Gɛlaɠaa 6:14 - Yálá laawoo hɛɓɛ (dc)

¹⁴ Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Yálá laawoo hɛɓɛ

¹⁴ Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Bible

¹⁴ kpɛ́ni fêi, ku mɛ̀ni ǹá, a gɛ́ɛ Nâzarɛ Zisɛi ŋí a pâi gwaai ŋí ma karâi, é kútûa-perei maa fáleŋ nyíi Mose e dɛ̀ɛ kúpɔi.”

Gɛlaɠaa 6:14 ပူးပေါင်းရင်းမြစ်များ

Azaya 65:15

Nííɓa nuą da kɛi pa nɛ̨ŋɛ̨nnaa kɛi, da gɔɔn kaa, diɛ kɛ mą: «Yai-Laa Nąmu ə ə́ haa pələ kɛ kpɔlɔ tii!» Kɛlaa, laa ninɛ̨ kaa pai heei nwɔ́ tínuąi diɛ.

Ɉeremi 26:12

Ɉeremi yɛ nɔi ɲąąwooɓo nuą da nɔi lonnii kəlee diɛ: «Yai-Laa ɓə́ dɔ́ɔ́, mɛ̨nįɠaai pai laai bɛlɛ́i ŋɛ̨i ɓa, da daai ŋɛ̨i ɓa, gɛ́ di lɛɛ kwɛa la, gɛ́ di ɓo, yɛ bələi ka di mɛ̨n na.

Ɉeremi 26:18

«Morɛsɛtə hulɔnui ŋɛ̨i kɛ a Mise, ə kɛi Yálá kwəi mɛ̨nį hukulɔ, a Ɉuda tɔɔmun Ezekiasə nwɔ yələi. Ə ta mo Ɉuda lɔi hu nuą kəlee diɛ, yɛ diɛ: Mɛ̨nį Kəlee ŋą Hééɓomun Yai-Laa woo ka, yɛ diɛ: «‹Di kaa pai Siɔn hin ɉii yɛ tíi, Ɉerusalɛmə kaa pai kɛi a pɛlɛ́ kpoloon buɔ pɛlɛ́ kpoloon mɛ̨i, ɛlɛɛ, ɲee ŋɛ̨i Yálá hee pɛlɛ́ tɔɔ nwuɔ̨, a lɛɛ a kpomo.›

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Osia 3:4

Bələ ɓə Israɛlə lonnii kaa pai lɛɛi la a ɉukwɛaa, tɔɔmun va kɛ di yəi, da di ɲɛ̨itɔwɔ mun, da haláá kulɔ mɛ̨nį, da haláá həɠə mɛ̨nį, ɛlɛɛ da haláá kulɔi, da Yálá mąąnikɛ hɛnŋąą.

Mise 3:12

Yili mąą mɛ̨nį ɓa ɛlɛɛ nwɔ̨nɔ̨, ka mąą mɛ̨nį ɓa, di kaa pai Siɔn hin ɉii yɛ tíi, Ɉerusalɛmə yɛ lɛɛ a pɛlɛ́ kpoloon buɔ ɉimįnín ma, ɛlɛɛ, ɲeei tii Yálá hee pɛlɛ́ tɔɔ mɛ̨i, kala kpili yɛ tɛ mą.

Zakari 11:1

Liban, ə́ wɔ pɛlɛ́ɠaai laaɓo, ɛlɛɛ, nwɔ̨n ə́ ə́ wɔ kpitiliɠaai kələn.

Zakari 14:2

Gáá pai lɔiɠaa kəlee ɲąąkpɔn ɉii, Ɉerusalɛmə kwɛlɛ, da diɛni diɛ gɔ́ yili ŋą. Di kaa pai daa hon ɉii, diɛ bɛlɛ́ɠaa pu, diɛ too nɛ̨ąą mɛ̨i; daa bələ tɔ̨nɔ̨ kaa pai lii luwɔlaa hu, Kɛlaa nu kpəlii pai lɛɛi, di hvo pai di kpɛi laa.

