Habakukə 3:18 - Yálá laawoo hɛɓɛ (dc)

¹⁸ Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Yálá laawoo hɛɓɛ

¹⁸ Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Bible

¹⁸ berei máŋ è kɛ̀ tí lai, ŋa pâi lii-nɛ̃ɛ kulâi, Yâwɛɛ sârai, ŋá lii nɛ̃ɛ kúla Ŋáɣâlai mɛni ma nyii gáa a ŋáƃalo nuui.

Habakukə 3:18 ပူးပေါင်းရင်းမြစ်များ

Samia Veerɛi 6:15

Davidə da Israɛlə nuą kəlee di kɛ hvilɛn ni Yai-Laa nwɔ mįnɛ̨ kəhii pulu, diɛ paa la; diɛ wələ too mɛ̨i, diɛ lalo yɔw.

Zôo 13:15

Yálá ka kiɛ pai báái, gíli hvo tɔɔ li hɛn da kpɛli ɓa. Ə mą kɛ ti, gáá lɔ pai ɉíɛ pələ hukulɔi ma.

Mąątɛ̨nɛ̨ 104:34

Mąątɛ̨nɛ̨ wələi gáá dooi, ə nɛ̨ɛ̨ nwəlii! Ɛlɛɛ, Yai-Laai, 'ə kɛ lɔ a nwɔ kwəinɛ̨ɛ̨.

Mąątɛ̨nɛ̨ 149:2

Israɛlə ə kwəinɛ̨ɛ̨ kulɔ bɛlimun naa hu, Siɔn lonnii di hɛ́li pu di wɔ Heeɓomun mąą mɛ̨nį ɓa!

Mąątɛ̨nɛ̨ 25:5

'Dɛ̨́nɛ̨n dɔɔ yɛ́ tɛ̨ą pələi mɛ̨i, 'Ə́ mą́ą́ kwɛli ɉu yíiɓo pələ ɓa, mąąhɔlɔɓo, málo Yálá ɓaa a yɛ́. Gílitɔɔi lɔ yɛ́ a yələ kəlee.

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 33:1

Tələnmo nuą! 'Ka ka yee lɔwa Yai-Laa ɓa! Mąątɛnɛ̨ woo mąąnɛ̨ɛ̨ nu haŋąąɠaa la.

Mąątɛ̨nɛ̨ 85:6

Yɛ́ mɔ̨ɔ̨ ə́ lɛɛ a ə́ líiholiɛ ku pɔ a yələ kəlee mɛ̨nį? Yɛ́ ə́ wɔ líiholii hu kwɛa lɔ a kwɛlan gəlee?

Mąątɛ̨nɛ̨ 97:12

Tələnmo nuą, 'ka kwəinɛ̨ɛ̨ kulɔ, Yai-Laa mąą mɛ̨nį ɓa, 'ka Naa tɛ, 'kaa nwɔ mąąhəɠəlaa kili too ka ŋą.

Lɛɛ gbɔwɔ ɓa 15:1

Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Lɛɛ gbɔwɔ ɓa 15:2

Yai-Laa ɓə gaa a nwɔ́ huwalawala da nwɔ́ wələ, gaa a málomun, gaa a nwɔ́ Yálá, Ya ɓə ŋą́ Naa tɛ. Ną́n nwɔ Yálá li, gáá mąą wələ tooi.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Azaya 41:16

ə́ kaa pai di hvɛɛi, hvaŋą yɛ li a diɛ, tulɔ hvaŋą yɛ di taɠa taɠa. Ə́ wɛi, ə́ kaa pai kɛi kwəinɛ̨ɛ̨ hu, Yai-Laa laa hu, ə́ hvaŋą kaa pai lɔi, Israɛlə nwɔ Mąąhəɠəmun haalai.

Azaya 61:10

Gáá kwəinɛ̨ɛ̨ hu, a tɛ̨ą, gáá kwəinɛ̨ɛ̨ kulɔi Yai-Laa mąą mɛ̨nį ɓa, níí kaa pilii yələi a kwəinɛ̨ɛ̨, nwɔ́ Yálái mąą mɛ̨nį ɓa, mąąhɔlɔɓo, aa nu ɓalo həɠə too gwą́ną́, aa mą́ą́ yili a tələnmo gbaawii, yɛ hulɔnon a mąą yili nwɔ wɛli ɲɛ̨i ɓa, yɛ bələi haláá laa həli mun a gɛ la, yɛ nɛ̨ɛ̨nui daa ɉilɛtai kɛ, a kɛli mąą yili hɛnŋąą kɛ mą.

Zooɛ 2:23

Siɔn daai nuą, ka kwəinɛ̨ɛ̨ kulɔ. Ka ɓə́lə́n ka pili yələi. Yai-Laa ka wɔ Yálái laa hu. Mąąhɔlɔɓo, aa tulɔ tɛɛ ka pɔ; a hamą tulɔ. Yɛ ka nwun mąąɓo. Yɛ pənə yɛ tulɔ pu ka mɛ̨i a hamą lɔɔ tulɔ. Yɛ pələi ə kɛi gɛ la a bɔlɔ.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Zakari 10:7

Ɛfraimə hvaŋą a kɛ yɛ kuláá kpəɠiɛɠaa, da kɛ kwəinɛ̨ɛ̨ hu, yɛ da lɔɔ kpələ. Di lonnii da nąą kaa, diɛ mąą kwəinɛ̨ɛ̨ kulɔ. Di kaa pai kɛi kwəinɛ̨ɛ̨ hu, Yai-Laa mąą mɛ̨nį ɓa.

Lukə 2:30

Hvó gaai, ɲɛ̨́i aa tɔɔ ɓalomun ma,

Dutɛrɔnome 12:18

Ka pa a ɉɛnŋąą tii, ka mįi Yai-Laa ka wɔ Yálái lííla; ɓɛi gaa pai ɲee kpuwɔ lɛi laa. Gɛɛnąą tii ɓə ka káá pai kɛi di mįi laa ka ka lon ɉinąą da ka lon nɛ̨ąą, ə mą kɛ ka wɔ luwɔ hinąą da nɛ̨ąą, da Levi lon yii ka wɔ taai hu. Ɉɛn gɔwi ka káá pai ɉɔlɔɓoi ka kɛ kólóɠaa hu, ka yili mąą kwəinɛ̨ɛ̨ kulɔ Yai-Laa ka wɔ Yálái ɲɛ̨i ɓa.

Filipə 4:4

Ká ká kwəinɛ̨ɛ̨ gu Ną́mu hu, gáá kpɔ pənəi ŋį́ mo, 'ká kwəinɛ̨ɛ̨ kulɔ.

Zĩi 1:2

Ną́n nonnii, hu kɔ́ɔn mɛ̨nįɠaa da həli kaa, 'ká ká kwəinɛ̨ɛ̨ gəlee hu;

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Samuɛlə dɔlɔɔ 2:1

Anə ə Yálá hvɛli yɛ mą: Yai-Laa nwɔ lúwɔ́ haalai, gwə́inɛ̨ɛ̨i; Yai-Laa nwɔ lúwɔ́ haalai, ŋą́ą́ nwún muhəɠə, Gɛ́ pɛli yɛ́lɛ́i ɲówoɠaa diɛ. Gwə́inɛ̨ɛ̨i! Yálá aa kpɔnmąą tɛɛ bɔ́.