Habakukə 2:1 - Yálá laawoo hɛɓɛ (dc)

¹ Nwɛi, gáá pai lɛɛi tɔɔni ɉii la, gɛ́ ɲɛ̨́i laa, ŋį́ kɛ laa tɔɔni yɛ: mąą hɛn gɛ mun, ə gɛ, mɛ̨nį Yálá kaa pai moi mą́ą́, ŋį́ kɛ a yili kɔ́lɔn ŋąą ɛlɛɛ, bələi gaa pai nwóó laawoo pulu pənəi la.

Yálá laawoo hɛɓɛ

¹ Nwɛi, gáá pai lɛɛi tɔɔni ɉii la, gɛ́ ɲɛ̨́i laa, ŋį́ kɛ laa tɔɔni yɛ: mąą hɛn gɛ mun, ə gɛ, mɛ̨nį Yálá kaa pai moi mą́ą́, ŋį́ kɛ a yili kɔ́lɔn ŋąą ɛlɛɛ, bələi gaa pai nwóó laawoo pulu pənəi la.

Bible

¹ Ŋá pâi tɛ̂i yeŋkêŋ ŋá, ŋá mɛni maa kpɛ́ɛ, ŋá gáa m̀ɛnii Yâwɛɛ a pâi môi ḿâi, ǹyaŋ ŋa pâi gâai berei a pâi ŋ́oo su toôi la é pîlaŋ ŋásɔŋ-pu-maai mai.

Habakukə 2:1 ပူးပေါင်းရင်းမြစ်များ

Samia Veerɛi 18:24

Davidə ə kɛ heeni ɉįi laaləi hveelɛi lɔwai, nui kɛ tɔɔni ɉįin la, yɛ daa mɛ̨i kaa, ə li Davidə pɔ, ə li ɉįi la, ə nwun mu həɠə, ə nu tɔ̨nɔ̨ kaa, yɛ gilɛ həɠə yɛ pa.

Tɔɔɓɛlaa veelɛ 17:9

Mɛ̨nįi mąą hvo nɛ̨ɛ̨li kɛ Israɛlə lonnii di hvo gɛ a Yai-Laa di wɔ Yálái, ya ɓə yaamun di di yee lɔ ɉu diɛ gɛ a loo pɛlɛ. Diɛ hali kɔ́iɠaa pɛli daa kpɛa kpɛaa kəlee hu, daa mąąkpɛ pɛlɛ́ɠaa kəlee mu, da gɔ́ taaɠaa hu.

Tɔɔɓɛlaa veelɛ 9:17

Daa mąąkpɛmun ə kɛ tɔɔni daa mąą kɔ̨nwɔ̨ pɛlɛ́ tona, ə Ɉehu nwɔ nu kpulu kaa diɛ pa, ə wɛlɛɛ tɔɔ tɔɔmun bɔ, yɛ mą: «Gáá nu kpulu kaai!» Yoramə yɛ mą: «Hoo nąmu ta tɔɔ ə li ə di mąąni kɛ, akɛ Liilaa mɛ̨nį ɓə ka káá pai la?»

Zôo 31:35

Gbɛɛ ɓə pai gɛi, yɛ nwəli tɔɔ nwóó ɓa? Nwóó ɲąą kpɛɛ woo ka ŋɛ̨i gáá moi, Huwalawala Kəlee Nąmu ə bulu pənə. Yii ɓaa ɲaba lɔ wooɠaai ti,

Zôo 31:37

Gáá pai ɉiɛ pələ tɛitɛi hukulɔi Yálá ɓa, gáá pai naakwiɛn ɉii yɛ tɔɔmun non.

Mąątɛ̨nɛ̨ 5:3

Ə́ təlii gáá moi, ə́ wəli tinɛ̨n bɔ́ pələ, nwɔ́ tɔɔmun, nwɔ́ Yálá! Yɛ́ ɓə gáá ə́ təlii.

