Gɛlaɠaa 9:20 - Yálá laawoo hɛɓɛ (dc)

²⁰ Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Yálá laawoo hɛɓɛ

²⁰ Solə ə nɛɛ ɲąąɓa yɛ mo Yálá hvɛli pɛlɛ́ɠaa mu, yɛ kɛ diɛ: Jesus kaa a Yálá lon.

Bible

²⁰ È Zîsɛ maa mɛni ƃò kpɔ́ Ŋ̀âla-fɛli kêre-ŋai mu a maa félaa a gɛ́ɛ gáa a Ɣâla Ǹóŋ.

Gɛlaɠaa 9:20 ပူးပေါင်းရင်းမြစ်များ

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 19:7

Ɉuifəɠaa diɛ mą: «Tɔ́n gaa ku yəi, yɛi: mąąnɛ̨ɛ̨ nu taaləi ŋɛ̨i ə haa, mąąhɔlɔɓo, aa gbɔwɔ kɛ a Yálá Lon.»

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Gɛlaɠaa 13:14

Kɛlaa, ɓɛlɔwai di həɠə la Pɛrsə daai, də li Antiɔsə daai Pisidi lɔi hu. A hvįįtɔɔ yələ ta, di lɔ Yálá hvɛli pɛlɛ́ mu, di hee;

Gɛlaɠaa 13:33

Aa bɔ mɛ̨nį kɛ kuɔi a di lonnii kuɔ da hvo lɛɛ li pulu, a Jesus nwun ə mo haa nuą lɔwai, yɛ bələi bɛ̨ɛ̨i la Yálá mąątɛ̨nɛ̨ wələ hɛɓɛ́ veelɛnąą hu, yɛ mą: «‹Nón maa yɛ́, ɲą́ą́ kpɔ ɓə ə́ kaa háákələi.›

Gɛlaɠaa 13:46

Polə da Barnabasə di mo kpɔ diɛ a ɲɛ̨i walawala, diɛ mą: «Káá ɓə kɛ tɔlɔɔ-tɔlɔɔ mąąnɛ̨ɛ̨ Yálá lawoo ə həli káá. Kɛlaa, yii káá lənə mąi, ɛlɛɛ, yii ká hvo ká kpɔwɔ kaai a nuąi mąąnɛ̨ɛ̨ di ɓalo hva kpɛɛ hɔlɔɓo, ku kaa kani ku ɲɛ̨i tínɛ̨n ɉii huwu takpɛliɠaa pɔ pələ.

Gɛlaɠaa 13:5

Di həliɛ Salaminə, də li Yálá hvɛli pɛlɛ́ɠaa mu diɛ Yálá lawoo laa həli diɛ. Ɉaan-Markə ə kɛ di pɔ, yɛ kpɔnmąą tɛɛ di pɔ.

Gɛlaɠaa 14:1

Ikoniumə daai kpɛlimąn, di nwɛlɛɛ tanɔ̨n ti laa həli lɔ laa; Polə da Barnabasə di lɔ Yálá hvɛli pɛlɛ́ɠaa mu, bələ ɓo pələi ti kɛ di yəi, Ɉuifəɠaa da nuąi di hvo a Ɉuifəɠaa, di laa Yálá la.

Gɛlaɠaa 16:13

Hvįįtɔɔ yələ, ku kulɔ daai, kwə li ya ta kwɛlɛ, a lɔ ku kwəi, ku kaa lii Yálá hvɛlii ta kaai. Ku lɔ ku hee, nɛ̨ąɠaa ti da kɛ di ɲąąkpɔn ɉii laa, ku pələ pili diɛ.

Gɛlaɠaa 17:10

Yii kɛa kpinį ə pɛlɛ, kalan nɛa di Polə da Silasə di tɔɔ bələi diɛ li Bere, di həliɛ laai, də li Ɉuifəɠaa di wɔ Yálá hvɛli pɛlɛ́ mu.

