinį kólóɠaa hu, diɛi di tɔlɔ hvo diɛ, 'káámun, 'ká di too pono ɲą.

Dutɛrɔnome 13:8

nu huwuɠaa kpɔ tii ka kwɛlɛ, ə həɠə nɔi kpala tɔɔi pələ, yɛ li la naa kulɔi pələ, di kɛ a di lɛɠɛɛ kaa-o, di kɛ a di mąą kwɛaa kaa-o, di wɔ yáláɠaa tii,