Gɛlaɠaa 7:30 - Yálá laawoo hɛɓɛ (dc)

³⁰ «Kwɛlan bow nąąn dɛɛ pulu, malaka ta ə gbɔwɔ lɛ Moisə ɓa nwɔ̨n nən gɛnɛ̨ hu, nɔi pun ɉu, Sinai yee nwuɔ̨ wulu lon da ɓa.

Yálá laawoo hɛɓɛ

³⁰ «Kwɛlan bow nąąn dɛɛ pulu, malaka ta ə gbɔwɔ lɛ Moisə ɓa nwɔ̨n nən gɛnɛ̨ hu, nɔi pun ɉu, Sinai yee nwuɔ̨ wulu lon da ɓa.

Bible

³⁰ “Kóraŋ buu náaŋ tɛɛ pôlu ma, Ɣâla-taa kela è pà bɔ́ Sana Yeei maa Fɛ̃yɛ-kpalaŋ su. Ŋ̀âla-taa kelai ŋí è kɛ̀ ŋɔŋ-leŋ su ɣalêŋ kpɔlɔ su.

Gɛlaɠaa 7:30 ပူးပေါင်းရင်းမြစ်များ

Tɔɔɓɛlaa dɔlɔɔ 19:8

Eli ə muhəɠə, ə kɔ̨nɔ̨n mįi, ə gbələ, yii kɛa ə huwalawala hɔlɔɓo gɔ̨nɔ̨n tii mįi pulu, ə hvóló pow nąąn da kpinį pow nąąn ɉiɛ kɛ, yɛ li Yálá nwɔ yeei ɓa, yai gaa Horɛbə.

Mąątɛ̨nɛ̨ 66:12

Yáá hvaa mą diɛ ku hon, yɛ taatɛlɛɛɠaa. Kwaa lɔ nwɔ̨n ɉu, kwaa lɔ yái, Kɛlaa, ə́ ku kulɔ di yəi, Ə́ ku ɓɛlɛhee kɔ̨nɔ̨n gɛ.

Lɛɛ gbɔwɔ ɓa 3:6

Ɲą́ą́ ɓə gáá a ə́ nąn nwɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá.» Moisə ə ɲee pɛlɛ ɲɛ̨i, mąąhɔlɔɓo, ə kɛi ɲɔw ɲɛ̨i heei Yálá ɓa.

Lɛɛ gbɔwɔ ɓa 7:7

Ɓɛlɔwai di kɛi li mɛ̨nįi tii laa həlii la Eziptə tɔɔmun ma, Moisə kaa kwɛlan ə kɛ a kwɛlan bow mɛ̨ihaaɓa, Aarɔn nwɛi ə ɓo pow mɛ̨ihaaɓa kɔ́w haaɓa.

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Azaya 63:9

Ɛlɛɛ di kɛɛ di wɔ mɔ̨nɔ̨ɠaa hu, yaa kpɛli ə mɔ̨nɔ̨ mįi. Malakai ŋɛ̨i a nwɔ tímun, ya ɓə di nwunmąąɓo nwɔ wɛlikɛmąąlaa, da nwɔ nu ɲɛ̨imąąwɛli kaa laa haalai, yaa kpinįį ɓə di nwun mąąɓo, ə di mąą mɛ̨nį həɠə nwuɔ̨, yɛ di kpəŋə, yələ kəlee, ɲɛnɛ̨ɛ̨ yii aa tɛɛ ɉu.

Danîa 3:27

Nu kpɛa-kpɛaɠaa, ɉɛn gɔw laaikɛ nuą, guvɛnɛɛliɠaa da tɔɔmun gwɛlɛ nuą, di lɛɠɛ nu haaɓai tii diɛ, di di kaa, nwɔ̨n və kpɛli pɔɔ lɔpee ta kɛ diɛ, nwɔ̨n və hɛn da kɛ a di nwun nəɠa, hvo hɛn da kɛ a di mąą həɠə, nwɔ̨n gun gbɛli hvo kɛ di kɔ́lɔ ɓa.

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Lukə 20:37

Haa ɓɛlaa nwun mɛ̨nį nwɛi, Moisə ə yili mo kpɔ a ɉu ponoɔ̨, ɓɛlɔwai ə kɛi nwɔ̨n nən mąą mɛ̨nį pɛ̨ɛ̨ laa nwɔ hɛɓɛ́i hu; yɛ kɛ Ną́mu Yálá laa ɓa a: ‹Abrahamə nwɔ Yálá, Isaakə nwɔ Yálá da Ɉakɔbə nwɔ Yálá.›

Gɛlaɠaa 7:17

«Mɛ̨ni Yálá ə naakwɛlanmo Abrahamə ɓa yɛ gwɛla ɉu, kɛi lɔwai ə kɛɛ kɛa lɛɠɛi, di huwu hu ə kɛnɛ̨ Eziptə lɔi hu;

Gɛlaɠaa 7:31

Gɛɛ ti Moisə ə gaa, yili ə gwəi pili mą, ə kɛ bɔ ə lɛɠɛ laa ə mąąkpɛɛ. Gu Ną́mu woo ə tɔɔ, yɛ kɛ mą:

Gɛlaɠaa 7:32

‹Ɲą́ą́ ɓə a ə́ kalaɓɔlɔni di wɔ Yálá, diɛi ɓaa: Abrahamə, Isaakə da Ɉakɔbə.› Moisə mąą kpəlin bələ, hvo kɛa pɛli nąą kaai.

Gɛlaɠaa 7:35

«Moisə tanɔ̨n ti di lənə mą, diɛ kɛ mą: ‹Gbɛɛ ɓə ə́ kɛ a ku nwun nąmu da ku kiti tee mun!› Yaa lɔ ɓə Yálá ə pənə ə dɔɔ, ə kɛ a di nwun nąmu da di nwun mąąɓomun, malaka ti gɔwɔ lɛ mą nwɔ̨n nən ɉu, nwɔ kpɔnmąą háálai.

Galatə 4:25

Mąąhɔlɔɓo Sinai kaa Arabə lɔi hu. Ɛlɛɛ, Agarə mukulaa ɓaa, Ɉerusalɛmə háákələi, yai a nuwɔ-nɛ̨ą da nonnii.

Dutɛrɔnome 33:16

Ɉɛnŋąą kpɔ nɔi laahvɛɛ, a nɛlɛ-lɛlɛɛ a ɉɔlɔɓo. Nui ŋɛ̨i gbɔwɔ lɛ gala nwun ma nwɔ̨n nən ɉu, ə ɲɛ̨i lɛlɛɛ hee yɛ́, ə pa ə hee Ɉosɛfə nwun na, yaai kɛ a niɛni nwun nąmui.

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.