Gɛlaɠaa 7:44 - Yálá laawoo hɛɓɛ (dc)

⁴⁴ «Ku nąnni kɛɛ nɔi pun hu, ɉəɠə pɛlɛ lon Yálá nwɔ mįnɛ̨ hɛnŋąa di kɛ mu; ə kɛ laa di yəi. Nui kɛli bələ ɓo Moisə ɓa, ə kɛ mą: Bɛli kpɔlɔɔ yɛ bələi ɲą́ giliin na yɛ́.

Yálá laawoo hɛɓɛ

⁴⁴ «Ku nąnni kɛɛ nɔi pun hu, ɉəɠə pɛlɛ lon Yálá nwɔ mįnɛ̨ hɛnŋąa di kɛ mu; ə kɛ laa di yəi. Nui kɛli bələ ɓo Moisə ɓa, ə kɛ mą: Bɛli kpɔlɔɔ yɛ bələi ɲą́ giliin na yɛ́.

Bible

⁴⁴ “Sêre-faa pɛrɛ è kɛ̀ kúnâŋ-ni yêei vɛ̃ɛ-kpâlaŋ su, gbɛ́tɛɛ yɛ̂ɛ berei Ɣâla è mò Mose ma a gɛ́ɛ é gbɛtɛ la yɛ̂ɛ berei ǹyaa Mose è gbɛtɛ pere kàa lai.

Gɛlaɠaa 7:44 ပူးပေါင်းရင်းမြစ်များ

Kɔlɔnikɔ Maa-ŋuŋ 28:11

Davidə ə bɛlɛ́ laaləi tɔɔ pələ kpaɠala lɛ non Salomɔn ɓa, da bɛlɛ́ɠaa, bɛlɛɛ ɉɛnŋąą pui ɓa, ə mą kɛ, ɲələi pələ pɛlɛ́ɠaa, da nɔi ɓa pələ pɛlɛ́ɠaa, da mįnɛ̨ kəhi hee pɛlɛ́ nwɛi.

Kɔlɔnikɔ Maa-ŋuŋ 28:19

Mɛ̨nįɠaa tii kəlee kaa hɛɓɛ́ ta hu, Yai-Laa ɓə bɛ̨ɛ̨ a ɲee, yɛ ɉɛɓɛ́i tii hu kolóɠaa kəlee kpaɠala lɛ mą́ą́.»

Kɔlɔnikɔ Veerɛi 24:6

Tɔɔmun ə nɛɛmą ə ɉaláá laa hɛlimun gɛnɛ̨ Yehoyada təli, yɛ mą: «Lə mɛ̨nį ɓa yaai, hvó mo li Levi lonnii diɛ a ə́ nwąnąi, di hvo, nįįhɔ̨nwɔ̨i Yálá ŋą tímun Moisə ə vaaɓo, di hvo ɉon Ɉuda nuą yəi da Ɉerusalɛmə nuą, ɛlɛɛ, da Israɛlə lonnii kəlee yəi, Yai-Laa ŋą mįnɛ̨ pɛlɛ lon mąą mɛ̨nį ɓa?

Lɛɛ gbɔwɔ ɓa 25:40

Moisə, bələi ti gɛ pələ ə lɛ la yɛ́ ɲee ton na, 'gɛ ti.

Lɛɛ gbɔwɔ ɓa 26:30

Bələi tii di bɛlɛ́ tɔɔ pələ lɛ la yɛ́ ɲee nwuɔ̨, 'dɔɔ kpɔlɔ tii.

Lɛɛ gbɔwɔ ɓa 27:8

Yá ɉaláá kulɔi pɛli, ə́ mu lɛɛ mą, yɛ bələi ŋį́ gbaɠala lɛ la yɛ́ ɓɛ ɲee ɓa.

Lɛɛ gbɔwɔ ɓa 38:21

Ɉɛnŋąąi kpɔ lɔ bɛlɛ́ kóló hu, a mįnɛ̨ pɛlɛ́ kóló, Moisə ə mo di nonon, yili ə kɛ a Levi lonnii nwuɔ̨ kóló, ɉaláá laa həli mun Aarɔn lon Itamarə ɓə kɛ nąą ɲɛ̨i tɔwɔ.

Lonon mo 10:11

Israɛlə nuą kulaa Eziptə lɔi hu, gwɛlan veelɛnąą ɲąnin veelɛ nwɔ hvoló pow hveelɛ yələ, dulɔ kpinįn ə muhəɠə gee kaa kələ mɛ̨i.

Lonon mo 18:2

Ə́ nąn nonnii a Levi nu huwu, di həɠə diɛ kpɛli, ka diɛni kaa lɛɠɛ gɛɛnąą mąąhəɠɛɛ ɓa. Di kaa pai kɛi kpɔn ɉii yɛ́, diɛ ə́ yee mąąkpɛ, kɛlaa, yɛ́ ka ə́ lonnii ɓə pai kɛi tɔɔi gee kaa kələ lííla.

Lonon mo 9:15

Ɲələi ŋɛ̨i di gee kaa kələ tɔɔ la; tulɔ kpinįn ə yɛɛ, ə pɛlɛ mɛ̨i, ɓɛi ŋɛ̨i mįnɛ̨ kəhi ə kɛ laai. Yələ wulii pɔ, ə kɛ nąą nwun mɛ̨i yɛ nwɔ̨n gɛ pələ, ə lɛɛ ɉu yələ ə ɓɔ.

Hebreu 8:2

Ya ɓə gaa a tímun, gɛɛnąą mąąhəɠɛɛ hva-hva ɓa, a bɛlɛ́ leeleei, gu Nąmu kpinįi ə dɔɔ, nu kan ɲee pɔɔ hvo ɉu.

Hebreu 8:5

Kɛlaa, ɉaláái di kɛi naa həlii, di kɛi lɔ naa həli hɛn mąąnįnįnŋaa, a mɛ̨nį neelee gaa yələkɔlɔn ɉu gulɔ mąą, yɛ bələi, Yálá ə ɉɛnŋaa tii kiliin na Moisə ɓa, yɛ kɛ mą, həɠə kələ tɔɔ; yɛ mą: «Ə́ ɲɛ̨i hee, 'Ə́ gɛ kpɔlɔɔ yɛ bələi ŋą́ mąąnįnįn dɛɛ la ə́ pɔ ɲee nwuɔ̨.»

Zasua 18:1

Israɛlə lonnii kəlee di di ɲąąkpɔn Silo, di gee kaa kələ tɔɔ laa. Nɔi nąą kəlee ə ɓo di yee mu.

Zasua 3:14

Ɓɛlɔwai Israɛlə lonnii di kulɔ la di wɔ həɠə pɛlɛ́ɠaa mu, əgɛ di ɲá teen, ɉaláá laa həli nuąi ŋɛ̨i mįnɛ̨ kəhi ə kɛ di yəi, di kɛ nuą tɔwɔ.