Gɛlaɠaa 17:17

Ə kɛli mɛ̨nįɠaa ɓo Ɉuifəɠaa, da Grɛkəɠaai kɛi kwɛli hvilɛn Yálá ɓa, diɛ, di wɔ Yálá hvɛli pɛlɛ́i mu; hvoló tɛitɛi yee mu, ə kɛi da ɓo nuąi pa laa diɛ.

Gɛlaɠaa 17:2

Yɛ bələi Polə a gɛ la a bɔlɔ, ə li ə Ɉuifəɠaa kaa di wɔ Yálá hvɛli pɛlɛ́ mu. Hvįįtɔɔ yələ haaɓa yee mu, lɔ ti gee la, ə kɛli pələ ɓo diɛ, yɛ kulɔ Yálá lawoo hɛɓɛ́ hu.

Gɛlaɠaa 18:19

Di li Efɛsə daai, nąą ɓə Polə da ɓɛlaa di di ɓɛlaɓo laa. Nwɛi, ə li Yálá hvɛli pɛlɛ́ mu, yɛ pə́lə́ ɓo laa Ɉuifəɠaa diɛ.

Gɛlaɠaa 18:4

Hvįįtɔɔ yələ həli pələ tɛitɛi, Polə ɓə pələ ə kɛ na Yálá hvɛli pɛlɛ́ mu; yɛ tɔɔ a nwąnąi, yɛ, Ɉuifəɠaa da Grɛkəɠaa di kiliŋą pono pələ kwɛli.

Gɛlaɠaa 19:8

Polə ə kɛli li Yálá hvɛli pɛlɛ́ mu, ɛlɛɛ, ɲąnįn ɉaaɓa yee mu, yɛ Yálá nwɔ tɔɔlaa mąą mɛ̨nį hukulɔ a kilitɔɔmąąlaa kɛnɛ̨, nuąi kɛi di wəli tɔɔ nwoo ɓa, yɛ tɔɔ a nwąnąi, yɛ tɛ̨ą lɛ diɛ;

Gɛlaɠaa 8:36

Di kɛɛ kɛa bələ pɔ, di həli kɛɛnąą ta, yálee yɛ ɓo laa, gbɛtɛgbuwului ti yɛ Filipə ɓa: «Yálee ka, lə mɛ̨nį ɓə a pɛli kpɛ̨ąn ɉii mą́ą́waa mɛ̨nį hu?»

Gɛlaɠaa 8:37

Filipə yɛ mą: «Akɛ yáá Ɉésu mąą mɛ̨nį kaa a tɛ̨ą a ə́ kwəi kwɛlɛɛ, ŋą́ pɛli ŋą́ ə́ mąąwaa.» Gbɛtɛgbuwului ti ə nwoo ɲąąpənə yɛ mą: «Ŋą́ą́ gaa kpɔ a tɛ̨ą, gɛ́: Jesus Kristə kaa a Yálá lon.»

Gɛlaɠaa 9:22

Kɛlaa, Solə nwɛi, nwɔ liikpələ ta lɔ ɓə kɛli pɛlɛ mą, yɛ Damasə Ɉuifəɠaa woo pulu pənə a gɔw, yɛ nɛ diɛ, yɛ kɛ: Jesus ɓə a Nwun mąąɓomun Yálá ə naakwɛlanmo.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Galatə 2:20

ŋą́ kɛli kɛa yɛnɛ̨ɛ̨ kɛ, və́ gɛi gbɔ́wɔ́ ɓa, Kristə ka tii yɛnɛ̨ɛ̨ kɛi ɉú. Gbala ə tɔɔ, ɲɛnɛ̨ɛ̨ yii ŋɛ̨i gáá gɛi nu kɔlɔ hui, gáá gɛi laa na laa hu, Yálá lon ŋɛ̨i nwɛ́lilakɛi, yɛ gbɔwɔ kwɛlɛ mą́ą́ mɛ̨nį ɓa, ɉáálai.

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ: