Gɛlaɠaa 4:13 - Yálá laawoo hɛɓɛ (dc)

¹³ Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Yálá laawoo hɛɓɛ

¹³ Di kɛi Piɛrə da Ɉaan di liikpələ pələ kaa; ɛlɛɛ, gbaɠala ə ɓo diɛ, diɛ kɛ, di hvo ta hɛɓɛ́ mąąkwɛli li, di hvo a mɛ̨nį kɔlɔn nuą. Yili ə di kwəi pili diɛ. Di kɛ di kɔlɔn nɔ a nuąi kɛ Jesus pɔ.

Bible

¹³ Ǹúu Pɔlɔ-ŋai kɛ́ɛ da gáa a gɛ́ɛ berei máŋ Pitɛ da Zɔ̂ŋ dífe kɛ́ díkɛ̀ lônoi a líi-kpele perei, dílaa è kpala dîa. Dí nâa gɔ́lɔŋ a gɛ́ɛ dí kɛ̀ Zîsɛ pôlu-ƃelai da.

Gɛlaɠaa 4:13 ပူးပေါင်းရင်းမြစ်များ

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 26:71

Yili pulu, gɛɛ həɠəi nąą gwəli, nɛ̨ɛ̨nu takpɛli ə gaa, yɛ nuą diɛ: «Nui ŋɛ̨i ə kɛ Jesus Nazarɛtə mun bɔ.»

Maafîu 26:73

Nąą hu hvo kpɛli kwɛa nwɔ̨nɔ̨, nuą tii kɛ laa di lɛɠɛ Piɛrə ɓa, diɛ mą: «Ə́ kaa kpɔ yɛ Jesus pulu mun da. Mąąhɔlɔɓo, ə́ ɲɛ̨i laai kaa kpɔ yɛ Galile mun.»

Lukə 22:8

Jesus ə Piɛrə da Ɉaan di tɔɔ, yɛ diɛ: «'Ka li ka pakə kɔ̨nɔ̨n bɛli gu yəi.»

Ɉaan 19:26

Ɓɛlɔwai Jesus ə nee kaa la tɔɔni, nwɔ kalan non ŋɛ̨i nwɛli ə kɛ mą gwɛlɛ, Jesus ə mo nee ɓa, yɛ mą: «Nɛ̨ɛ̨nu! Ə́ lon ga.»

Ɉaan 7:15

Ɉuifəɠaa kwəi ə pili diɛ, diɛ kɛ di kee ɓa: «Nui ŋɛ̨i ə Ɉɛɓɛ́ kɔ́lɔn bələ kɛ ləi, yai hvo lakwəli kɛ li?»

Ɉaan 7:49

A tɛ̨ą, nu kpului ŋɛ̨i nɛ̨ŋɛ̨n naai, di hvo dɔ́n ɉɛɓɛ́ kɔ́lɔn.»

Gɛlaɠaa 4:14

Nui kɛ gɔlɔi ə pono, ə kɛ tɔɔ ni di kwɛlɛ, di kɛi gaa, ɉutoo lɔpee hvo kɛ di la.

Gɛlaɠaa 4:19

Kɛlaa Piɛrə da Ɉaan di di woo hutoo diɛ diɛ: Nɛlɛ ɓə ɉaŋąą Yálá ɲɛ̨i ɓa? Ku lɛɛ ká woo mu, awala kɛ tii ku lɛɛ Yaa ti nwoo mu? Kaa kpinį ka mɛ̨nį ŋɛ̨i hutɔɔ.

Gɛlaɠaa 4:29

Yiihu kɛa, Hɛn gəlee Nąmu, ə́ kili lɛɛ di wɔɔ nu mąąɲɔw wooɠaai hu, ɛlɛɛ, gɛ, ə́ wɔɔ nuąi di ə́ woo laa həli a liikpələ kɛnɛ̨ɛ̨.

Gɛlaɠaa 4:31

Ɓɛlɔwai di kpɛɛ la a Yálá hvɛliɛ, ɓɛi ti di ɲąąkpɔn ŋąą kɛ laa, nąą ə kpɛlin, di kəlee di pilɛ a Kili-Mąąhəɠɛɛ hvaŋą, diɛ kɛa Yálá lawoo laa həli a liikpələ.

Gɛlaɠaa 9:27

Barnabasə ɓə kɛa ɉəɠə ə li la gɛlaɠaa pɔ. Bələi kpɔ Solə ə gu Ną́mu Jesus kaa la Damasə pələi mɛ̨i, da bələi nwɔ̨nɔ̨ gu Ną́mu Jesus ə pələ ɓo la mą, ə gəlee hukulɔ diɛ, ɛlɛɛ, bələi Solə ə Kristə mąą mɛ̨nį lɛ la Damasə daai a tɛ̨ą, ə yili kəlee hukulɔ diɛ.

Gɛlaɠaa 9:28

Ə həɠə kɛa ɲələ ɓa, Solə ə kɛ di pɔ, yɛ li Ɉerusalɛmə nąą kəlee yɛ gu Ną́mu Jesus mąą mɛ̨nį laa həli a tɛ̨ą.

Korɛntə dɔlɔɔ 1:27

Kɛlaa, hɛn a ɓowo mɛ̨nį yɛnɛ̨ɛ̨ nuą ɲɛ̨i ɓa, ya ɓə Yálá ə ɉəɠə, ə kilikɛɲəi nuą ɲɛ̨i paa la, hɛn vįikpɛɛ yɛnɛ̨ɛ̨ ɲɛ̨i ɓa, ya ɓə Yálá ə ɉəɠə ə, huwalawalalaa ɲɛ̨i paa la.

Korɛntə dɔlɔɔ 14:25

Mɛ̨nįi nooɔ di kwəi pələ, a kulɔ pono ŋą, a pɛlɛ, ə kwɛli hvilɛn Yálá ɓa, ɛlɛɛ, yɛ noloɓo, yɛ kɛ Yálá kaa kpɔ ká lɔwai a neelee.

Korɛntə veelɛ 3:12

Ku ɲɛ̨i kɛɛ mɔ̨ɔ̨ mɛ̨nį taaləi tii tɔwɔ, yili ɓə a ku wɔɔ laa na laa hvaŋą kɛ ɉu.