Gɛlaɠaa 6:11 - Yálá laawoo hɛɓɛ (dc)

¹¹ Yili ɓə gɛ, di lɔ nuą hu di lɛɛ pɛlɛ a Etiɛnə laa, diɛ kɛ mą: «Ku nwoo mɛ̨n yɛ Moisə da Yálá di ɓɛlɛtoo wooɠaa ɓo.»

Yálá laawoo hɛɓɛ

¹¹ Yili ɓə gɛ, di lɔ nuą hu di lɛɛ pɛlɛ a Etiɛnə laa, diɛ kɛ mą: «Ku nwoo mɛ̨n yɛ Moisə da Yálá di ɓɛlɛtoo wooɠaa ɓo.»

Bible

¹¹ Nya ƃe dí mò nûa dîa loo-pere su a gɛ́ɛ dí mo a ǹáa, dîyɛɛi, “Ku ŋ̀óo mɛ̀ni gɛ tɛ-ŋɛi-woo-ŋa ƃo gɛ pîlaŋ Mose ma da Ɣâla.”

Gɛlaɠaa 6:11 ပူးပေါင်းရင်းမြစ်များ

Lɛɛ gbɔwɔ ɓa 23:1

«‹Mɛ̨nii hvó nwun gɔlɔn, hvó ɉukulɔ; nui a ɉɔn gɛ, hvó tɔɔ bulu.

Ɉeremi 26:11

Ɉaláá laa həli nuą da Yálá kwəi mɛ̨nį hukulɔ nuą, di mo nɔi lonnii kəlee diɛ, diɛ diɛ: «Mąąnɛ̨ɛ̨ di nui ŋɛ̨i paa, mąąhɔlɔɓo, gaa daai ŋɛ̨i nɛ̨ŋɛ̨n naai, kaa kpinįi kaa nwoo mɛ̨n.»

Ɉeremi 37:13

Ɉəliɛ Bɛnɉamɛn nwɔ kpon ma, ə nɔi kóló kɛ mun da kaa laa, diɛ kɛ mą: Yiriya, yai kɛ a Selemia lon, Hanania nwɔ lon. Yili ə Ɉeremi tɔɔ, yɛ mą: «Ə́ kaa bɔ ə́ tɛɛ Kalde nuą pɔ pələ ka ŋɛ̨i!»

Levetekɔ 24:16

Ɛlɛɛ, nui a Yai-Laa laa ɓɛlɛ too woo ɓo, da baa; yɛ ə kɛ a nwɛ̨ą, yɛ ə kɛ a nɔi lon, Israɛlə nuą kəlee da ɉɔɔ, da baa mąąhɔlɔɓo, aa Yálá laa ɓɛlɛ too.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 16:3

Di kaa pai kɛi túwɔ́i tii, mąąhɔlɔɓo, di hvo Ną́n gɔlɔn, di hvo nwɔ̨nɔ̨ ɲą́ą́ gɔ́lɔn.

Ɉaan 9:29

Ku kili kaa ɉu kuɔ diɛ, Moisə wɛi, Yálá ɓə dɔɔ; kɛlaa, nui ŋɛ̨i nwɛi, ku hvo ɉəɠəi kɔ́lɔn.»

Gɛlaɠaa 15:21

Hvo gaai, ə gɔwɔ tɔɔ gu kalaɓɔlɔni di wɔ yələi ɓa, mąąkwɛli kɛ nuą di kaa Moisə yəi daaɠaa hu, gbala ə tɔɔ, da kɛ ɉɛɓɛ́ ɓoi a vįitɔɔ yələ, Yálá hvɛli pɛlɛ́ɠaa mu.»

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 21:28

Di kɛi tomą diɛ kɛ mą: «Israɛlə nuą, ka lɛɠɛ kuɔ! Nui ŋɛ̨i aa kɔ́ pɛlɛ gu huwu ɓa, aa bɛlɛ dɔn ɉɛɓɛ́ ɓa, da Gɛɛnąą mąąhəɠɛɛ ŋɛ̨i, a nwɔ kalan a kɛ lia gɛ nu kəlee ɓa, kɛɛnąą kəlee. Aa tɔɔ kpɔ hɔlɔɔmun Grɛkəɠaa tɔwɔ, yɛ lɔ a diɛ Yálá hee pɛlɛ́ mu, ɛlɛɛ, yɛ gɛɛnąą ŋɛ̨i kɔ́hɔɓo la.»

Gɛlaɠaa 25:3

Di ɉuhvɛli mą a gbąnąlaa, yɛ da kɛli ŋą mɛ̨nį lɛlɛɛ huhvɛli, diɛ kɛ, di pa a Polə Ɉerusalɛmə. Yii kɛ ɉu a neelee, ya ɓaa di kɛli pa pələ hɛlɛn dɛi tɔwɔ baa mɛ̨nį ɓa bələ pɔ.

Gɛlaɠaa 25:7

Ɓɛlɔwai ŋɛ̨i di paa la a Polə, Ɉuifəɠaa ti həɠə Ɉerusalɛmə diɛ pa, di Polə mąą tinɛ̨n, di mɛ̨nį tamąą ɓo a naa, yii kɛ diɛ kpinįi di hva pɛli dɛ̨ą ɓoi.

Gɛlaɠaa 26:11

Ŋį́ kɛli lia tɛɛ Yálá hvɛli pɛlɛ́ɠaa kəlee mu, gɛ́ di laa nɔ̨nwɔ̨ ɓo a pələi lɔpee, gɛ́ hee di hu, gɛ́ kɛ, di Yálá ɓɛlɛtoo woo ɓo; gbɔ́lu pələ di la, ŋą́ kɛli kpɔ hvilɛn di pulu nwɛ̨ą taaɠaa hu.»

Gɛlaɠaa 6:10

Kɛlaa, di yee hvo lɔ Etiɛnə ɓa, mąąhɔlɔɓo, Kili-Mąąhəɠɛɛ ə kɛ bɔ, yɛ mɛ̨nį ɓo la a kilikɛɲəi laa.

Gɛlaɠaa 6:12

Bələ ɓə di lɔ la nuą hu, da galanɉonŋąa ə mą kɛ tɔ́n galamɔ̨ɔ̨ɠaa. Di Etiɛnə hon də li la tɔ́n vili nąmįną lííla.

Gɛlaɠaa 6:13

Di liɛ, di lɛɛ hvaa tamąą ɓo a Etiɛnə laa di kɛ mą: Nui ŋɛ̨i ka káá gaai, hvo ta kpəla li woo ɲɔ̨n moɔ ɓa a guɔ Yálá hee pɛlɛ́i laa da Moisə nwɔ tɔ́n laa.

Lomaŋ 3:8

A kɛ ti kani, lə mɛ̨nį ɓa gu hva túwɔ́ pələ ɲɔ̨n gulɔ, ə gɛ, mɛ̨nį lɛlɛɛ ə kulɔ ɉu? Yɛ bələi laakala kɛ nuą da gɛ kuɔ mo la? Nuą ti hvɛla ɓaa a gaho.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.