Habakukə 2:18 - Yálá laawoo hɛɓɛ (dc)

¹⁸ Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Yálá laawoo hɛɓɛ

¹⁸ Hali pɛliɛ nwun maa a lə? A yɛlɛ kɛ nuą yee pɔɔ ti. Yai a kwɛli həɠeeiŋąą, diɛ nuą nwunɉu lan la, nui bɛli yɛ gilitɔɔ mą, hva kpɛli kan hvaa ɲəi.

Bible

¹⁸ Lé ƃé ƃa pâi gulâi núu-kpɛtɛ ɣâla yêei. Gbɛtɛ-nûui a lâa a zɛŋ è gbɛ̀tɛ nyii vá lônoi.

Habakukə 2:18 ပူးပေါင်းရင်းမြစ်များ

Mąątɛ̨nɛ̨ 97:7

«Nwumɛ̨ ə tɛ a hali kɔ́ nuą, diɛi da di nwun dɛ a kpɛli kpɛli hɛnŋaa. 'Yáláɠaa kəlee, ka kwɛli hvilɛn Yai-Laa ɓa!»

Azaya 1:31

Huwalawala mun a kɛ yɛ mɔ̨nun gban, gɛ mɛ̨nįɠaa di kɛ yɛ nwɔ̨n gbaalən, gəlee hveelɛi da kələn, nu hva hɔlɔɓo, hvo nwɔ̨n nuwun.

Azaya 37:38

Hvóló ta, ə kɛ nwɔ yálái Nisrokə hvɛli pɛlɛ́ mu, yɛ kwɛli hvilɛn mą, nonnii, Adramelɛkə da Sarɛsɛrə di pa di ɓɔwa pu mą, di pu də li Araratə lɔi hu. Non Asaradɔn ə hee dɔɔlaa hu a mąą hvalin.

Azaya 40:19

Akɛ ti Hali ɓə, yai yɛlɛkɛmun mə bɛli, diɛ hɛni yá ɓo diɛ bu mą, diɛ wali yá ɓo diɛ bu mą.

Azaya 41:26

Gbɛɛ ɓə aa ta mąą mɛ̨nį hukulɔ, ə həɠə yɛnɛ̨ɛ̨ kɔwɔ tɔɔi lɔwai ɓa, ku pɛli mąą nu kɔ́lɔn ɉii, yɛ mɛ̨nįɠaai tii lɛɛ kpɔ kwɛaa la, yɛ ɉukulɔ, kuɔ pɛli kɛi diɛ: «Aa kɛ tɛ̨ą ɓo.» Nu ta hvo kɛ nąą lɛɛ li kwɛa la hvo bələ ɓo, ɛlɛɛ, nu ta hvo kpɛli ta nuą kili pu li ɉu, kpələ, nu hvo kpɛli ka woo mɛ̨n.

Azaya 42:17

Nuąi tii kɛli di kilitɔɔ haliɠaa diɛ, di kaa yalii di pulu a nwumɛ̨ kɛnɛ̨, nuąi da kɛ kwɛli kpɛli kpɛli hɛnŋaa diɛ: «Kaa ɓə ɓaa ku wɔ yáláɠaa!»

Azaya 44:12

Gwɛli-yɔwmun a nwɔ tɔ̨nɔ̨i ɲąąli hulɔ-nwɔ̨n ɓa, a gwɛli lɔ nwɔ̨n ɉu, a kpɔlu, yɛ gɛlɛ a humu, nu yeekɔn vąŋą kɛnɛ̨ nwɔ kóló li. Kɛlaa pulu a ɉon, vąŋą kəlee a kpɛɛ! Awala gbələ, aa mąn kpɔlɔɔn.

Azaya 45:16

Diɛ ka, di ɲąą kpɔnŋąą, daa nwumɛ̨, lalan aa di ɲɛ̨i paa, gaa kpɔ tii, diɛ ka lii, lalan a di ɲɛ̨i paa kpɔ kɔlɔ́-kɔlɔ́, a ɉali pɛli nuą tii.

Azaya 45:20

'Ka ka ɲąąkpɔn, 'ka pa, 'ka lɛɠɛɓɛ a gee, kaai ka nwun ə kulɔ, lɔiɠaa hu. Nuąi tii nwuluɠaa haɠa, diɛ kɛ, di wɔ yálá li, diɛ ɉaliɠaai tii tɛ yələi, ɛlɛɛ, hɛn hva nu ɓalo, diɛ vɛli.

Ɉeremi 10:8

Nu kəlee, nu ta nwɔ kwɛni hvo kulɔ li ɉu, di kilimąą a pɛlɛ di hva mɛ̨nį ɲąą kaa, kili kpɛɛ gwəi hɛnŋaa ɓə nuą tii da kili kwɛli di yəi; di hva kili hɔlɔɓo.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Ɉeremi 2:8

Ɉaláá laa həli nuą, di hvo kɛli diɛ: «Yai-Laa kaa mi?» Nuąi Yálá nwɔ tɔ́n kaa di yəi, daa ɲagban naa kulɔ, daa lɛ̨ą mą. Nuą ɲɛ̨i tɔwɔ nuą daa tɔɔ ná. Yálá kwəi mɛ̨nį hukulɔ nu, diɛ ɓə kɛa Baalə kwəi mɛ̨nį hukulɔi Di hvilɛn ŋąą kpɛli-kpɛli hɛnŋaa pulu.