Mąątɛ̨nɛ̨ 85:8

Yai-Laa, ə́ wɔ wɛlikɛmąąlaa lɛ kuɔ wɛ! Ə́ ku ɓalo!

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Azaya 21:5

Daa kɔ̨nɔ̨n bɛli, mąąkpɛ kɛ nuą, kaa mąąkpɛ kɛi, nuą diɛ di laa mįi, diɛ di kpələ, 'ka ka muhəɠə, yala nąmįną, ka gɔ́ kɔ́ hɛnŋąą pɛli.

Azaya 21:6

Mɛ̨nįi Yai-Laa ə mo mą́ą́, ya ka, yɛ mą́ą́: «'Li, ə́ mąąkpɛɛ kɛmun dɔɔ, yɛ bələi kaa, yii a gaa, ə mo.

Azaya 21:8

Gɛɛnąą mąąkpɛɛmun aa tómą, yɛ kɛ diɛ: Ną́mu, ŋą́ túwɔ́ tɔɔni dɔ́ɔ́i, gɛ́ bələi kaa, ŋį́ yíi tɔɔni dɔ́ɔ́i, gɛ́ bələi kaa.

Azaya 62:6

Ɉerusalɛmə, ŋą́ą́ daa mąą kpɛnuą tɔɔ ə́ wɔ hį́í mɛ̨i, diɛ túwɔ laa, diɛ yii laa, mąą hvo nɛ̨ɛ̨li di hvo tɔɔ kpɛli kpɛli. «Kaai ɲɛ̨i ka mɛ̨nįɠaa kili too Yai-Laa ɲą, hvįįtɔɔ hvo ka yəi!

Ɉeremi 12:1

Yai-Laa! Ə́ haŋąąi! Gwa yɛ́ gu hva pɛli kiti kɛi. Kɛlaa, mɛ̨nį ta kaa laa, gɛ́ gu mo; lə ɓə kɛ yaai, nɛ̨ŋɛ̨n ɉəɠə nuą kɛ mɛ̨nį hu a nɛɛ? Lə ɓə kɛ yaai nuą da di woo kala, di kəlee di kaa di nɛɛ hu?

Ɉeremi 6:17

Ŋą́ di mąąkpɛ mun dɛɛ di pɔ, yɛ ɲɛ̨i laa di mɛ̨i, yɛ di kilaa pɔ̨nɔ̨, yɛ kɛ diɛ: «Ka ka wəli tɔɔ dulu woo ɓa!» Kɛlaa, diɛ kɛ diɛ: «Ku hvo bɔ ku hvo ku wəli tɔɔ.»

Izikiɛ 3:17

«Hulɔnu lon, gáá ə́ tɔɔi yɛ kɛɛnąą mąąhɛn mun, Israɛlə nwɔ pɛlɛ́i mąą mɛ̨nį ɓa; yá woo ta mɛ̨n, yɛ həɠə ná, mąąnɛ̨ɛ̨ ə́ di kili pu ɉu náá hu.

Izikiɛ 33:7

Yɛ́ hulɔnu lon, yɛ́ ɓə ŋą́ ə́ tɔɔ a Israɛlə bələi mąąkpɛɛ mun, wooi a kulɔ ná, ə́ wəli tɔɔ mą; yili pulu ə́ mo diɛ a nwɔ mɛ̨nį ɓoɔ.

Mise 7:7

Kɛlaa nwɛ́i, ɲɛ̨́i kaa Yai-Laa tɔwɔ, gílitɔɔi ɓə Yálá ɓa, málomun ni. Nwɔ́ Yálá kaa pai nwóó mu hon ɉii.

Korɛntə veelɛ 13:3

hvó gaai, ká káá bɔ ká gaa, káá Kristə ɓə pə́lə́ ɓoi káá, bɔ́ pələ. Kristə hvįi hvo kpɛɛli ká mąą mɛ̨nį ɓa, kɛlaa a nwɔ huwalawalaa kulɔ pono ŋą ka lɔwai.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;