Gɛlaɠaa 7:55 - Yálá laawoo hɛɓɛ (dc)

⁵⁵ Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Yálá laawoo hɛɓɛ

⁵⁵ Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Bible

⁵⁵ Kɛ́lɛ, gbono è kɛ̀ a ǹáa fɛ́ɛ a M̀ɔlêŋ Maa Waai. E ŋ̀elei su kàa kpɔ́ é Ɣâla ŋɔfóloi káa é Zîsɛ káa tɔ̂ɔni Ɣâla láa mii yée mɛi,

Gɛlaɠaa 7:55 ပူးပေါင်းရင်းမြစ်များ

Mąątɛ̨nɛ̨ 109:31

Mąąhɔlɔɓo aa tɔɔ mąąwɛlimun mamįiyee hu, yɛ gulɔ kítí ɲɔ̨nwɔ̨ɔ̨ tee nuą yəi.

Izikiɛ 10:18

Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Izikiɛ 10:4

Yai-Laa nwɔ mąąwiɛ ə tɛ ŋələi pələ, mąąkpɛ malaka nwun mɛ̨i bɛlɛ́ laaləi pələ. Bɛlɛ́ laa ə hvɛɛ a tulɔ kpinįn, ɛlɛɛ, ɓɛi nuą da hee laa, Yai-Laa nwɔ mąąwiɛ nwɔ kɛɛ pɔ̨nɔ̨ ə naa laahvɛɛ.

Izikiɛ 11:23

Yai-Laa mąąɲįnɛ̨n ə muhəɠə daa hɛ̨ąi, ə tɛ ə tɔɔ, ɲee tii volo kulɔi pələ mɛ̨i.

Izikiɛ 3:23

Ŋą́ múhəɠə, ŋą́ li ɲɛɛkɔwɔ hu; Yai-Laa mąąɲįnɛ̨n ə kɛ laa, lɔ yɛ bələi, ŋą́ mąąɲįnɛ̨n gaa la Kebarə yá kwɛlɛ; ŋą́ pɛlɛ nííɓa, nɔi ɓa.

Mise 3:8

Kɛlaa nwɛ́i Yai-Laa nwɔ Kilii haalai gáá pin, ɉúwalawalaa, a tələnmolaa da lii kpələ, gɛ́ pɛli Ɉakɔbə nwɔ kulɔ nwoo mu laai lɛi mą, gɛ́ Israɛlə nwɔ nɛ̨ŋɛ̨n hukulɔ mą.

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Ɉaan 12:41

Esai Jesus nwɔ mąąwiɛ kaa, ya ɓə gɛ yɛ mo la tii.

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Gɛlaɠaa 4:8

Nąąlɔwai, Kili-Mąąhəɠɛɛ ə Piɛrə lii kpələ yɛ diɛ:

Gɛlaɠaa 6:10

Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Gɛlaɠaa 6:3

Yili ɓa, Nán nonnii, ka nu mɛ̨ihveelɛ həɠə ka lɔwai a nuąi Kili-Mąąhəɠɛɛ kaa di yəi, mɛ̨nį hukpɛ kili ə ɓo diɛ, ə gɛ, ku gɔ̨nɔ̨n ŋąąkwɛlɛ kolói ŋɛ̨i tɛɛ di pɔ.

Gɛlaɠaa 6:5

Nwóó ti ə nɛ̨ɛ̨ kpɔ galan nɛa kəlee wəlii. Di nɛɛmą di, Etiɛnə həɠə ɉu, yai Kili-Mąąhəɠɛɛ kaa ɲəi, da laa na laa, ɛlɛɛ, Filipə, Prokorə da Nikanɔrə, Timɔn, Parmenasə da Nikolasə yai a Antiɔsə mun yaai wɔlɔ lɔ Ɉuifəɠaa di wɔ kalan hu.

Gɛlaɠaa 6:8

Etiɛnə pilaai kɛ a Yálá ŋą mɛ̨inɛ̨ɛ̨, huwalawala ə ɓo yei, yɛ kpalo mɛ̨nį da kwəi pilimąą mɛ̨nį kpɛa-kpɛaɠaa kɛ nuą lɔwai.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 8:1

Mɛ̨nįɠaa ŋɛ̨i ku kaa moi, gəlee nwun gbɔ-kpɔɔi ga mą, ya ka: ɉaláá laa həli mun gɛnɛ̨ɛ̨ taaləi tii ɓə gaa ká gu yəi, yai heeni dɔɔkpəlin ŋą mąąwiɛlaa yee lɛlɛɛ hu, yələkɔlɔn ɉu.

Piɛrə veelɛ 1:17

Ɓɛlɔwai ə kɛi kɛnɛ̨ laa da mąąwiɛ hɔlɔɓo la Ną́n Yálá yəi, ku kɛ laa. Yálá kpinįi ɓə mo yɛ kɛ mą: «Nui ŋɛ̨i kaa a Nón ɉulɔnu, yii nwɛli kaa mą́ą́. Yaa ɓə ŋą́ą́ mą́ą́ mɛ̨nįɠaa kəlee lɛɛ ma.»

M̀ɛni-lɛɛi 21:11

Ə kɛli lən a Yálá nwɔ mąąwiɛ laa. Nən bələ ə kɛ yɛ kúwɔ-kwɛnį ta, yɛ Jaspe kúwɔ-kwɛnį.