Gɛlaɠaa 8:27 - Yálá laawoo hɛɓɛ (dc)

²⁷ Filipə ə nɛɛɲąąɓa ə li, ya ɓə, ə kwiɛn a Etiopi mun da, ə kɛ a gbɛtɛgbuwulu, yɛ ɓo a nɔi mɛ̨nį ɲɛ̨i kulɔmun gɛnɛ̨, a Etiopi nɛ̨ɛ̨nu Kandasə ŋą hɛn gɔw mɛ̨ikaamun; aa kɛ li Yálá mąąwiɛ hiɛ ɓa Ɉerusalɛmə.

Yálá laawoo hɛɓɛ

²⁷ Filipə ə nɛɛɲąąɓa ə li, ya ɓə, ə kwiɛn a Etiopi mun da, ə kɛ a gbɛtɛgbuwulu, yɛ ɓo a nɔi mɛ̨nį ɲɛ̨i kulɔmun gɛnɛ̨, a Etiopi nɛ̨ɛ̨nu Kandasə ŋą hɛn gɔw mɛ̨ikaamun; aa kɛ li Yálá mąąwiɛ hiɛ ɓa Ɉerusalɛmə.

Bible

²⁷ Nya ƃe m̀u-siɣe é lí. Itiopia naloŋ tɔnɔ, nyíi kɛ̀ a duɛ-saai, è kɛ̀ pâi Zerusâlɛŋ Ɣâla fɛli mɛni ma. Ǹalôŋ ŋí è kɛ̀ a gɔmɛnɛ-nuu kɛ́tɛ Kɛŋdɛsi yée mu, è ƃo ŋɔ́nɔ a ŋɔsɛŋ-kao láâi-kɛ-nuu. Kɛŋdɛsi è kɛ̀ a kâloŋ-nɛni Itiopia-ƃelai mɛi.

Gɛlaɠaa 8:27 ပူးပေါင်းရင်းမြစ်များ

Tɔɔɓɛlaa dɔlɔɔ 10:1

Salomɔn laa tɛ pələ, da Yai-Laa nwɔ mąąwiɛ nwɔ kɛ pələ mɛ̨i, dɔɔ nɛ̨ɛ̨nui ŋɛ̨i kɛ Saba ə bələ mąn; Nɛ̨ɛ̨nui tii ə pa Salomɔn hukɔɔn ɉii a hanwon ɉikpinɛ̨ɛ̨ɠaa.

Mąątɛ̨nɛ̨ 68:29

Ə́ wɔ Yálái aa naa gwəi, yɛ ə́ kaa pai kɛi a hu walawalamun, 'Ə́ hvąŋą lɛ, Yálá! Yɛ́i Ə́ kɛ mɛ̨nį kɛi ku mąą mɛ̨nį hu.

Mąątɛ̨nɛ̨ 68:31

'Tómą veen ɉu huwɔi tii mɛ̨i, niŋɛ̨ hilɛ kpului tii mɛ̨i, da niŋɛ̨ lonnii tii, diɛi da kɛ kwɛli hvilɛn ɉii di liila, a di wɔ wali kwɛli. Aa wɛa nuą hu taɠa.

Mąątɛ̨nɛ̨ 87:4

Gɔ́lɔ́n nuą lɔwai, ŋą́ Rahavə, Babilonə di laa ɓo. Da kɛ diɛi: Di nu yii kaa Filisti lɔi hu, di yii kaa Tirə lɔi hu, a wala kɛ tii Nubi lɔi hu.

Azaya 18:7

Nąąlɔwai, nu huwu yee muhəɠɛɛi tii gbɛlɛ hvo mą, a yai gwɛlɛ lɔiɠaa da ɲɔw mą kpɔ kɛnɛ̨i, yai vaŋá kɛnɛ̨ɛ̨ ɉeɛ lɔiɠaa mɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn. A nɔi tii ya kpɛa-kpɛaɠaa kaa ɉu, gwɛlɛ lɔiɠaa diɛ ɲɔw mą kpɔ tii kɛnɛ̨i, gaa pai pai a Yai-Laa Mɛ̨nį Kəlee ŋą Hééɓomun kɔ́ hɛn, ɓɛi Naa kaa laa Siɔn yee nwuɔ̨.

Azaya 43:6

Gáá pai kɛi ɲələi pələ ɓa: «'Və́!» Gɛ́ ɉɛɠɛɛ pələ ɓa: «'Hvó kanąn mą! 'Pənə ə́ pa a nón ɉinąą, yɛ́ həɠə a diɛ kwɛaa la lɔi hu, yɛ́ həɠə a nónnii nɛ̨ąą lɔi kpɛlai, yɛ́ pa a diɛ.

Azaya 45:14

Yai-Laa woo ka, yɛ diɛ: Eziptə kóló kɛ nuą, da Nubi yɔw kɛ nuą, ɛlɛɛ, Save nuą, a diɛi kpɔ di yee muhəɠɛɛ tii, di kaa pai tɛɛi ə́ pɔɔli, a di yɛli, diɛ lɛɛ a ə́ pɔɔ; di hvilɛnŋąą ə́ pulu, di yiliɛ a yɛli, di kaa pai gwɛli hvilɛn ɉi ə́ lííla, diɛ vɛli wooi ɲɛ̨i ɓo yɛ́, diɛ kɛ yɛ́: «Ə́ pɔɔli lɔ ɓə Yálá kaa laa, dakpɛli hvo pələ takpɛli, yálá takpɛliɠaa di wɛi, kpɛli kpɛli hɛnŋąą ɓaa a diɛ.»

