Gɛlaɠaa 7:35 - Yálá laawoo hɛɓɛ (dc)

³⁵ «Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Yálá laawoo hɛɓɛ

³⁵ «Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Bible

³⁵ “Mosei ŋí dí díyee kula mu, díkɛ m̀o, dîyɛɛi, ‘Gbɛ̂ɛ ƃé íkɛ̀ a núu kɛ́tɛ da mɛni ŋá-tee-nuui?’ Ǹyaa nɔ́ ƃé Ɣâla è dɛ̀ɛ, a gɛ́ɛ é kɛ́ a núu-mɛi-nuu da núu-ŋuŋ ma ƃó-nuu Ŋ̀âla-taa kelai sârai nyíi pà bɔ́ ŋ̀álêŋ kpɔlɔi sui.

Gɛlaɠaa 7:35 ပူးပေါင်းရင်းမြစ်များ

Mąątɛ̨nɛ̨ 75:7

Nu kpɔwɔ hɔlɔɓo mɛ̨nį, hva həɠə hvóló ɓɛlai bələ, hva həɠə hvoló tooi bələ, hva həɠə lɔi pun ɉu pələ.

Mąątɛ̨nɛ̨ 77:20

Ə́ ə́ kpaalə laa gboloyá ŋą, yɛ́ tɛɛ yá kpon ɉu kwɛaɠaa hu, nui lɔpee ta hvo ə́ pɔɔ kaa.

Lɛɛ gbɔwɔ ɓa 14:19

Yálá nwɔ malakai kɛ vilɛn ŋąą Israɛlə lonnii ɲɛ̨i tɔwɔ, ə tɛɛ di pulu pələ, ə mą kɛ dulɔ kpinįn tii kɛ di tɔwɔ yaa kpɛli.

Lɛɛ gbɔwɔ ɓa 14:24

Yələɓoi lɔwai, Yai-Laa kɛ dulɔ kpinįn ɉu da nwɔ̨n nən, ə tinɛ̨n ə ɲɛ̨i ɲɔ̨nwɔ̨ɔ̨ hee Eziptə nuą diɛ, ə di hu pu diɛ.

Lɛɛ gbɔwɔ ɓa 2:14

Yili yɛ Moisə ɓa: «Gbɛɛ ɓə ə́ kɛ a ku lɔwai mɛ̨nįɠaa hutɔɔmun? Gaa ə́ kwəi bələi ti wɛi ə́ Eziptə mun ti paa la, ə́ kaa pai báái ti?» Yii kɛa Moisə ə gaa yɛ nuą kili aa pu mɛ̨nįi ti hu, ə ɲɔw.

Lɛɛ gbɔwɔ ɓa 32:34

'Li kɛa yiihu a nuą, ɓɛi ŋį́ naa hvaa ɓo yɛ́, ɛlɛɛ, nwɔ́ malaka ɓə pai hvilɛn ɉi ə́ tɔwɔ. Kɛlaa, gáá pai di hutɔɔi a yələ ta, di wɔ nɛ̨ŋɛ̨nŋąąi mąą mɛ̨nį ɓa.»

Lɛɛ gbɔwɔ ɓa 33:2

Gáá pai malaka hvilɛn ɉi ka tɔwɔ, ŋį́ Kanaan nuą Amɔrə nuą Hɛtə nuą, Perizi nuą, Hivi nuą, da Ɉebusə nuą kpɛ ka tɔwɔ.

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Lonon mo 20:16

Ku wɔlɔ Yai-Laa ɓa, ə ku tómą woo mɛ̨n, ə malaka ta tɔɔ, yɛ ku kulɔ Eziptə lɔi hu. Kwaa həli kɛa Kadɛsə daai, yii gaa ə́ wɔ lɔi ɲɛ̨n ma.

