Gɛlaɠaa 9:6 - Yálá laawoo hɛɓɛ (dc)

⁶ Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Yálá laawoo hɛɓɛ

⁶ Kɛlaa, 'Ə́ muhəɠə, 'tɛ taai, mɛ̨nįi mąąnɛ̨ɛ̨ ə́ gɛ, di kaa lii moi yɛ́.»

Bible

⁶ Kɛ́lɛ, ímu siɣe í li daai su. Da pâi m̀ɛnii ƃôi yâ ya pâi gɛ̂i.”

Gɛlaɠaa 9:6 ပူးပေါင်းရင်းမြစ်များ

Mąątɛ̨nɛ̨ 25:12

Nui a ɲɔw Yai-Laa ɓa, Yai-Laa a ɉiɛ pələ lɛ mą, yɛ ɉon na.

Mąątɛ̨nɛ̨ 94:12

Nwun nanɛ̨ɛ̨mun maa a, nui Yai-Laa a ɉutɔɔ, a nui Yá mąąkwɛli a ə́ wɔ tɔn ɉon bələ.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Izikiɛ 2:1

Yɛ mą́ą́: «Hulɔnu lon, 'haŋą ə́ tɔɔ, gɛ́ ŋą́ pələ ɓo yɛ́.»

Izikiɛ 3:22

Nąąlɔwai Yai-Laa yee ə kɛ lɔ nwɔ̨nɔ̨ mɛ̨́i; yɛ mą́ą́; «'Ə́ muhəɠə, 'li, ɲɛɛkɔwɔ hu, ŋą́ mɛ̨nį ɓo laa yɛ́.»

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Maafîu 19:30

Kɛlaa, yiihu, yiiɠaai di kaa a dɔɔ dɔwɔɠaa di kaa pai lɛɛi a pulu nuą. Nɛɛ pulu nuą di kɛ a dɔɔ dɔwɔɠaa.»

Lukə 3:10

Nu kpului tii kəlee di Ɉaan mąąni kɛ diɛ mą: «Akɛti, lə ɓə Yálá kaa bɔ ku gɛ?»

Gɛlaɠaa 10:22

Di nwoo ɲąąpənə diɛ mą: «Ɉolahi nwun nąmui a Kɔrnɛyɛ, ya ɓə ku tɔɔ, tələnmomun ni, naa lɛlɛɛ tɛɛi Ɉuifəɠaa lɔwai. Malaka mąąhəɠɛɛ ta ə mo mą, yɛ mąąnɛ̨ɛ̨ ə ə́ təli ɲəi bɛlɛ́n, mɛ̨nįɠaai ə gaa, ə mo yɛ́.»

Gɛlaɠaa 10:32

Nu ta tɔɔ ə li Ɉope daai, Simɔn, naa mɛ̨i hee ɓaa: Piɛrə, ə dəli ə pa. Gaa gɔlɔtɔɔmun da kɛ mą Simɔn ɲei bɛlɛ́n, gboloyá kwɛlɛ.›

Gɛlaɠaa 10:6

Gaa kɔlɔtɔɔmun da yəi bɛlɛ́n, da kɛ yaa kpɛli mą Simɔn. Nwɔ pɛlɛ́i kaa gboloyá kwɛlɛ.»

Gɛlaɠaa 2:37

Nwooi ti mɛ̨n di mo, di kwəi ə pili diɛ, di Piɛrə da mɛlaa di mąąni kɛ diɛ mą: «Ku nąn nonnii, lə ɓə kani mąąnɛ̨ɛ̨ ku gɛ?»

Gɛlaɠaa 22:10

Gɛ́ mą: ‹Ną́mu! Ɲą́ą́ ká! Lə ɓə yɛ́ ŋį́ gɛ?› Ya ɓə gu Nąmu a kɛ mą́ą́: ‹'Ə́ muhəɠə, 'tɛ́ Damasə, mɛ̨nįi mąąnɛ̨ɛ̨ ə́ gɛ, di kaa lii nɛi yɛ́.›

Gɛlaɠaa 26:16

Kɛlaa, 'ə́ muhəɠə, 'ə́ haŋąn ə́ tɔɔ, Mɛ̨nįi ŋį́ gbɔ́ɔ́ lɛ la yɛ́, ya ka: Ŋą́ ə́ həɠə ɉu, yɛ́ kɛ a nwɔ́ tímun, da gwɛlɛɛn gɛɛ ŋɛ̨i ə́ gáá ɉu, mąą kɛla, da gwɛlɛɛn gɛɛ yiiɠaai kpɔ nwɔ̨nɔ̨, gáá pai gbɔ́wɔ́ lɛ ɉu yɛ́.

Gɛlaɠaa 9:5

Solə yɛ mą: «Gbɛɛ ɓaa yɛ́ Ną́mu?» Yili yɛ mą: «Ɲą́ą́ ɓə a Jesus, ɲą́ą́ ka tii ə́ kaa mɔ̨nɔ̨ɓoi.

Lomaŋ 10:20

Esai ə mo kpɔ yɛ diɛ: «Yálá yɛi: ‹Nuąi di hvo kɛi gwɛ́li, daa gáá, nuąi di hvo mą́ą́nįn gɛ li, ŋą́ą́ gbɔ́ɔ́ lɛ diɛ.›»

Lomaŋ 10:3

Dələnmolaai a həɠə Yálá pɔ gɔlɔn di hvo mo li, ɛlɛɛ, diɛ kpinįi diɛ di wɛi kwɛli, yili ɓə gɛ di hvo lɛɛ la Yálá nwɔ tələnmolaai mu.

Lomaŋ 5:20

Dɔ́n ə pa, nɛ̨ŋɛ̨n mąą ponoi. Kɛlaa, ɓɛi nɛ̨ŋɛ̨n ɉu ə kɛnɛ̨ laa, Yálá nwɔ mɛ̨inɛ̨ɛ̨ gboloon ə laa laa.

Lomaŋ 7:9

Tɔlɔɔ ti kɛ, dɔ́n və ni kɛ pa li; ŋį́ kɛ a vúlú. Kɛlaa, yii kɛa dɔ́n ə pa a liɛwoo, nɛ̨ŋɛ̨n aa mąn kɛ a vulú.

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»

Samuɛlə dɔlɔɔ 16:3

Ɉaláá kulɔi lɔwai, ə́ Ɉɛse təli, nąąlɔwai, yii mąąnɛ̨ɛ̨ ə́ gɛ, ɲą́ą́ gbinįi ŋą́ nɛ yɛ́. Nui ŋą́ ɲéé lɛ mą, ya ɓə yá mąątí a nwulɔi ŋɛ̨i.»

Samuɛlə dɔlɔɔ 28:5

Saulə ə Filisti nuą di wɔ kɔlaɠai kaa, ə ɲɔw, nii ə kpɛlin gwəi kpɔ kɛnɛ̨.