Gɛlaɠaa 4:31 - Yálá laawoo hɛɓɛ (dc)

³¹ Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Yálá laawoo hɛɓɛ

³¹ Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Nįį-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Bible

³¹ Ɣâla fɛ́liɛɛ dîɛi, ƃɛ́i dí kɛ̀ a díŋaa tɛ́ɛ naa gîe mai naa è tùmo díkelee kpɔ́ dílaa è fɛ́ɛ a M̀ɔlêŋ Maa Waai dí Ɣâla ŋɔwóoi ƃó a lii-kpele pere.

Gɛlaɠaa 4:31 ပူးပေါင်းရင်းမြစ်များ

Azaya 65:24

Nąąlɔwai, gɛi di hvo pa kɛ də́lii, ŋį́ gbɛa di woo pulu pənə, Di woo a lɛɛ nii di lá, ɉɛn di vɛlii, ŋį́ dɛɛ di pɔ!

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Ɉaan 14:12

A tɛ̨ą kpɔ-kpɔ gáá moi kaa, nui a laa ná, mɛ̨nįɠaa ŋɛ̨i gáá gɛi, mąą nu a pɛli yili kɛi, ə lɛɛ a damąą kɛ ə kɛnɛ̨ ə tɛɛ yiiɠaai gáá gɛi ma. Mąąhɔlɔɓo, gáá lii Ną́n Yálá pɔ.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Gɛlaɠaa 14:3

Polə da Barnabasə di yíikuu ta wolo kɛ laa, di kilitɔɔi kɛ gu Nąmu ɓa, gu Nąmu kpinįi ə kɛli tɔɔ, nwɔ nɛ̨ɛ̨laai mąą kalan di kɛli kɛ bulu, a gwɛlɛɛn mɛ̨nįɠaa da kpalo mɛ̨nį tamąąi ə kɛli mąą laa tɛɛ di pɔ, diɛ gɛ.

Gɛlaɠaa 2:1

Pantəkotə hɛli həliɛ, galan nɛai ti kəlee ɲąąkpɔn ŋąą i kɛ kɛɛnąą tɔ̨nɔ̨ ɓa.

Gɛlaɠaa 2:2

Kpɔlɔ ti ŋąą ɓa, tín gɛnɛ̨ ta ə tɔɔ yələi, yɛ hvaŋą kɛnɛ̨ ta a kɛi tɛɛ; bɛlɛ́i ti di kɛ mu, ə naa laahvɛɛ.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Gɛlaɠaa 4:13

Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Filipə 1:14

Gɛ́ mɛ̨nį gaho ɲą, yili aa gu nąn nonnii tamąą di wɔɔ liikpələ ta kɛ mą, gu Ną́mu hu, di hva ɲɔw Yálá lawoo laa həli.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.