Gɛlaɠaa 9:42 - Yálá laawoo hɛɓɛ (dc)

⁴² Ɉope nuą di mɛ̨nįi tii bələ mɛ̨n, nu tamąą di laa gu Ną́mu la.

Yálá laawoo hɛɓɛ

⁴² Ɉope nuą di mɛ̨nįi tii bələ mɛ̨n, nu tamąą di laa gu Ną́mu la.

Bible

⁴² Ǹûai kélee dí m̀ɛnii ŋí kɔ̀lɔŋ Zapa. Ǹúui dámaa ɣele dí làa a Kúnuu-namui.

Gɛlaɠaa 9:42 ပူးပေါင်းရင်းမြစ်များ

Kɔlɔnikɔ Veerɛi 2:16

Nwɛ̨ąi kpɔ kɛ Israɛlə lɔi hu, Salomɔn ə di lonon, nąn Davidə nwɔ lonon moi ə gɛ yili pulu, di kɛ a nu waa nwundɔ̨nɔ̨ nu waa pow lɔɔli kɔ́w haaɓa pulu nwun mɛ̨ida.

Zôna 1:3

Ɉonasə ə pu, ə tɛɛ yɛ li Tarsisə daai pələ, ə gɛ, ə now Yai-Laa ɓa. Ɉonasə ə li Ɉafa daai, ə kələn da kaa laa gɛ pələ pɛliɛ kɛa yɛ li Tarsisə daai pələ. Ɉonasə ə gələn ɉala tɛɛ, ə tɛ diɛ li, ə gɛ ə now Yai-Laa ɓa.

Ɉaan 11:4

Ɓɛlɔwai Jesus ə nwəlɛɛ tii mɛ̨n na, ə mo yɛ diɛ: «Lazarə nwɔ ɲɔ̨n tii, hvo pai baai, kɛlaa, ɲɔ̨n tii, nwun mąą: Ə Yálá nwɔ huwalawala mąąwiɛ kulɔ pono ŋą, ə Yálá Lon ɉulɔnu nwɔ mąąwiɛ kulɔ pono ŋą.»

Ɉaan 11:45

Mɛ̨nį tii Jesus ə gɛ, Ɉuifəɠaa tii pa Mari pɔɔli naa kaai, di laa Jesus la.

Ɉaan 12:11

Mąąhɔlɔɓo, Lazarə tii mąą mɛ̨nį ɓə gɛ Ɉuifə tamąą diɛ kulɔ la di pɔ, diɛ laa Jesus la.

Ɉaan 12:44

Nąąlɔwai, Jesus ə kɛi mo kpɔ a nwoo kɛnɛ̨ yɛ kɛ diɛ: «Nui a laa ná, ɲą́ą́ lɔ hvəə ə laa ná, a kɛ tii nui dɔ́ɔ́ ya ka tii aa laa na.

Gɛlaɠaa 10:5

'Nuą tɔɔ yiihu Ɉope, Simɔn laamun da kaa laa, naa mɛ̨i hee ɓaa: Piɛrə, di dəli.

Gɛlaɠaa 10:8

Mɛ̨nįi ti ə gaa, ə ɉukulɔ diɛ, yili pulu, ə di tɔɔ Ɉope.

Gɛlaɠaa 11:13

Bələi ə malaka kaa la ɲəi bɛlɛ́n, yɛ kɛ mą: Nu ta tɔɔ Ɉope ə mo Simɔn, naa mɛ̨iheɛ a Piɛrə mą, ə pa, ɉulɔnui ti ə ɉukulɔ kuɔ.

Gɛlaɠaa 11:21

Gu Ną́mu ə kɛ di pɔ, nuąi di ɲɛ̨i tínɛ̨n gu Ną́mu pɔ pələ, diɛ hvilɛn bulu, di kpulu ə kɛli kɛnɛ̨.

Gɛlaɠaa 11:5

«Ŋą́ kɛ Ɉope daai, gɛ́ Yálá hvɛli, ŋį́ kwɛlɛɛn gɛɛ ta kaa, hɛn da ə həɠə yələi yɛ yɛɛ mɛ̨́i. Ə kɛ yɛ kpɔlɔ kɛnɛ̨ ta, yɛli nąąn gbulɔn ŋąą mą, ə yɛɛ gwɛ́lɛ.

Gɛlaɠaa 9:35

Nąą kaai Lida nuą di mo, da Sarɔn nɛŋɛ̨ hu nuą kəlee, di tínɛ̨n gu Ną́mu Jesus pɔ pələ.

Gɛlaɠaa 9:36

Laa na nɛ̨ɛ̨nu ta ə kɛ Ɉope daai diɛ kɛ mą: Tabita (mukulaa ɓaa: lómą; akɛ Grɛkə woo hu da kɛ mą: Dɔrkasə) ə kɛli mɛ̨inɛ̨ɛ̨ kɛ yələ kəlee nuą diɛ, yɛ kpɔnmąą tɛɛ yeehvowolo nuą pɔ.

Gɛlaɠaa 9:38

Ɉope kalan nɛa di bələ mɛ̨n diɛ, Piɛrə kaa Lida. Daa hveelɛi ti lɔwai hvo kɛ kwɛa li gee ɓa. Di nu hveelɛ tɔɔ, ə gɛ, də li di nwəlɛɛ ɓo Piɛrə ɓa, diɛ kɛ mą: «Ku kaa nɛ̨ɛ̨mąą hvəə yɛ́, kuɔ ə́ pa ku pɔɔli, hvo ɉu kwɛa.»

Gɛlaɠaa 9:43

Yili pulu, Piɛrə ə hvóló tamąą kɛ Ɉope daai, kɔlɔtɔɔmun da yəi bɛlɛ́n, diɛ kɛ mą: Simɔn.

Zasua 19:46

Yarkɔn yáɠaa, Rakɔn da nɔi kɛ Ɉafa tənən ma.