Habakukə 1:3 - Yálá laawoo hɛɓɛ (dc)

³ Lə mɛ̨nį ɓa, mɛ̨nį kpəlaan ŋąą ɓə ə́ kaa gaai? Ɛlɛɛ, yɛ́ hvaa mą, yɛ́ mɛ̨nį ɲɔ̨n gɛ nuą kɛi kaa? Ŋą́ ɲɛ̨́i hee gwɛ́lɛ, nwąnąlɔ da mɛ̨nį ɲɔ̨n nɔ ɓə ŋą́ gaa; hvaa kɛɛ, da kiti mɛ̨nį lɔ ɓə gaa kɛɛnąą kəlee.

Yálá laawoo hɛɓɛ

³ Lə mɛ̨nį ɓa, mɛ̨nį kpəlaan ŋąą ɓə ə́ kaa gaai? Ɛlɛɛ, yɛ́ hvaa mą, yɛ́ mɛ̨nį ɲɔ̨n gɛ nuą kɛi kaa? Ŋą́ ɲɛ̨́i hee gwɛ́lɛ, nwąnąlɔ da mɛ̨nį ɲɔ̨n nɔ ɓə ŋą́ gaa; hvaa kɛɛ, da kiti mɛ̨nį lɔ ɓə gaa kɛɛnąą kəlee.

Bible

³ Lé ƃé ƃa gɛ̀ ŋ́gɛ mɛni nyɔ́mɔɔ-ŋa ŋɛ́i kàa da mɛni kpɔ̂lu-ŋai? Núu su-kara-ƃela da ŋwana-lɔ̂ɔ kɛ́-ƃela díkaa ŋ́gɔlɛ ma, laa-sâa da woo-taa-taa kɛ́ ƃò ḿbôlu.

Habakukə 1:3 ပူးပေါင်းရင်းမြစ်များ

Ikilisiati 4:1

Mɛ̨nį nwɔ̨nɔ̨i ŋą́ gaa yələkɔlɔn mu, kɛɛnąą tamąą ɓa, ya ka, ya ɓaa: Mɛ̨nį kpəlaan ŋąąi nuą da gɛ lɔi mɛ̨i. Nuą da kɛ mɔ̨nɔ̨ laai di ɓɛlaa mɛ̨i, yiliɠaai diɛ wɔlɔ di yəi, Kɛlaa, nu hva hɔlɔɓo hvo di mąą kpɔmąą ɓo. Ɉeemɛ̨i nuą tii ɓə huwalawala kaa di yəi, diɛ pɛli kpɔmąą kɛi, Kɛlaa, di tɔ̨nɔ̨ kpɛli hva kpɔmąą tɛɛ mɔ̨nɔ̨ mįi nuą tii pɔ.

Ikilisiati 5:8

Yii viɛlaɓoɔ lɔi nuą diɛ, ya ɓaa: tɔɔmun da ə kɛ di yəi, yɛ tíi yɛa kóló ɓɛlɛ kɛ mą. Mąąhɔlɔɓo, yɛa kóló ɓə tɔɔmun gɔ̨nɔ̨n a kulɔ ɉu.

Azaya 46:12

'Ka ka wəli tɔɔ, kili wala wala nuą, kaai, kaa ka mąą kwɛa tələnmo yíi ɓa:

Azaya 5:7

Yai-Laa Mɛ̨nį Kəlee ŋą Hééɓomun nwɔ tíi ɓaa, a Israɛlə nwɔ pɛ́lɛ́i, hihɛn yii nwɛli ə kɛ mą kpɔ kɛnɛ̨, ya ɓaa a Ɉuda nu huwu, ɲɛ̨i ə kɛ təlimo laa tɔwɔ, kɛlaa wea mɛ̨nį ɓə aa gaa, ɲɛ̨i ə kɛ tɛ̨ą tɔwɔ, yiihu kɛa mąąwɛli nuą wɔlɔ woo ɓə tɔɔi.

Ɉeremi 15:10

Éékə́ néé! Lə mɔ̨nɔ̨ ɓə ŋɛ̨i ə́ naa mą́ą́i! Yɛ́ li gáái a lon? Ɲą́ą́ ŋɛ̨i ŋą́ą́ kɛ a nui nɔi kəlee a naa hea too, diɛ tɔɔ na; Və́ kwələ həɠə li, və́ kwələ tɔɔ li, Kɛlaa, ə mą kɛ tii, nu kəlee kaa nɛ́ŋɛn naai.

Ɉeremi 20:18

Lə ɓə kɛ yaai, ŋį́ li kulɔi néé kwəi? Gɛ́ mɔ̨nɔ̨ da mɛ̨nį nwąnąą di kɔ́lɔn? Ŋą́ ɓo lɔ nwúmɛ mɛ̨nį hu, a yələ kəlee, yɛ hee ɉú?

Ɉeremi 20:8

Ŋą́ kɛi kɛ ŋį́ pələ ɓo, hvo kɛli ŋį́ nu təli mą́ą́, gɛ́ tomą, gɛ́ kɛ mą: «Too mɛ̨i da wea ɓə» Yai-Laa woo mąą mɛ̨nį ɓa, da túwɔ́ lɔ nálan ɉii, diɛ di laa pu ɉú.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Maafîu 10:16

Jesus ə mo nwɔ kalan nɛai diɛ, yɛ diɛ: «Ka ka wəli tɔɔ! Gáá ka tɛɛi yɛ ɓɛlaa lonnii kwɛliɠaa lɔwai. Ka kɛ gili-gili yɛ kaalə, ka kɛ a ka wɔ mɛ̨nį lɛlɛɛ, yɛ gbohvoló-hvoló.

Piɛrə veelɛ 2:8

Mąąhɔlɔɓo, Lɔtə ti kɛ a dəlimoɔ, da diɛni ɓə kɛ kɛɛnąą tɔ̨nɔ̨, yɛ di kɛ mɛ̨nį ɲɔ̨nŋąa ti naa kaa, yɛ bələ mɛ̨n, yili yɛ nii kələn gwəi.