Maafîu 26:61

diɛ diɛ: «Ɉulɔnui ŋɛ̨i aa ta mo yɛ diɛ: ‹Ŋą́ pɛli Yálá hee pɛlɛ́ kɛnɛ̨i ŋɛ̨i pui, ŋą pənə ŋį́ dɔɔ hvóló haaɓa yeemu.›»

Markə 14:58

«Kwaa ta ɉulɔnui ŋɛ̨i woo mɛ̨n, yɛ kɛ diɛ: ‹Yálá hee pɛlɛ́i ŋɛ̨i nuą di dɔɔ, gáá pai bui, ŋą pənə ŋį́ da kpɛli tɔɔ hvóló haaɓa yee mu, yii nuą di hvo dɔɔ li.›»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Lukə 21:6

«Yələ ta kaa pai ɉəlii, gwɛniɠaai ŋɛ̨i ka káá gaai dɔ̨nɔ̨ kpɛli hva lɛɛ mɛlan mɛ̨i, gəlee kaa pai taɠai gee ɓa.»

Ɉaan 2:19

Jesus ə di woo pulu pənə yɛ diɛ: «Ka Yálá hee pɛlɛ́i ŋɛ̨i pu, hvóló hveelɛ Ɉaaɓa yələ, ŋą pɛli ŋį́ ɉaŋą ŋį́ dɔɔ.»

Ɉaan 4:21

Jesus ə nwoo pulu pənə yɛ mą: «Nɛ̨ɛ̨nu, laa ná, lɔwai ta kaa pai ɉəli, ka hvo pai kɛi kwɛli hvilɛn Ɉii Ną́n Yálá ɓa, ɲee ŋɛ̨i ɓa, a wala kɛ tii Ɉerusalɛmə daai.

Gɛlaɠaa 15:1

Nąąlɔwai nu taɠaa di həɠə Ɉude, diɛ pa Antiɔsə, diɛ laa na nuą kalan diɛ kɛ mą: «Da wala ká hee kɛ̨nɛ̨ ɓa, yɛ bələi Moisə ə mąą tɔn naa la, ká hva pɛli ɓaloi.»

Gɛlaɠaa 21:21

Kɛlaa, daa mɛ̨n diɛ, Ɉuifəɠaai ŋɛ̨i huwu takpɛliɠaa lɔwai, ə́ kaa di kalan ɉii, yɛ kɛ diɛ: Di hvo Moisə nwɔ tɔ́n pɔ yíiɓo, ɛlɛɛ di hvo di lonnii hee kɛ́nɛ̨ ɓa, yɛ bələi Ɉuifəɠaa di wɔ huwu la mɛ̨nį kaa la.

Gɛlaɠaa 25:8

Kɛlaa, Polə ə kɛli nwun mąąkɔ̨nwɔ̨, yɛ diɛ: «Və́ kɛ mɛ̨nį ɲɔ̨n da kɛ li a Ɉuifəɠaa di wɔ tɔ́n, ə mą kɛ a Yálá hee pɛlɛ́ da Romə lɔi nwun nąmu.»

Gɛlaɠaa 26:3

Hvo gaai Ɉuifəɠaa yíi pələ, da mɛ̨nįɠaai da kɛ ɉɛa tooi, gəlee kpaɠala kaa yɛ́. Nɛ̨ɛ̨ yɛ́, 'ə́ wəli tɔɔ kani nwóó ɓa, a liinɛ̨ɛ̨ gwəilaa.

Gɛlaɠaa 28:17

Hvóló haaɓa kulaa ɉu, Ɉuifə kalanɉonŋaai kɛ laa, ə di təli. Ɓɛlɔwai di di ɲąąkpɔn na, ə mo diɛ, yɛ diɛ: «Ną́n nonnii, ɲą́ą́ ŋɛ̨i hvə́ hɔn da kɛ li yɛ hvilɛn na, gu wɔ tɔn ɓa, da gu yíi pələi gu ɉɔlɔɓo gu nąnni yəi, mą. Ɲą́ą́ ka, a gaho nąmu, ə həɠə kpɔ ɲələi di dɛ́ɛ́ la Romə holahiɠaa pɔ Ɉerusalɛmə.

Galatə 3:19

Lə ɓə dɔ́n ə pa kani gɛi? Dɔ́n ə pa, ə nuą hɔn doo pono ɲą, ə lɛɛ ɉu, Abrahamə kwəi lon ti, di mąą mɛ̨nį laakwɛlanmo mąi, ə pa. Malakaɠaa ɓə pa dɔ́n ɉu woo laa həlii, Moisə yɛ ɓo a di lɔwai-kpəlin da nuą.

Galatə 3:23

Gɛɛ kɛ laa na laa nwɔ yələi hvo ɉəli, gu kɛ luwɔ́laa hu dɔ́n ɲee mu, ə lɛɛ ɉu, laa na laa yɛ pa tooi pono ŋą.