Gɛlaɠaa 4:17 - Yálá laawoo hɛɓɛ (dc)

¹⁷ Kɛlaa, ə mą kɛ tii, əgɛ, bələ hvo pa taɠa-taɠai nuą lɔwai, gu tanŋąn dɔɔ diɛ, gu haŋą diɛ, ə gɛ, di hvo pa Jesus mąą mɛ̨nį ta ɓo.»

Yálá laawoo hɛɓɛ

¹⁷ Kɛlaa, ə mą kɛ tii, əgɛ, bələ hvo pa taɠa-taɠai nuą lɔwai, gu tanŋąn dɔɔ diɛ, gu haŋą diɛ, ə gɛ, di hvo pa Jesus mąą mɛ̨nį ta ɓo.»

Bible

¹⁷ Kɛ́lɛ, a gɛ́ɛ m̀ɛnii ŋí fé lì kwaa kôya ma ǹûai sáma, kwaa dímaa yao a gɛ́ɛ dífe lono núu da kélee pɔ́ ŋɔ́nɔ Zîsɛ láai su.”

Gɛlaɠaa 4:17 ပူးပေါင်းရင်းမြစ်များ

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Amɔsə 2:12

Yai-Laa yɛ nwɔ̨nɔ̨ diɛ: Kɛlɛɛ yaamun, nuąi tii kɛ mąą hvo nɛ̨ɛ̨li di hvo lɔɔ kpələ, ka lɔɔ tɔɔ di la. Ɛlɛɛ, kaa kɛ nwɔ́ loloɓo nuąi tii diɛ: «Ka hvo kɛa Yálá mąą mɛ̨nį noloɓo.»

Maafîu 27:64

Kuɔ ə́ hvaa mą ə́ holahiɠaa tɛɛ də li di gámą mąąkpɛ ə lɛɛ ɉu, hvóló haaɓa ə tɛɛ, ə gɛ, nwɔ kalan nɛai di hvo pa li laa di hvo bowa nwuɔ̨, diɛ kɛ diɛ: ‹Aa muhəɠə.› A kɛ tii, nɛɛ mɛ̨nį yili hu a kɛnɛ̨ ə tɛɛ dɔlɔɔ tii ə gɛ mą.»

Maafîu 9:30

Di ɲɛ̨i ə hvoloon. Jesus ə mo diɛ a nwąnąi, yɛ diɛ: «'Kaa ɓə! Və́ bɔ nui lɔpee ta hvo gbaɠala kaa.»

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Gɛlaɠaa 4:21

Tɔ́n vili nąmįną di haŋą diɛ kpɔ nwɔ̨nɔ̨ a nįnɛ̨, yili pulu, di ɓo diɛ. Pələi kɛ di tɛɛ la di mɛ̨nį ɲąnwąnąą laa diɛ, di hvo yili bələ hɔlɔɓo. Mąąhɔlɔɓo, mɛ̨nį ti nuą kəlee di kɛi Yálá hɛɠɛɛɓo yili mąą mɛ̨nį ɓa.

Gɛlaɠaa 5:24

Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»

Ifisiɛŋ 6:9

Káái nwɔ̨nɔ̨ nuą kaa ká yee kɔnma, 'ká gɛ lɔ tii a diɛ. 'Ká haŋąmąą mɛ̨nį kulɔ ká lɔwai, ká kili kaa ɉu káá, diɛmąn-o, káámąn-o, ká nwun nąmu kaa yələi pələ, ɛlɛɛ, nwɛi, hva nu huyɛɠɛ.

Tɛsalonikə dɔlɔɔ 1:8

Ká pɔɔli ɓə gu Nąmu laa woo ə həɠə laa yɛ li Masedoanə da Akaiə, kɛlaa ka laa mɛ̨nį Yálá la, bələ aa taɠa-taɠa kɛɛnąą kəlee, ə mą kɛ kpɛli kɛ, ku hvo yili bələ ta ɓo li káá.

Piɛrə dɔlɔɔ 2:23

yai di nalan, hvo gwələ kulɔ li a lalan, mɔ̨nɔ̨i di naa mą, hvo woo ɲɔ̨n mo, kɛlaa, ə gbɔwɔ lɛɛ giti haŋąą tee mun ɲəi;