Gɛlaɠaa 6:1 - Yálá laawoo hɛɓɛ (dc)

¹ Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Yálá laawoo hɛɓɛ

¹ Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

Bible

¹ Ŋ̀ele-ŋai tí su Zîsɛ ŋɔpôlu-ƃelai kɛ̀ tâmai, Yɛ̂lɛni-ŋai dí kɛ̀ díŋuŋ su-woo saâi gɛ pîlaŋ Ibulu-ŋai dîa. Kpɛ́ni fêi, Ibulu-ŋai dí díŋɛi nàɣîŋ dípɔɔ-nɛyaai mɛi ŋ̀ele kûu tɔnɔ́-tɔnɔ́ mii-sɛŋ ŋá kɔlɛ mɛni ma.

Gɛlaɠaa 6:1 ပူးပေါင်းရင်းမြစ်များ

Zôo 29:13

Nuąi kɛ di haa kɔ́wɔ ŋą, di kɛi lúwɔ́ too mą́ą́. Ɛlɛɛ, ŋį́ ɓo a kalaninŋaa di wɔ kwəinɛ̨ɛ̨.

Zôo 31:16

A kɛ ŋą́ą́ ta lənə mąąwɛli nuą di wɔ hvɛli ɓo woo ɓa, Ŋą́ą́ ta kalanənŋaa lɛɛ laa di ɲɛ̨i mąą yɛ wɛli,

Mąątɛ̨nɛ̨ 110:3

Heeɓolaa ə lɛɛ ə́ yəi, a ɲələi ə́ kɛi yɛ́ kɔlaɠai ɲąąkpɔn na. Mąąwiɛ ə kɛ yɛ́ a Yálá-taa mąąwiɛ, ə́ ɓo nį ə́ lee kwəi, ə́ nwunų kɔ́lɔi.

Mąątɛ̨nɛ̨ 72:16

Nɔi ə lɛlɛ, tíi ə kɛ nąą kəlee gbɛlai hvo kɛ mą, mɔ̨nun gbala yɛ yee tɛ yɛ dumon, yɛ Liban yee; nu kan ɲąą ə nɛ̨ɛ̨ daa kwəi, yɛ kala tiliin.

Azaya 1:17

'Ka mɛ̨nį lɛlɛɛ kɛɛ mąąkwɛli, 'ka ka kwəi kwələ, 'ka heemɛ̨i laa kulɔ ka lɔwai, 'ka təlilon ɉon a kwəi kwələ laa, 'ka kalanin dɔɔ bulu kɛ.

Azaya 27:6

Voló yiɠaai pai pai, Ɉakɔbə hamuɠaa kaa pai ɓɔn ɉi, Israɛlə kaa pai powai, dɛlinŋąą diɛ kulɔ, gaa pai yɛnɛ̨ɛ̨ laa hvɛɛi a ma.

Ɉeremi 30:19

Hɛɠɛɛ ɓo wooɠaa diɛ kulɔ laa, kwəinɛ̨ɛ̨ wooɠaa. Gáá di ɓuwu ɓoi, di ta hva kɛa kulɔ ɉu, gáá di mąąwiɛi, di hva kɛa kɛ a nu huwu hviikpɛɛ.

Izikiɛ 22:7

Ə́ pɔɔli, nuą da tɛɠɛɓo di nąnni da di leeni di hu. Da nweą hon a wea mɛ̨nį ə́ pɔɔli, diɛ di yee pənə, təli da kalanin di hu ə pɔɔli.

Malasi 3:5

A tɛ̨ą, Yai-Laa Mɛ̨nį Kəlee ŋą Hééɓomun nwoo ka, yɛ diɛ: Ŋą́ pa, ŋą́ hee ka lɔwai, ŋą́ ka mąą mɛ̨nįɠaa hutɔɔ. Ŋą́ haŋą həɠə-hɛn nąmįną diɛ a mąą hulaa; diɛi da kɛ wɛli hon ɉi, diɛ di kwɛla a lɛɛ, diɛ kólo kɛ nuą hvɛla kulɔ di yəi, diɛ too təlilɛa da galaninŋaa mɛ̨i, diɛ nwɛ̨ąą yee kpɛlaan, diɛ hɛn gulɔ di yəi; ɛlɛɛ, da nuąi di hva ɲɔw mą́ą́.

Maafîu 23:13

«Tɔ́n galamɔ̨ɔ̨ɠaa ka Farisiɛ̨ɠaa, ka tɛ ɲɛ̨i mɛ̨nį kɛ nuą ŋɛ̨i, kpalo kaa ka tɔwɔ! Mąąhɔlɔɓo, kaa Yálá-taa pələ too, kaa kpəɲan bələi. Ka hvo lɔi, ə lɛɛ, ka hvo nɛɛi laa, nuąi naa wɛli kaa diɛ, di hvo lɔ.

Gɛlaɠaa 11:20

Kɛlaa, ə mą kɛ ti, di taɠaa, di kaa-lɔi ə kɛ a Siprə da Sirɛnə, pai di mo Antiɔsə di wɛi, Grɛkəɠaa lɔ ɓə di kɛli nwəlɛɛ lɛlɛɛ laa həli diɛ, yai vilɛn ŋąąi gu Ną́mu Jesus ɓa.

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 11:29

Galan nɛa di di nwun dɔɔ, kpɔnmąą tɛɛ mɛ̨nį ɓa galan nɛa yiiɠaai kɛ Ɉude lɔi hu, di pɔ.

