Gɛlaɠaa 8:14 - Yálá laawoo hɛɓɛ (dc)

¹⁴ Gɛlaɠaai kɛ Ɉerusalɛmə, di bələ mɛ̨n diɛ kɛ: Samari lɔi hu nuą daa di yee hee Yálá lawoo mu, di nɛɛ mą di Piɛrə da Ɉaan di tɔɔ laa.

Yálá laawoo hɛɓɛ

¹⁴ Gɛlaɠaai kɛ Ɉerusalɛmə, di bələ mɛ̨n diɛ kɛ: Samari lɔi hu nuą daa di yee hee Yálá lawoo mu, di nɛɛ mą di Piɛrə da Ɉaan di tɔɔ laa.

Bible

¹⁴ Zia-ƃelai kɛ́ɛ Zerusâlɛŋ da mɛ̀ni a gɛ́ɛ Sameria-ƃelai da díyee sée Ɣâla ŋɔwóoi mui, dí Pitɛ tɛ̀ɛ naa da Zɔ̂ŋ.

Gɛlaɠaa 8:14 ပူးပေါင်းရင်းမြစ်များ

Tɔɔɓɛlaa dɔlɔɔ 13:32

Mąąhɔlɔɓo, mɛ̨nįi tii ə mo a nwoo kɛnɛ̨, yɛ hvilɛn na Betɛlə ɉaláá kulɔi ɓa, da ɉaláá kulɔ pɛlɛ́ɠaa kpɔ Samari diɛ, Yai-Laa woo li kɛ; mɛ̨nįi tii pɔ mɛ̨nį kaa pai kɛi.»

Maafîu 13:23

Nu taɠaa diɛn, da di yee hee nwoo tii mu yɛ pələi nɔi lɛlɛɛ tii kaa la; di gbaɠala kaa di kanąn ma, ə lɛɛ la ɉu, ə kɛnɛ̨, ə ɓa a damąą. Gbaɠa taɠaa kɔ́w ə ɓo ŋą nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Lukə 22:8

Jesus ə Piɛrə da Ɉaan di tɔɔ, yɛ diɛ: «'Ka li ka pakə kɔ̨nɔ̨n bɛli gu yəi.»

Ɉaan 12:48

Nui a lənə mą́ą́, ɛlɛɛ, a wala laa nwóó la, aa gití teemun ɉɔlɔɓo. Nwooi ŋą́ mo, ya ɓə pai mąą nu kiti teei yɛnɛ̨ɛ̨ ŋąąkpɛɛ yələ.

Gɛlaɠaa 11:1

Gɛlaɠaa da nąn nonnii yiiɠaai kɛ heeni Ɉude lɔi hu, di mɛ̨n diɛ huwu takpɛliɠaa daa di yee hee Yálá lawoo mu.

Gɛlaɠaa 15:4

Di həliɛ Ɉerusalɛmə, galan gbɔn, gɛlaɠaa da galanɉonŋaa di di yee hee di mu. Diɛn, mɛ̨nįɠaai kpɔ Yálá ə gɛ di yee hu, di gəlee hukulɔ diɛ.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Galatə 2:9

Ɛlɛɛ, mɛ̨inɛ̨ɛ̨i Yálá ə gɛ mą́ą́, di ɉukɔlɔn, Ɉakə, Sefasə da Ɉaan, diɛi kɛ di kɔ́lɔnŋąą yɛ gbɔn ɉu kɔwɠaa, di di yee laa ku yəi, ɲą́ą́ kwa Barnabasə, yili a nɛ yɛ kwa diɛni ku woo tɔɔi aa kɛ tanɔ̨n, ə gɛ, kwəli huwu takpɛliɠaa pɔ, diɛi tii, di li gɛ́nɛ̨lɛa pɔ pələ.

Tɛsalonikə dɔlɔɔ 2:13

Yili ɓə gɛ, ku wɛi, ku pɔ pələ, kwa hva kpɛla Yálá mąmąɓo a yələ kəlee; ɓɛlɔwai ká Yálá laa woo hɔlɔɓo la, a yai kwa kɛ ká wəli tɔɔi mą, ká ká yee hee mu, ká hvo gɛli yɛ nu kan vaa woo, kɛlaa, yɛ bələi lɔ tii gaa la, a Yálá laa woo, yai gɛ-mɛ̨nį kɛi ká hu, káái a laa na nuą.

Tɛsalonikə dɔlɔɔ 3:2

ɛlɛɛ, ku gu nąn non Timote tɔɔ ká pɔɔli, yai a Yálá ŋą tímun Kristə nwɔ wɛlɛɛ lɛlɛɛ laa həliɛ hu, ə pa, ə ká hvaŋąlɔ, ɛlɛɛ, ə ká liikpələ ká wɔɔ laa na laa hu,

Tɛsalonikə veelɛ 2:10

ɛlɛɛ, a ɲąąhɛn mɛ̨nįɠaa, yɛ nwun napili nuą ɓowo la, mąąhɔlɔɓo, wɛlikɛmąą tɛ̨ąi a pɛli di nwun mąąɓoi, di hvo di yee hee li mu.