Ɉeremi 50:2

'Ka mo lɔiɠaa hu, 'Ká nolo ɓo, 'ka ɉukulɔ, 'Ká mo, ká hvo ɲɔw, 'ka kɛ diɛ: Daa Babilonə hon, daa Bɛlə nwumɛ̨, Mardukə aa too, daa nwɔ haliɠaai ɓɛlɛkpɛɛ diɛ. Daa nwɔ halii mąąnįnįnŋaa hukala.

Ɉeremi 51:17

Nu kəlee da lɛɛ lɔ tín, di hva pɛli hvaai, di hva mɛ̨nį ŋąą kaa. Hali pɛli nuą kəlee diɛ nwumɛ̨ di wɔ haliɠaai mąą mɛ̨nį hu, di wɔ haliɠaai, mąą mɛ̨nįɠaa kaa a lɛɛ, di nɔ̨ɔ̨ hvo di hu.

Danîa 5:23

Yaa ə́ muhəɠə Yálá ŋɛ̨i gaa hɛn gəlee nwun mɛ̨i naa ɓa, yaa ɲəi bɛlɛ́n ɉɛnŋaa həɠə, yɛ́, ə́ wɔ wɛli nɛ̨ąąi, ə́ nɛ̨ąni da ə́ wɔ nu kpɛa-kpɛaɠaai, kaa lɔɔ kpələ ɉu. Yili pulu, yáláɠaai ŋɛ̨i di kaa a: wali kwɛli, hɛni, ɓala kwɛli, kwɛli, wulu da kwɛni maahaɠaaɠaa, diɛi di hva kɛɛ kaa, di hva mɛ̨nį mɛ̨n, kili hvo diɛ, kaa kwɛli hvilɛn diɛ, ka hvo gɛ li ka hvo mąąwiɛ tɛɛ Yálá pɔ, yaai ə́ nɔw kaa ɲəi, da ə́ kɛ mɛ̨nįɠaa kəlee.

Amɔsə 2:4

Yai-Laa woo ka, yɛ: Mɛ̨ni tɔ̨nɔ̨ hvəi gɛi gɛ́ haŋą Ɉuda nuą diɛ, gaa kpɔ a mɛ̨nį haaɓa, kpɔ hɔlɔmun nąąn. Mąąhɔlɔɓo, daa lənə Yai-Laa nwɔ tɔ́nŋąą diɛ, ɛlɛɛ, di hvo bɔ liɛwooɠaa hon ni, mąąhɔlɔɓo, daa həɠə daa hvilɛn haliɠaa pulu, diɛi wɔlɔ di kalaɓɔlɔni di hvilɛn di pului.

Zôna 2:8

Yai-Laa! Nwɔ Yálá, ɓɛlɔwai nɔ̨ɔ̨ ə kɛi kulɔ la ɲə́i, gíli ə hvilɛn yɛ́, ɛlɛɛ, ə́ hvɛlii ŋą́ mo, nwóó ə həli ə́ wɔ pɛlɛ́ mąąhəɠɛɛi ɓa.

Zakari 10:2

Hvo gaai, haliɠaa daa hvaa, nu hvo ɲąą kaa li, ɛlɛɛ, dɔlu kpɛ nuą daa lɛ́ɛ́ tɔlu kpɛ, ɉįi nwooɠaai da ɉu kulɔ, nwun va kɛ mą, diɛ nuą lii laa woo ɓo, a di ɓowo pələ. Yili ɓə gɛi, nɔi lonnii daa lan, yɛ ɓɛlaa kpulu, di mąąwɛliɛ, gbala ə tɔɔ, di ɲąą kɔ́n nąn və mą.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Korɛntə dɔlɔɔ 12:2

'Ká kili kaa ɉu, káá, ká kɛɛ hali yíi hu, ká kɛli lɔ li ká nwun ɉu kun ma, ɉaliɠaa tii di hva hvaa, di pɔ pələ.

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

Nwun mąąɓo 17:4

Kɛlaa, Mika ə pənə nwɔ̨nɔ̨, ə nwalii tii tɛɛ nee pɔ. Nee ə nwun-veelɛ həɠə ɉu, ə dɛɛ wali kwɛli pu mun da bɔ. Yili ə bu, ə bɛli a hali, a mąąnįnįn ɉaɠaa ta, də li di ɉee Mika yəi bɛlɛ́n.

Samuɛlə dɔlɔɔ 12:21

Ka hvo həɠə bulu, yili a kɛ a ka hvilɛn ŋąą kpɛli-kpɛli mɛ̨nįɠaa pulu, yiiɠaai tɔ̨nɔ̨ hvo diɛ, di hva pɛli nu kulɔ mɛ̨nįi, mąąhɔlɔɓo, di hvo a hɛn da.