Gɛlaɠaa 8:30 - Yálá laawoo hɛɓɛ (dc)

³⁰ Filipə ə gilɛ həɠə ə mąą lɛɠɛ laa, ə Etiopi mun ti woo mɛ̨n yɛ Yálá kwəi mɛ̨nį hukulɔ mun Esai nwɔ hɛɓɛ́ nąą ta ɓo, ə mąąni kɛ yɛ mą: «Ɉɛɓɛ́i ŋɛ̨i ə́ kaa moi, ə́ kaa ɲąą kaai?»

Yálá laawoo hɛɓɛ

³⁰ Filipə ə gilɛ həɠə ə mąą lɛɠɛ laa, ə Etiopi mun ti woo mɛ̨n yɛ Yálá kwəi mɛ̨nį hukulɔ mun Esai nwɔ hɛɓɛ́ nąą ta ɓo, ə mąąni kɛ yɛ mą: «Ɉɛɓɛ́i ŋɛ̨i ə́ kaa moi, ə́ kaa ɲąą kaai?»

Bible

³⁰ Fele è kîrɛ sìɣe é lí géleŋ ma é ǹalôŋ wóo mɛni, gɛ́ Ɣâla ŋɔlóno-kɛ-nuui Azaya Kɔlɔi lòno, Ǹyɛɛ mài, “Íkaa tárêi gɔlɔi lono-woo su?”

Gɛlaɠaa 8:30 ပူးပေါင်းရင်းမြစ်များ

Mąątɛ̨nɛ̨ 119:32

Gáá gilɛ həɠəi ə́ wɔ tɔn nwooi nwɔ pələɠaai mɛ̨i, mąąhɔlɔɓo, yaa ɲéé la hvoloon.

Ikilisiati 9:10

Yii kpɔ ə́ yee a pɛli mą, gɛ a huwalawalai gaa ə́ yəi. Mąąhɔlɔɓo, ɓɛi ə́ kaa pai lii laa haaɓɛlaataa, kóló hvo laa, mɛ̨nį dɛ̨ą kwɛliɛ hvo laa, mɛ̨nį kɔ́lɔn ŋąą hvo laa da kili mɛ̨nį.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Maafîu 13:23

Nu taɠaa diɛn, da di yee hee nwoo tii mu yɛ pələi nɔi lɛlɛɛ tii kaa la; di gbaɠala kaa di kanąn ma, ə lɛɛ la ɉu, ə kɛnɛ̨, ə ɓa a damąą. Gbaɠa taɠaa kɔ́w ə ɓo ŋą nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Maafîu 13:51

Jesus ə mo nwɔ kalan nɛai diɛ yɛ diɛ: «Kaa mɛ̨nįɠaa tii kəlee ŋąą ka?» Di nwoo ŋąąpənə diɛ mą: «Kwaa ŋąą kaa!»

Maafîu 15:10

Yili pulu, ə nu kpului tii təli yɛ diɛ: «Mɛ̨nįɠaa ŋɛ̨i gáá moi kaa, ka ka wəli tɔɔ ka mɛ̨n a nəlɛɛ.

Maafîu 24:15

«Yili ɓə gaa mą, ɓɛlɔwai ka káá pai nwun napili mɛ̨nį mąą ɲɔ̨wuɔ, kaai la tɔɔ ni ɓɛi da Yálá mąą mɛ̨nį ɓo laai, yɛ pələi Yálá kwəi mɛ̨nį hukulɔ mun Daniɛlə ə mo la. Nui gaa mɛ̨nįɠaa ŋɛ̨i kalan ɉii ə gbaɠala kaa a nəlɛɛ!

Markə 13:14

Nwoo ŋɛ̨i Jesus kaa moi, yɛ kɛ mą: «Ɓɛlɔwai ka káá pai Kristə ɲowo kaai la yɛ Yálá hee pɛlɛ́ kɔ́hɔɓo.» (Nui gaa Jesus wooi tii kalan ɉu, hvo kɛli ə gbaɠala kaa.) Jesus ə pənə, ə mo yɛ diɛ: «Nąąlɔwai, nuąi da kɛ Ɉude lɔi hu, hvo kɛli di pu di tɛ yeeɠaa ɓa.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Gɛlaɠaa 8:27

Filipə ə nɛɛɲąąɓa ə li, ya ɓə, ə kwiɛn a Etiopi mun da, ə kɛ a gbɛtɛgbuwulu, yɛ ɓo a nɔi mɛ̨nį ɲɛ̨i kulɔmun gɛnɛ̨, a Etiopi nɛ̨ɛ̨nu Kandasə ŋą hɛn gɔw mɛ̨ikaamun; aa kɛ li Yálá mąąwiɛ hiɛ ɓa Ɉerusalɛmə.

Gɛlaɠaa 8:29

Kili-Mąąhəɠɛɛ yɛ Filipə ɓa: «'Ə́ mąą lɛɠɛ nwotoloi ti ɓa.»

Gɛlaɠaa 8:31

Yili ə nwoo ɲąąpənə yɛ mą: «Ŋą́ ɲąą kaa pələ kɛ ləi, gíliɲą ponomun və ɲə́i?» Yili pulu, yɛ Filipə ɓa: «'Tɛ́ ə́ hee gwɛ́lɛ.»

Gɛlaɠaa 8:5

Filipə ə li Samari lɔi daa-lee ta hu, yɛ Kristə mąą mɛ̨nį laa həli nąą daai nuą diɛ.

Korɛntə dɔlɔɔ 14:19

Kɛlaa, gbɔn ɉu, nɛlɛɛ ɓaa, ŋą́ woo lɔɔli ɓo, nuą di mɛ̨n, ə tɛɛ, woo waa tamąą ɓa, yii di hva mɛ̨n.

Ifisiɛŋ 5:17

Yili ɓa, 'ká hvo gɛ yɛ nuąi di hvo mɛ̨nį kɔlɔn, kɛlaa, ká tɔɔ a ká nwąnąi, ká kɛ a gu Ną́mu liiɓa kɔlɔnŋąą.

M̀ɛni-lɛɛi 13:18

Mɛ̨nį hukpɛ kili nwɛi nąą ka kɛa; nui nwun gaa ɉu, ya ɓə a pɛli ə ɉuwɔi tii laa hɛɓɛ́ kɔw ɉeekpəlina kɛi, mąąhɔlɔɓo, ɉeekpəlina kɛɛ, a kɛ a nu kan naa; ɛlɛɛ, gwɛdɛn gɔwi tii ɓaa nwun-mɛ̨ida-ɲee-mɛ̨ida-kɔw-mɛ̨ida.