Gɛlaɠaa 7:60 - Yálá laawoo hɛɓɛ (dc)

⁶⁰ Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Yálá laawoo hɛɓɛ

⁶⁰ Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Bible

⁶⁰ È pù ŋume ŋá é wɔ́lɔ a ŋ̀óo su-kɛ́tɛ, ǹyɛɛi, “Kúnuu-namui, ífe díkula maa kɛ̀ dísɔnyɔ̂ŋ ŋí mɛni ma.” Nyíŋi ƃóɔɔ mìi, è sàa.

Gɛlaɠaa 7:60 ပူးပေါင်းရင်းမြစ်များ

Ɛsdrasə 9:5

Yələwulii haláá kulɔi lɔwai, kpɔlɔɔn tii ŋį́ mo, ŋį́ muhəɠə, nwɔ́ həɠəɠaa tii nee ŋį́ ɉuɓɛla, ŋį́ di too gwána, ŋį́ pu nwun gbəla, ŋį́ ɲee haŋą Yai-Laa nwɔ́ Yálá pɔ pələ.

Danîa 12:2

Nuą tamąą daa haa, di kaa laani di kámą hu, di kaa pai di muhəɠəi, di kɛ a di hvulú. Daɠaa da di muhəɠə də li yɛnɛ̨ɛ̨ kpɛɛ hvo mą ɉu; daɠaa də li nwun napili hu, nwumɛ̨ hu yii hva kpɛɛ.

Danîa 6:10

Nwoo tii ɓoɔ pulu, tɔɔmun ə hvaa mą, ə ɲee pɔɔ too dɔ́n tii hu.

Maafîu 27:52

Kámą tamąą laa yɛ ɓo, Yálá nwɔ nuą mąąhəɠɛɛɠaa tamąą di nwun di kulɔ haa yəi

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Lukə 22:41

Yili pulu ə mąą tawolo tɛ, yɛ nu a kwɛni pili, ɓɛi a too laa, ə pu laa nwungbəla la yɛ Yálá hvɛli.

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.

Lukə 6:28

Nuąi da ka nɛ̨ŋɛ̨n nąą, ka lúwɔ́ too diɛ. Nuąi da mɛ̨nį nwanąą laa kaa, ka Yálá hvɛli diɛ.

Ɉaan 11:11

Nwooɠaa tii ɓoɔ pulu, Jesus ə mo nwɔ kalan nɛai diɛ, yɛ diɛ: «Gu ɓɛlan Lazarə aa yii, gáá lii ŋą nwun.»

Gɛlaɠaa 13:36

«Davidə nwɛi, nwɔ yɛnɛ̨ɛ̨ kəlee hu, ə kɛi tí Yálá ɓa, yii kpɔ Yálá ə kɛ bɔ, ya ɓə ə gɛ. Ə haa, di naa nąnni kwɛlɛ, ɛlɛɛ, gɔlɔ ə luwun.

Gɛlaɠaa 20:36

Yii kɛa Polə ə nwooɠaai ti ɓo diɛ, ə pu gbəlin na, da diɛni di Yálá hvɛli.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Korɛntə dɔlɔɔ 11:30

Mɛ̨nįi gɛi, nu tamąą kaa la ká lɔwai, a ɲɔ̨n gɛ nuą, daɠaa kpɛɠii ə ɓo diɛ, ɛlɛɛ, damąą daa haa.

Korɛntə dɔlɔɔ 15:18

Akɛ kani tii, nuąi haa Kristə hu laa hu, di nwun na aa pili.

Korɛntə dɔlɔɔ 15:20

Kɛlaa, kpaa-o! Hvo tii, Kristə ə nwun gbɔ haa yəi a tɛ̨ą leelee, yaa ɓə a nu dɔlɔɔ, yɛ kulɔ haa yəi.

Korɛntə dɔlɔɔ 15:51

Gáá mɛ̨nį loɔ ta lɛi kaa; gu kəlee gu hvo pai haai, kɛlaa, gu mąą kaa pai hvalin ɉii,

Korɛntə dɔlɔɔ 15:6

Yili pulu, ə gbɔwɔ lɛ nąn nonnii nwun nɔɔli ɓa a gii, mɔlɔɓɛlaa kaa ni yɛnɛ̨ɛ̨, ɛlɛɛ, daɠaa daa haa.

Tɛsalonikə dɔlɔɔ 5:10

ə haa gu mąą mɛ̨nį ɓa, əgɛ, gu kɛ yíi-o, gu kɛ a ɲɛ̨i-o, guɔ yɛnɛ̨ɛ̨ kɛ a ɲiliɛ mą.

Timote veelɛ 4:16

Ɲələ tɔlɔɔi ŋą́ kɛli gbɔ́wɔ́ mąą kɔ̨nwɔ̨ la, nwɔ́ nu hvo hɔlɔɓo, nu gəlee di kulɔ búlú. Yálá ə mą wala yili gwələ hvo kulɔ li diɛ.

Piɛrə veelɛ 3:4

Di kaa pai kɛi kaa: «Jesus ə kɛ kaa: ‹Gáá pai›; kɛlɛi? Akɛti, ə wɔɔ kɛa aa pa? Mąąhɔlɔɓo, ku nąnni diɛ kpɔ wɔlɔ haa, mɛ̨nį kəlee kaa lɔ ni a gɛ pələ, yɛ pələi wɔlɔ yɛnɛ̨ɛ̨ ə gɔwɔ tɔɔ la.»