Habakukə 1:13 - Yálá laawoo hɛɓɛ (dc)

¹³ Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Yálá laawoo hɛɓɛ

¹³ Kɛlaa, ə́ wɔ Yálá ɲɛ̨ikɔw hva pɛli mɛ̨nį ɲɔ̨n gɛi kaai, hvá pɛli hvaai mą, hvo kɛ a mɛ̨nį ɲɔ̨n gɛi kaa mun. Akɛtii, lə mɛ̨nį ɓa, ə́ ɲɛ̨i kaa nu ɲɔ̨nŋąą ŋɛ̨i diɛ, hvó da ɓoi? Lə mɛ̨nį ɓa, ə́ ə́ laa pilɛ, nuąi di haŋąą, diɛ mɔ̨nɔ̨ mįi nwąnąlɔ nuą yəi?

Bible

¹³ Yái ífe ŋ̀wɛ̂lii í íŋɛi pɛ́lɛ sɔŋyɔ̂ŋ mai, yái ífe wɛ́li-ni a wôya-mɛnii, lé mɛni ƃé ƃa ǹɛɛ naa ŋ̀wana-lɔ̂ɔ-ƃelai díkɛ sɔŋyɔ̂ŋ kɛ̀ nɔ́, lé ƃé ƃa ŋ̀wana-lɔ̂ɔ-ƃelai kâai la díkɛ mɛni nyɔ́mɔɔ kɛ̀ a ǹúui zɔŋ lɛ̂lɛɛi é tɛɛ dîa, í mɛi saá nɔi?

Habakukə 1:13 ပူးပေါင်းရင်းမြစ်များ

Samia Veerɛi 4:11

Guho mun kɛ, nu paa nuą da tələnmomun ba ɲəi bɛlɛ́n, akɛ tii vá mɔ̨ɔ̨ dəlimo mun tii ŋama mąą mɛ̨nį ɓo kaa, yii gaa ka yee ɓa? Ŋą́ ka həɠə lɔi yɛnɛ̨ɛ̨?»

Tɔɔɓɛlaa dɔlɔɔ 2:32

Yai-Laa a Ɉoabə haa wulu lɛɛ Ɉoabə yaa kpinįi nwuɔ̨, yai tii nu hveelɛ paa, diɛi kɛ di haŋąą, di hviɛlaɓoɔ di tɛɛ mą, ə di paa a ɓɔwa, ną́n Davidə tɛɠii. Nu hveelɛi tii dɔ̨nɔ̨ ɓaa Nɛrə lon Avnɛrə, yai kɛ a Israɛlə kɔlaɠa nwun nąmu; veelɛnąą Yɛtɛrə lon Amasa, Ɉuda kɔlaɠa nwun nąmu.

Zôo 15:15

Yálá hvo kpɛli laa li nwɔ malaka mąąhəɠɛɛɠaa la tɛ̨ɛ̨ tɛ̨ɛ̨, Ə mą kɛ yələkɔlɔn mə, hvo haŋą li ɲɛ̨i mu.

Zôo 21:7

Nu ɲɔ̨nwɔ̨ɔ̨ɠaa da lɛɛ yɛnɛ̨ɛ̨ lə mɛ̨nį ɓa, di pɔlɔ mɛ̨nį yɛ kɛ a di wɔ yee wala wala laa hu kɛnɛ̨ mɛ̨nį?

Zôo 24:23

Ya pa Yálá a hvaa mą, yɛ nwɔ yɛnɛ̨ɛ̨ kɛ liilaa hu, Kɛlaa, ɲɛ̨i heɛ di hiɛ pələɠaa hu.

Mąątɛ̨nɛ̨ 10:15

Nwąnąlɔmun, nwɔ nwąnąlɔ yeei hu yali, nwɔ nwąnąlɔlaa hvɛla tɛɛi bɔ, ə kwɛlɛɛn ə́ ɲɛ̨i mu, hvó kɛa gaa.

Mąątɛ̨nɛ̨ 18:26

Nui dəlimoɔ, yá tələnmolaa kɛ la, nui gwəi kwəlɛɛ, yá ə kwəi kwələ mą,

Mąątɛ̨nɛ̨ 25:3

Nui a gilitɔɔ yɛ́, nwumɛ̨ hva tɛ la, nu ɓowo nuą, yəi aa kpɛɛ, daa nwumɛ̨ kpɔ kɔlɔ-kɔlɔ.

Mąątɛ̨nɛ̨ 35:17

Yai-Laa, ə́ kaa lɔ nąą kaai ɓəi? Nwɔ́ yɛnɛ̨ɛ̨ kulɔ mɔ̨nɔ̨ kɛnɛ̨i ɲɛ̨i hu wɛ! 'Gúlɔ ɲalaɠaai ɲɛ̨i yəi.

Mąątɛ̨nɛ̨ 35:22

Ə́ kaa nąą kaai? Yai-Laa! 'Hvó ə́ wəli laa kpulu, Ną́mu Yálá, hvó ə́ mąą kwɛa mą́ą́.

