Gɛlaɠaa 8:33 - Yálá laawoo hɛɓɛ (dc)

³³ Nwɔ kpɔwɔ mąąyɛɛ laa hu, di hvo nwɔ tɛ̨ą mɛ̨nį ɓo li. Gbɛɛ ɓə pai ɉuwu mąą mɛ̨nį ɓoi? Hvo gaai, daa nwɔ yɛnɛ̨ɛ̨ kulɔ yɛnɛ̨ɛ̨ nuą lɔwai.»

Yálá laawoo hɛɓɛ

³³ Nwɔ kpɔwɔ mąąyɛɛ laa hu, di hvo nwɔ tɛ̨ą mɛ̨nį ɓo li. Gbɛɛ ɓə pai ɉuwu mąą mɛ̨nį ɓoi? Hvo gaai, daa nwɔ yɛnɛ̨ɛ̨ kulɔ yɛnɛ̨ɛ̨ nuą lɔwai.»

Bible

³³ Ŋɔmaa-yeŋ-perei su, dí woya kɛ̀ la ŋɔmɛni-ŋa-teɛɛi su. Kɛ́lɛ, gbɛ̂ɛ ƃa pɔ̂ri mɛni da ƃôi e pîlaŋ ŋɔsuui mai? Kpɛ́ni fêi, dí ŋɔfúlu-laai kula ǹyêei ǹɔii ma.”

Gɛlaɠaa 8:33 ပူးပေါင်းရင်းမြစ်များ

Zôo 27:2

Yálái aa lənə nwɔ́ tɛ̨ą ɓoi naa hu, Huwalawala Kəlee Nąmu, yii náá hvɛɛi a liikələn gwəi, naa hu.

Zôo 34:5

Ɉobə ə mo, yɛ kɛ diɛ: «Ɉɔ́n və mą́ą́, kɛlaa, Yálá yɛ nwɔ́ tɛ̨ą mɛ̨nį kpəlaan.

Mąątɛ̨nɛ̨ 22:15

Vą́ŋą aa həɠeen, yɛ wulɔyíi, Dɔ́ɔ́tɔɔnŋaa kəlee daa kulɔ di gee la. Níí kaa gwə́i yɛ kwɛ̨ingban, ɲɛ́lɛ kəlee aa həɠeen ɉú.

Mąątɛ̨nɛ̨ 22:30

Nwun na nɛ̨ɛ̨ nuąi lɔi mɛ̨i, daa kɔ̨nɔ̨n mįi, diɛ ka gwɛli hvilɛn ɉi mą! Nuąi kpɔ haa pɛ̨ɛ̨ di nwuɔ̨, gəlee kaa pai kwɛli hvilɛn ɉi mą, di hvo pai lɛɛi a yɛnɛ̨ɛ̨ kɛ nuą.

Azaya 10:2

Di hva mąąwɛli nuą mąą mɛ̨nį ɓo, diɛ nwɔ́ lɔi hu yeehvowolo nuą di wɔ tɛ̨ą mɛ̨nį kpɛlaan, diɛ kalaninŋaa kɛ a di laa mįi hɛnŋąą, diɛ too təlilɛa mɛ̨i.

Azaya 5:23

Nui aa ɉɔn gɛ, da kiti nɛ̨ɛ̨ mą, mąąhɔlɔɓo, aa di tuwɔ ɲąą, di hva tələnmo mun nwɔ tɛ̨ą ɓo.

Azaya 53:10

Yai-Laa ə hvaa mą ə giin a mɔ̨nɔ̨, ə hvaa mą nwɔ yɛnɛ̨ɛ̨ ə kɛ a pɔnnaa kulɔ haláá, gaa pai ɉuwu hu nuą kaai, ɲii hvóló hu yɛ kwɛa, ɛlɛɛ Yai-Laa liiɓa laa kaa pai hvɛɛi bɔ pələ.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Azaya 53:7

Di naanɔ̨nwɔ̨ ɓo, kɛlaa ə gbɔwɔ mąąyɛɛ, pələ ta hvo kulɔ na, ə kɛ yɛ ɓɛlaa lon di kaa lii baai, yɛ ɓɛlaa haai gaa nəɠa tee nuą yəi, naa pilaa lɔ kɛ, hvaa hvo kulɔ na.

Azaya 53:8

Di ɉon a wea, di giti tee a hvulu nuąi da diɛni di di muhəɠə gee pɔ, di nɛlɛ ɓə mąą liihɛlɛn ɉee? A tɛ̨ą, di gulɔ yɛnɛ̨ɛ̨ nuą lɔwai, nwɔ nuąi di wɔ kwɛli tee laa ɓə gɛ kɛlɛɓo yɛ həli mą.

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Habakukə 1:4

Nuą di hva tɔ́n mąąwiɛ, nuą di hva kiti tee a ɉaŋąą. Nwąnąlɔɔ nuą ɓə da tɛ̨ą hɔlɔɓo nu haŋąąɠaa mɛ̨i; kiti tee a hvulu.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Gɛlaɠaa 8:34

Gbɛtɛgbuwului ti ə Filipə mąąni kɛ yɛ mą: «'Nɛ̨ɛ̨ yɛ́ Nán! Gbɛɛ ɓə tii, Yálá kwəi mɛ̨nį hukulɔ mun gaa mąą mɛ̨nį ɓoi? Gbɔwɔ kpinįi ɓə, a wala kɛ tii, nu takpɛli?»