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Azaya 60:6

Ɲɔ̨ɔ̨mɛ̨ɛ̨ kpulu kaa pai kɛi ə́ wɔ lɔi hu kpɔ kɛnɛ̨, diɛi a Madian da Eifa ɲɔ̨ɔ̨mɛ̨ɛ̨ɠaa, Saba nuą kəlee diɛ pa, diɛ pa a hɛni da lansan, diɛ Yai-Laa mąątɛ̨nɛ̨ wələɠaa too.

Azaya 66:19

Gaa a tɛ̨ą gaa pai pɔɔkɔɔn da kɛi di lɔwai, hvo pai lɛɛi a yili, yiiɠaai pai kulɔi ɉu, gáá pai daɠaa tɛɛi hįį lɔi takpɛliɠaa lɔwai, Tarsisə, Putə da Ludə diɛ di wɔ kilɛnŋąąi ŋąątɛ, Tubalə, Yavan da gboloyá hu lɔiɠaai kwɛaala, diɛi di hvo mą́ą́ mɛ̨nį bələ mąni, diɛi di hvo ta nwɔ́ mąąwiɛi kaa li; di kaa pai nwɔ́ mąąwiɛi mąą loloɓoi hįįɠaa mɛ̨i,

Ɉeremi 13:23

Akɛti, nu a pɛli mɔ̨ɔ̨ gɔlɔ mąą hvalin ɉii? Kwɛ́li a pɛli mɔ̨ɔ̨ gɔlɔ mąą hvalin ɉii? Kpaa-o! Ɛlɛɛ, kaa ŋɛ̨i mɛ̨nį ɲɔ̨n aa ɓɔ ka hui, ka pɛli kɛa mɛ̨nį lɛlɛɛ kɛi?

Ɉeremi 38:7

Ɛvɛd-Melɛkə yai kɛ a Nubi mun, ə ɓo dɔɔ kwəlii, ə bələ mɛ̨n diɛ kɛ daa Ɉeremi yɛɛ ɲálɔwa hu. Tɔɔmun ə kɛ heeni Bɛnɉamɛn nwɔ kpon kɛɛnąą pələ.

Ɉeremi 39:16

«'Li, yɛ́ Nubi mun Ɛvɛd-Melɛkə: ‹Yai-Laa Mɛ̨nį Kəlee ŋą Hééɓomun, Israɛlə nwɔ Yálái yɛi: Gáá pai nwóóɠaa pɔ mɛ̨nį kɛi daa ŋɛ̨i ɓa, gɛ́ mɛ̨nį laa mą, nɛlɛɛ hvei, mɛ̨nįɠaai tii kaa pai kɛi ə́ ɲɛ̨i ɓa.

Sofoni 3:10

Nwɔ́ nuąi da kwɛli hvilɛn mą́ą́, diɛi tii ŋį́ di taɠa-taɠa, di kaa pai həɠəi Nubi yalee kpɛa-kpɛa bulu pələ, diɛ pa bɔ́ a gɔ́ hɛnŋąą.

Maafîu 12:42

Yálá nwɔ kiti teei lɔwai, dɔɔnɛ̨ɛ̨nu ŋɛ̨i həɠə voló tooi pələ, a muhəɠə, ə tɔɔ, da háákələi nuą, əlɛɛ, ə gití kala diɛ. Mąąhɔlɔɓo, nɛ̨ɛ̨nui tii ə həɠə kpɔ lɔi kpɛlai, yɛ pa Salomɔn nwɔ kilimąą wooɠaai mɛ̨n ɉii. Yaan, nui ka káá gaai, gɛnɛ̨i dɛɛ Salomɔn ɓa!»

Ɉaan 12:20

Hį́i takpɛliɠaa di pa Ɉerusalɛmə kwɛli hvilɛn ɉii Yálá, a ɉɛli yələ.

Gɛlaɠaa 8:28

Gɛɛ kɛa bulu pənə yɛ li bɔɔli, ə kɛ heeni nwɔ wotoloi hu, yɛ Yálá kwəi mɛ̨nį hukulɔ mun Esai nwɔ hɛɓɛ́i ta ɓo.

Dutɛrɔnome 30:13

Hvo kpɛli gboloyá pulu pələ, əgɛ, ka hvo pa kɛ diɛ: ‹Gbɛɛ ɓə pai lii gboloyá pulu pələ, ə ɉəɠə ku yəi, ə pa ə ɉukulɔ kuɔ, ku mɛ̨n, kuɔ bɔ mɛ̨nį kɛ?.›

Hebreu 11:8

Laa na laa háálai, Abrahamə ə Yálá woo mu hon, ə lɛɛ nwoo mu, ə həɠə, ə li lɔi ta hu, yai gaa pai ɉɔlɔɓoi a gwɛlin, ɛlɛɛ, yɛ li, ɓɛimun gaa lii laa hvo nąą kɔlɔn.