Mąątɛ̨nɛ̨ 35:25

Di hvo pɛli kɛi di kee ɓa: «Ya ka! Ya ka! 'Ka gu gu yee kpɛlaan nɔ la tanɔ̨n», Mąą hvo nɛ̨ɛ̨li kpɔ di hvo kɛ diɛ: «Ku yee aa pɛli mą.»

Mąątɛ̨nɛ̨ 50:21

«Mɛ̨nįi ə́ gɛi, ya ka tii, akɛ tii ŋą́ mɔ̨ɔ̨ pɛli náápilɛi? Gaa ə́ kwəi gáá yɛ yɛ́? Ə́ hɔn ga tii gáá moi ə́ ɲɛ̨i ɓa.

Mąątɛ̨nɛ̨ 50:3

Ku wɔ Yálái ə pa wɛ! Hvo kɛa naapilɛ! Nwɔ̨n gaa ɲɛ̨itɔwɔ, yɛ kɛɛ kələn; tulɔ hvaŋą kɛnɛ̨ ə ɓo gwɛlɛ nąą kəlee.

Mąątɛ̨nɛ̨ 73:3

Mąąhɔlɔɓo, ɲɛ̨́i ə kɛi kulɔ hɛn nąmįną pɔ, a nɛ̨ŋɛ̨n ɉəɠə nuą di wɔ nwunnąnɛ̨ɛ̨ kaai ŋį́ kɛi moi.

Mąątɛ̨nɛ̨ 83:1

Wələ woo, Asafə nwɔ hvɛ́li woo.

Azaya 21:2

Mɛ̨nį kponąą ta ka ŋɛ̨i, di nɛ mą́ą́ hįi pələ. Pulu kulɔmun, yɛ pulu kulɔ mɛ̨nį kɛ, kɛɛ kalamun yɛ kɛɛ kala. Elamə nuą, 'ka tɛ! Medi nuą, 'ka ka wɔ kɔlaɠai pɛlɛ! Gáá woo laa wooɠaa kəlee kpɛɛi.

Azaya 24:16

Ku kaa wələ woo mɛ̨n ɉi, yɛ həɠə lɔi kpɛlai pələ, yɛ kɛ diɛ: «Ɓáá ə lɔ təlinmo Yálá ɓa.» Ya ɓə ŋą́ kɛ diɛ: Ŋą́ą́ kpɔlɔɔn! Ŋą́ą́ kpɔlɔɔn! Nwún na ɲɔ̨nwɔ̨ɔ̨i, ɲaba lɔ nuą daa ɲaba lɔ mą́ą́. Ɲaba ka, ɲaba lɔ nuą daa ɲaba lɔ kɛnɛ̨.

Azaya 33:1

Kpalo ɓɛlaai yɛ́, yɛ́i kɛɛ kalai ə́ ɓɛlaa diɛ, yaan, da hvo ta kala li yɛ́, yɛ́ ə́ ɓɛlaa ɓowo, yaan di hvo ta ə́ ɓowo li. Ya pa kpɛɛi gɛɛ kalaai tii ɓa, di kaa pai da kalai lɔ yɛ́, yá pa kpɛɛi a mowo ɓoi tii kɛɛ a ə́ ɓɛlaa, di kaa pai ə́ ɓowoi.

Woolaa 3:36

Diɛ nu lonnii hvulu kiti haɠa ɓa, Hɛn Gəlee Nąmu! Hva mɔ̨ɔ̨ kɛ nąą kaai?

Habakukə 1:14

Lə mɛ̨nį ɓa, yá nuą kaa yɛ hɔ̨nwɔ̨leeɠaa, yɛ tala huwɔɠaai nu hvo di yəi, yɛ di tənən dɔɔ?

Zakari 8:17

'Ka hvo mɛ̨nį ɲɔ̨nwɔ̨ɔ̨ mąą kili tee ka kwəi ka keeni diɛ, nu kwɛlaa a lɛɛ mɛ̨nį, yili wɛli hvo kɛ kaa. Mąąhɔlɔɓo, mɛ̨nįɠaai tii kəlee wɛli kpɛɛi mą́ą́. Yai-Laa woo li.

Gɛlaɠaa 2:23

Ɉulɔnui ti, yɛ bələi ə kɛ la a Yálá nwɔ mɛ̨nį pɛliɛ da nwɔ mɛ̨nį kɔ́lɔnŋąa, ká gwɛlɛ nuąi di hvo Yálá kɔ́lɔn diɛ, di gbanwo kolɔwa ɓa, di baa.

Dutɛrɔnome 23:15

Mąąhɔlɔɓo, Yai-Laa ka wɔ Yálá yaa kpinį lee ga ka lɔwai gɔ́ laɠa hu, yɛ li, yɛ pa ka ɓalo mɛ̨nį ɓa, yɛ ka yowoɠaa lɔ ka yee ŋą. Yili ɓa tii, ɓɛi ka kɛ laa, nwɔ kɛɛnąą li. Mąą hvo nɛ̨ɛ̨li Yai-Laa hvo hɛn da kaa laa a nwumɛ̨ mɛ̨nį yii a gɛ, yɛ bulu tɔɔ la kaa.