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Lukə 19:14

Kɛlaa, nwɛli hvo kɛ nwɔ lɔi hu nuą diɛ; di kɛla tɔɔ bulu, diɛ mą: ‹Ku hvo bɔ ɉulɔnui ŋɛ̨i ŋą tɔɔlaa pɔ.›

Ɉaan 18:40

Di kəlee di tómą kpɔ a di woo kɛnɛ̨ɛ̨ diɛ mą: «Kpaa! Ya hvəə ku kaa bɔ. Barabasə ɓə ku kaa bɔ.» Yaan, Barabasə ŋɛ̨i di kɛi vaa ɓo, ə kɛ a too mɛ̨i kɛmun.

Ɉaan 19:15

Di kəlee di tómą diɛ mą: «Ə haa! Ə haa! 'Gbanwo kolɔwa ɓa.» Pilatə yɛ diɛ: «Ɲį́ ka wɔ tɔɔmun gbanwoi kolɔwa ɓa?» Ɉaláá laa həli nuą kpɛa-kpɛa di nwoo pulu pənə diɛ mą: «Tɔɔmun da kpɛli hvo ku yəi, ə kulɔ Sesarə pulu.»

Gɛlaɠaa 2:36

«Mąąnɛ̨ɛ̨ Israɛlə nu huwu kəlee di gɔlɔn diɛ kɛ: Jesus ŋɛ̨i ka gbanwo kolɔwa ɓa, ya ɓə Yálá ə gɛ a hɛn gəlee Ną́mu da nuą ɓalomun.»

Gɛlaɠaa 3:22

Moisə ə wɔlɔ kɛ diɛ: ‹Nąmu ka wɔ Yálá, kaa pai Yálá kwəi mɛ̨nį hukulɔ mun da tɔɔi, ə pa ka pɔ, yɛ pələi gáá la, yɛ ɓo a ka huwu ta, yii lɔpee gaa pai moi, ka káá pai ka wəli tɔɔi ma.

Gɛlaɠaa 5:31

Ya ɓə Yálá ə gɛnɛ̨ ɉee mamįiyee hu, yɛ gɛ a tɔɔmun da nuą ɓalomun, yɛ Israɛlə hɔn mąąpənə mɛ̨nį, da ŋą nɛ̨ŋɛ̨nŋaa mąąhvaalɛɛ mɛ̨nį.

Gɛlaɠaa 7:30

«Kwɛlan bow nąąn dɛɛ pulu, malaka ta ə gbɔwɔ lɛ Moisə ɓa nwɔ̨n nən gɛnɛ̨ hu, nɔi pun ɉu, Sinai yee nwuɔ̨ wulu lon da ɓa.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Kolosə 1:15

Gaa a Yálái káá hvo mą, mąą ninįn, ə ɓo pɛli-hɛn gəlee tɔwɔ.

Hebreu 2:2

Mąąhɔlɔɓo, akɛ, nwɛlɛɛ wooi malakaɠaa di naa həli, ŋą tɛ̨ą mɛ̨nį ə too pono ŋą, ɛlɛɛ, nuąi gala, di kulɔ nwoo mu, di ɉu hvɛla hɔlɔɓo a ɉaŋąąi,

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Samuɛlə dɔlɔɔ 10:27

Kɛlaa, nu kpoloonŋaa di kɛi kɛ diɛ: «Yii a pɛli gu nwun mąąɓoi ləi?» Di kɛi viiɓo, di hvo mąąpu. Kɛlaa, nwɛi, yili hvo kɛ mą a mɛ̨nį ta.

Samuɛlə dɔlɔɔ 12:8

Ɓɛlɔwai Ɉakɔbə ə li la Eziptə lɔi hu, Eziptə nuą di hee di mɛ̨i, ka nąn ni di wɔlɔ di di woo kulɔ Yai-Laa ɓa. Yai-Laa ə Moisə da Aarɔn di tɔɔ, ə gɛ, di ka nąn ni kulɔ nuwɔ laa tii hu, di di hee gɛɛnąą ŋɛ̨i ɓa.