Habakukə 1:12 - Yálá laawoo hɛɓɛ (dc)12 Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ. အခန်းကိုကြည့်ပါ။Yálá laawoo hɛɓɛ12 Yai-Laa ə həɠə kpɔ yɛnɛ̨ɛ̨ pɛli yələ ɓa, ə həli la yiihu ɓa, kɛlaa yɛ́ lɔ ɓə a nwɔ́ Yálá? Nwɔ Yálá mąąhəɠɛɛ, yili ɓa ku hvo pai haai! Yai-Laa, yɛ́ ɓə a ku mą́ą́kpɛ kwɛni. Yɛ́ ɓə nuą tii həɠə ɉu, ə́ di kɛ a ku hutɔɔ hvaɠa, di ə́ nwąną kulɔ kuɔ. အခန်းကိုကြည့်ပါ။Bible12 Óo Ŋáɣâlai Yâwɛɛ, yái ímaa waai, ífe ɣele ma wɔ́lɔ-wɔlɔ da wɔ́lɔ-wɔlɔ? Ífe ǹɛɛ naa kú sáa. Óo Yâwɛɛ kúkili tɔɔ̂i ya. Yá óo kú Kɔnii, ƃa gɛ́ Babelɔŋ-ŋai da wála-wâla da pá a mɛni ŋa-téɛɛ kúmɛni ma. Ya díkpɛtɛ kúkula-maa kɛ́ mɛni ma. အခန်းကိုကြည့်ပါ။ |
Habakukə 1:12
48 ပူးပေါင်းရင်းမြစ်များ
Nuąi yɛɛi Eziptə, kpalo ɓɛlaai diɛ, di kaa lii kpɔn mąą kwɛlii laa, di kaa di kilitɔɔi hooɠaa diɛ; diɛ di kili lɛɛ kɔ́ kɔ́ wotoloɠaa diɛ, mąąhɔlɔɓo, di kpulu kɛnɛ̨ɛ̨i. Diɛ di kilitɔɔ ɉoo gilɛ həɠə nuą diɛ, mąąhɔlɔɓo, di tamąąi. Kɛlaa, di kili lɔpee ta hvo tɔɔ li Israɛlə nwɔ mąąhəɠə mun ɓa, di hvo Yai-Laa kwɛlii.
Mɛ̨nįi Yai-Laa, Israɛlə nwun mąąɓo Yálá, da nwɔ nu mąąhəɠɛɛ kaa moi, ya ka: Yai daa mɛlɛ kpɛɛ mą, yɛnɛ̨ɛ̨ nuą diɛ gaa yɛ hɛn ɲɔ̨nwɔ̨ɔ̨, ə ɓo a tɔɔɓɛlaa di wɔ luwɔ, Gaa kɛi mą, tɔɔɓɛlaa kaa pai ə́ kaai, diɛ di muhəɠə, lɔi ɲąąwooɓo nuą, diɛkpɛli, diɛ kwɛli hvilɛn mą, diɛ yili kɛ tii, Yai-Laai ɲɛ̨i dəlimoɔ, mąą mɛ̨nį ɓa, Israɛlə nwɔ nu mąąhəɠəɛi ɲɛ̨i ə́ həɠə ɉu, mąą mɛ̨nį ɓa.
Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.
A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.
ကြော်ငြာတွေ