Gɛlaɠaa 2:41

Nuą tamąą di di yee hee Piɛrə woo mu, di di mąąwaa. Volói ti, nu waa haaɓa ɲɔ̨nwɔ̨mąn ə hɔlɔɓo; ə pɛlɛ galan nɛa diɛ.

Gɛlaɠaa 2:45

Di kɛi di yəi hɛnŋąa lɔwɔ́tɔɔ, diɛ nwali ɲąąkwɛlɛ di kee lɔwai, yɛ pələi di mąą kpaanŋąa di kɛ la.

Gɛlaɠaa 2:47

Di kɛi Yálá hɛɠɛɛɓo di wɛli yɛ ɓo nu kəlee ɓa. Hvóló kəlee, Ną́mu Yálá ə kɛi laa na nuą ta pɛlɛ ma.

Gɛlaɠaa 4:35

diɛ dɛɛ gɛlaɠaa pɔ. Ɉɛn gɔwi ti ɓə di kɛi ɲąąkwɛlɛ nu kəlee ɓa, yɛ pələi di mąąkpaanŋąą kaa la.

Gɛlaɠaa 4:4

Nuąi galan nwoo mɛ̨n, di damąą di laa Jesus la, di lononŋąą a pɛli nu waa lɔɔli kulɔi.

Gɛlaɠaa 5:14

Ɛlɛɛ, hinąą mąn, nɛ̨ąą mąn di kɛli too di a di kpulu kɛnɛ̨ɛ̨, a laai di kɛli mo Ną́mu la.

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Gɛlaɠaa 6:2

Gɛla pow kɔ́w hveelɛi di galan nɛa kəlee ɲąąkpɔn, diɛ diɛ: «Ku mąą hvo nɛ̨ɛ̨li ku hvo Yálá lawoo laa həliɛ lɛɛ laa, kuɔ ku yee lɔ kɔ̨nɔ̨n ŋąąkwɛlɛ mɛ̨nį hu.

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.

Gɛlaɠaa 9:29

Ɉuifəɠaai kɛi Grɛkə woo ɓo, da diɛ ni di kɛi hɛa too di kee lɔwai, kɛlaa, yiliɠaai di kɛli baa pələ kwɛli.

Gɛlaɠaa 9:39

Ɲąąɓa, Piɛrə ə muhəɠə da diɛni diɛ li. Ɓɛlɔwai di həli la, di tɛ ɲələi pɛlɛ́ hu, galanin nɛ̨ąą diɛ ɓo laa diɛ wɔlɔ, diɛ doogwąną həɠəɠaa da yíi-həɠəɠaai Dɔrkasə ə kɛi bala, ɓɛlɔwai ə kɛ la vulú kɔ́wɔ ŋą, diɛ nɛ Piɛrə ɓa.

Gɛlaɠaa 9:41

Piɛrə ə ɲee hon, ə ɉaŋą ə dɔɔ, ɛlɛɛ, ə galan nɛa da galanin nɛ̨ąą təli, ə Dɔrkasə hvulú mąą lɛ diɛ.

Lomaŋ 12:7

Akɛ ə́ wɛi ɓaa yɛ tínuą diɛ, 'yili kɛ. Nui nwɛi a kɛ a nuą mąąkwɛliɛ, ə gɛ.

Korɛntə dɔlɔɔ 10:10

'Ká hvo hvaa ká nwun ɉu, yɛ bələi daɠaa di gɛ la; nwun na pilimun yɛ di nwun na pili.

Korɛntə veelɛ 11:22

Di kaa a Hebreuxɠaa, ɲą́ą́ gbɛlimąn gáá la! Israɛlə lonnii ɓaa a diɛ? Ɲą́ą́ gbɛlimąn gáá la! Di kaa a Abrahamə huwu? Ɲą́ą́ gbɛlimąn gáá a da!

Dutɛrɔnome 26:12

Kwɛlan ɉaaɓa haaɓa həli pələ tɛi tɛi, yaai gaa a hɛn bow nąą tɛɛ kwɛlan; hɛn lɔpee ya ɉɔlɔɓo, ə́ yəi ɲɛa, ya nono mɛ̨inąą nąąn, ə́ bow nąą pu gee mɛ̨i, ya yili tɛɛ: Levi lonnii pɔ, da nwɛ̨ą, galaninŋąą, ɛlɛɛ, da təliɠaa; di mįi di pilɛ ɉu; ka wɔ taaɠaa hu,

Filipə 3:5

Hvo gaai, néé da ną́n di kaa a Hebreu di ɓo a Israɛlə lonni, Bɛnɉamɛn yəi bɛlɛ́n nuą. Di ɉéé kɛ́nɛ̨ ɓa a voló mɛ̨ihaaɓa yələ. Yii hvilɛn na tɔ́n gɔlɔn mɛ̨nį ɓa, gáá a dɔ́n galamɔ̨ɔ̨.

Timote dɔlɔɔ 5:3

Galanin gaa kpɔ a galanin neelee, 'mąąwiɛ.

Timote dɔlɔɔ 5:9

Nɛ̨ɛ̨nui mąąnɛ̨ɛ̨i di naa too galaninŋaa pɔ, ya ɓaa, yii gaa kwɛlan gaa pɔw mɛ̨ida, ɛlɛɛ, ɉilɛ ə ɓo lɔ kɛ tanɔ̨n,

Hebreu 13:1

Lee-lon nwɛlikɛmąą laa ə ɉeei kulɔ ká lɔwai.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.