Habakukə 3:16 - Yálá laawoo hɛɓɛ (dc)

¹⁶ Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Yálá laawoo hɛɓɛ

¹⁶ Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Bible

¹⁶ Ŋa díŋ mɛ̀ni, ḿaa kɛ́ kpɛ̃liŋ, díŋ è gɛ̀ ńagbɔ é kɛ́ soo-soo, ŋ́gao kɛ́ sàa ŋ́gbonôi, záza kɛ́ ńdòo. Ŋá pâi ḿɛi saâi ŋá tãi maa kpɛ́ŋ tãi mɛni-kpɔ̂lu a pâi lâai la diai dîa da ŋ̀wɛ̂lii dí kúsu karai.

Habakukə 3:16 ပူးပေါင်းရင်းမြစ်များ

Zôo 30:17

Kpinii, mɔ̨nɔ̨ a ɓɔ ɉú, yɛ həli gɔ́w ɓa. Mɔ̨nɔ̨i tii kaa gɔ́w mįi, vii hva kpɛɛ.

Zôo 30:30

Gɔ́lɔ kaa tɛɠii mą́ą́, yɛ tee mą́ą́ yɛ too, gɔ́wɠaa diɛ kpala ɉú, diɛ kələn.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Hanwon 12:4

Nɛ̨ɛ̨nui ɉɔn və mą, gaa ɉilɛ nwuɔ̨ a tɔɔɓɔlɔ. Kɛlaa, nɛ̨ɛ̨nui gili hvo ɲəi, ə ɓo ɉilɛ ɓa a ɲin nwąną.

Hanwon 14:30

Líílaa kaa a nu kɔlɔi pɔ̨nɔ̨ hɛn, Kɛlaa, tolo kaa a kolo yɛ nu kɔ́w mįi.

Azaya 21:3

Ya ka ŋɛ̨i níí kəlee kaa kpɛlin ɉii ɉú, mɔ̨nɔ̨ aa wolo mą́ą́, yɛ́ kwəinwąną a wolo nɛ̨ɛ̨nu ɓa, yɛ mɔ̨nɔ̨ mįi, mɛ̨nįi gáá mɛ̨n ɉii, aa ɉú pu mą́ą́, gɛɛi gáá gaai, aa vínnaton.

Ɉeremi 23:9

Yii hvilɛn na Yálá kwəi mɛ̨nį hukulɔ nuą diɛ: Níí aa yali gwə́i. Gɔ́lɔ kəlee yɛ kpɛlin mą́ą́, gáá yɛ lɔɔ hon, yɛ nui lɔɔ aa gɛlɛ, Yai-Laa da nwoo mąąhəɠɛɛ tii mąą mɛ̨nį ɓa,

Ɉeremi 30:7

Lə mąąwɛli mɛ̨nį ɓəi! A tɛ̨ą hvóló kɛnɛ̨ ka, yii hvo kɔ́ɔn ni yələ ta ɓa. Liihɛlɛn ɲələ li Ɉakɔbə ɓa, kɛlaa, gaa pai kulɔi ɉu.

Ɉeremi 4:19

Ə́kə́ Níí! Ə́kə́ níí kaa kpəlaan ɉii gwə́i mɔ̨nɔ̨i gáá mįi mąą mɛ̨nį ɓa. Níí yɛ kulɔ mą́ą́, gwəi aa kɛ tukpu-tukpu, vá pɛli náá pilɛi, mąąhɔlɔɓo, ŋą́ą́ gɔ́ tulu woo mɛ̨n, ŋą́ą́ gɔ́ mɛ̨i woo mɛ̨n aa too nwə́lii.

Ɉeremi 5:15

Kaai ɓaa Israɛlə nuą, gáá pai nuą ɲąątɔɔi kaa diɛ həɠə kwɛa la. Da kɛ a nu huwu yii ka yee hva lɔ diɛ. A tɔwɔ-tɔwɔ nu huwuɠaa. Ka hvo kpɛli di lawoo kɔ́lɔn. Di woo hu kpinɛ̨ɛ̨ kaa. Ɲą́ą́ Yai-Laa nwóó li!

Woolaa 1:13

Aa nwɔ̨n gulɔ yələi, aa ɉee gɔ́w ɓa; aa nwɔ diŋɛ̨n bu dɔ́wɔ, aa mą́ą́wɛli, gáá lɔ ɲɔ̨n ɉu yələ kəlee.

Woolaa 1:20

Yai-Laa! Ə́ ɲɛ̨i hee tai mɔ̨nɔ̨i ŋɛ̨i aa laa mą́ą́ ə́ gaa! Níí kaa kpɛlaan ɉii gwə́i. Yɛ kpɔ ə tee; Mąąhɔlɔɓo, ɲą́ą́ gulɔ nwoomu taaləi tii kɛ a yɛ́, Ɲɛnɛ̨ɛ̨ pələ, ɓɔwa kwɛaa aa nónnii kulɔ ɲə́i, bɛlɛ́n bələ, haa aa naa tɔɔ tin!

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

Danîa 10:8

Ɲą́ą́ dɔ̨nɔ̨ gbən lɔ ɓə kɛa lɛɛ laa, gɛ́ gɛɛ maapɔlɔɔ tii kaa. Nąąlɔwai tii hu, vįi ə kpɛɛ, ɲɛ̨́ilaai maa ə hvalin, ɲɛ̨́i ə həɠə naai. Ŋą́ kɛ lɔ kɛa tii, ɉú aa haa, hvaŋą lɔpee ta hvo kɛ ɲə́i.

Danîa 10:9

Ŋą́ nui tii woo mɛ̨n, woo mɛ̨n tii ŋą́ moi, ɉú ə pu mą́ą́, ŋą́ pɛlɛ nɔi ɓa.

Danîa 8:27

Ɲą́ą́ Daniɛlə, ŋą́ Yələ tamąą kɛ, ɲɔ̨n yɛ ɓo mą́ą́, ə lɛɛ vįikpɛɛ. Vili tɛɛ pulu, ŋą́ pənə ŋą́ li gɛ́ kóló ɓa, yii tɔɔmun ə dɔ́ɔ́ ma. Ɉiin tii ŋą́ gaa, nwɔ kwəi pili maa ə kɛ mą́ą́, və́ kpɔ kɛi mukulaa kɔ́lɔn.

Habakukə 3:2

Éé Yai-Laa! Ŋą́ą́ ə́ kɛ mɛ̨nįɠaa mąą pələ mɛ̨n ŋą́ą́ ɲɔw. Yai-Laa ə́ kɛ mɛ̨nįɠaa kɛ yiihu. Yɛ bələi wɔlɔ ə́ kɛi gɛ la. Ə́ kɛ mɛ̨nį kɔlɔŋąą lɛ a kwɛlan gəlee. Ə mą kɛ kwaa ə́ liiholi mɛ̨nį kɛ, ə́ wɔ ɲɛ̨i mąą wɛli kaa lɛ kuɔ.

Lukə 21:19

Ka tɔɔ kpaan, ya ɓə a gɛ ka nwun mąą ə ɓo.»