Gɛlaɠaa 5:19 - Yálá laawoo hɛɓɛ (dc)

¹⁹ Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

Yálá laawoo hɛɓɛ

¹⁹ Kɛlaa, kwiihąą, Ną́mu nwɔ malaka ə gaho pɛlɛ́ laa ɓo, ə di kulɔ gaho pɛlɛ́ mu, yɛ diɛ:

Bible

¹⁹ Kɛ́lɛ, Ɣâla-taa kela tɔnɔ è gbini-pɛrɛi láa ƃò a kpini é díkula naa, ǹyɛɛ dîai,

Gɛlaɠaa 5:19 ပူးပေါင်းရင်းမြစ်များ

Mąątɛ̨nɛ̨ 146:7

Nuąi daa hee di mɛ̨i a di wɔ tɛ̨ą ɓo, a kɔ̨nɔ̨n dɛɛ pulu lɛɠɛɠaa pɔ, Yai-Laa a gaho nąmįną lɛɛ di kpɔwɔ ɓa.

Mąątɛ̨nɛ̨ 34:7

Ə mą kɛ mąąwɛlimun mə, a Yai-Laa təli lɔ, aa mąn nwoo mu hon, yɛ gulɔ ganąn mɛ̨nįɠaa hu.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Danîa 3:28

Nabukodonosorə ə mo, yɛ diɛ: «Mąąwiɛ kaa Sadrakə, Mesakə da Abɛdə-Nego ni di wɔ Yálái ɓa, yaai nwɔ malaka tɔɔ, yɛ pa nwɔ kɛlaɠaai nwun mąąɓoi. Di wɔ Yálái tii ɓə di di kilitɔɔ mą, dɔ́n ŋɛ̨i tɔɔmun ə dɔɔ, di gala, di hvaa mą, di kɔ́lɔ laanɔ̨nwɔ̨ ə ɓo, yili hviɛlaɓoɔi di ɲɛ̨i ɓa, ə tɛɛ, kwɛli hvilɛn ŋąą ala takpɛli ɓa, akɛ di wɔ Yálái hvəi.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 1:24

Ɓɛlɔwai Ɉosɛfə ə nwun na, pələi tii Ną́mu nwɔ malaka ə dí la, ə gɛ tii. Ə Mari həɠə a nɛ̨ą.

Maafîu 2:13

Kilimąą nuą liɛ pulu, Ɉosɛfə ə Ną́mu nwɔ malaka tɔ̨nɔ̨ kaa hį́i, yɛ mą: «Ɉosɛfə! 'Nokoloi ŋɛ̨i da nee di həɠə ə pu a diɛ ka li Eziptə lɔi hu. Ka li, ka lɛɛ laa, ə lɛɛ la ɉu, ŋį́ pənə ŋą ka təli. Mąąhɔlɔɓo, Herodə kaa pai nokoloi ŋɛ̨i kwɛli baa mɛ̨nį ɓa.»

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 28:2

Ɲələ walai tii hu, lɔi ə kpɛlin kpɔ kɛnɛ̨, Yálá nwɔ malaka ə həɠə yələi ə hvilɛn, ə gwɛni kiliɠilin ə ɉəɠə gámą laaləi, ə tɛ ə hee mɛ̨i.

Lukə 1:11

Zakari ə kɛ tɔɔni ɉaláá kulɔ ɉala kulɔi ɓa-mįi-yee hu pələ. Nąmu Yálá nwɔ malaka ta ə gbɔwɔ lɛ mą.

Lukə 2:9

Ną́mu ŋą malaka tɔ̨nɔ̨ ə gbɔwɔ lɛ diɛ, Ną́mu nwɔ mąąwiɛ ə di mąą pono, di ɲɔ̨w kpɔ kɛnɛ̨.

Gɛlaɠaa 10:3

Yələ ta, hvóló mąąlaa, ə malaka ta kaa a mąą ponɔɔ, ə lɔ ɲəi bɛlɛ́n, ə dəli, yɛ mą: «Kɔrnɛyɛ!»

Gɛlaɠaa 12:23

Kɛlaa, nąąlɔwai ti kpɔlɔ, gu Ną́mu nwɔ malaka ta ə gɛlɛ, mąąhɔlɔɓo, hvo kɛ Yálá mąąwiɛ li. Ɲąą ɓa, koló ə pu ɉu, ə haa.

Gɛlaɠaa 16:26

Di lɛɛ lɔ laa, lɔ tii ɲąąɓa, nɔi ə kpɛlin gbɔ a nwalawalaa, bɛlɛ́ kɔwɔ hvilɛn ɉii ə kpɛlin. Gbon gəlee laa ə ɓo nąąlɔwai, gaho nąmįną kəlee di wɔ kpɔnɔ̨ɠaa di tee diɛ.

Gɛlaɠaa 27:23

Háá, a kwii hɛ̨ą, Yálái gáá ɲee kɔnma, gɛ́ tíi mą, nwɔ malaka ta ə gbɔwɔ lɛ mą́ą́,

Gɛlaɠaa 8:26

Gu Nąmu nwɔ malaka ə kɛ Filipə ɓa: «'Li ɉɛ̨ɠɛɛ pələ, bələi ti a həɠə Ɉerusalɛmə yɛ li Gaza, ə́ hvilɛn mą. Bələi ti mɛ̨i tɔɔi kɛ ton-ton.»