Gɛlaɠaa 4:1 - Yálá laawoo hɛɓɛ (dc)

¹ Piɛrə da Ɉaan di lɛɛ lɔ pələ ɓoi nuą diɛ, nąąlɔwai, ɉaláá laa həli nuą, da Yálá hee pɛlɛ́ ɲąąwooɓomun, ə mą kɛ da Sadusiɛ̨ɠaa di pa di pɔ.

Yálá laawoo hɛɓɛ

¹ Piɛrə da Ɉaan di lɛɛ lɔ pələ ɓoi nuą diɛ, nąąlɔwai, ɉaláá laa həli nuą, da Yálá hee pɛlɛ́ ɲąąwooɓomun, ə mą kɛ da Sadusiɛ̨ɠaa di pa di pɔ.

Bible

¹ Pitɛ da Zɔ̂ŋ dí kɛ̀ niî lônoi ǹûai pɔ́, zâla láa soŋ-ƃelai da Ŋ̀âla-pɛrɛ kɛ́tɛi mɛi káa ƃelai láa túɛ-nuui, Sâdusii-ŋai dí kùla díŋɛi.

Gɛlaɠaa 4:1 ပူးပေါင်းရင်းမြစ်များ

Maafîu 16:12

Yili pulu di gɔlɔn kɛa diɛ, lɛɠɛ tɛ hɛn vəi Jesus ə kɛ mą. Kɛlaa, Farisiɛ̨ɠaa da Sadusiɛ̨ɠaa di wɔ kalan gɛ pələ ɓə ə kɛ mą.

Maafîu 22:16

Yili pulu, di di wɔ kalan nɛai taɠaa tɔɔ da Herodə yee pɔ nuą taɠaa, ə gɛ, di pa di Jesus mąąni kɛ, diɛ mą: «Mąąkwɛli kɛmun, ku gɔlɔn kuɔ ya tɛ̨ą ɓo, yɛ́ nuą kalan a Yálá liiɓa tɛ̨ą pələ mɛ̨i, hvá ɲɔ̨w nuą di wɔ kiliŋąhiɛ ɓa. Mąąhɔlɔɓo, mɛ̨nį yii nuą da gaa a mɛ̨nį walawala, hvá gaa a mɛ̨nį walawala.

Maafîu 27:20

Ɉaláá laa həli nuą kpɛa-kpɛa nwun nąmįnąɠaa da Ɉuifə kalaɉonŋąą di mo nɔi nuą kəlee diɛ, diɛ diɛ: «Ka gu hvaamą, di ɓo Barabasə ɓa, di Jesus paa.»

Maafîu 27:41

Ɉaláá laa həli nuą kpɛa-kpɛa nwun nąmįnąɠaa da tɔ́n galamɔ̨ɔ̨ɠaa ə mą kɛ Ɉuifə kalaɉonɉaa di kɛi yɛlɛ Jesus ɓa, diɛ kɛ mą:

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Lukə 20:1

Hvóló ta, Jesus ə kɛi nuą kalan Yálá hee pɛlɛ́ mu, yɛ wɛlɛɛ lɛlɛɛ hukulɔ nuą diɛ. Ɉaláá laa həli nuą, tɔ́n galamɔ̨ɔ̨ɠaa da nɔi kalanɉonŋąą di pa.

Lukə 22:4

Ɉudasə ə li ɉala laa həli nuą kpɛa-kpɛa da Yálá hee pɛlɛ́ mɛ̨i kaa nuą pɔ, bələi mąąnɛ̨ɛ̨ ə Jesus too la di yee ŋą, ə bələ lɛ diɛ.

Ɉaan 15:20

Nwoo tii ŋį́ mo kaa, gɛ́ kɛ kaa: Luwɔ hvo kɛnɛ̨ li hvo tɛɛ nąmu ɓa, ka ka kili lɛɛ ɉu. Akɛ yɛnɛ̨ɛ̨ nuą di mɛ́lɛkpɛɛ mą́ą́, di kaa pai ka ɓɛlɛkpɛɛi kaa. Akɛ di nwóó hon, di kaa lɔ pai ka woo hon ɉi.

Ɉaan 18:3

Ɉudasə ə tɔɔ holahi kpulu ɲɛ̨i tɔwɔ da galidəɠaai, ɉaláá laa həli nuą kpɛa-kpɛa da Farisiɛ̨ɠaa ɓə di tɔɔ tii, da diɛni də li nɔw yɛa tii ɓa. Kpalan di ɓo di yəi, labon, ɛlɛɛ, da kwɛli hɛnŋąą.

Gɛlaɠaa 4:6

Nuą kpɔ kɛ laa diɛ ɓaa kɛ a: Ɉaláá laa həli mun gɛnɛ̨ Hanə, Kaifə, Ɉaan, Alɛsandrə, da ɉaláá laa həli mun gɛnɛ̨ yəi bɛlɛ́n nuą kəlee.

Gɛlaɠaa 5:17

Ɉaláá laa həli mun gɛnɛ̨ da ɲee pɔ nuą; diɛ ɓaa: Sadusiɛ̨ɠaa, ɓɛlɔwai di yili kaa la ti, di líí ə holi kpɔ kɛnɛ̨ gɛlaɠaa pɔ.

Gɛlaɠaa 5:24

Ɓɛlɔwai di nwoo hukulɔi ti kɛ la, Yálá hee pɛlɛ́ ɲąąwooɓo nuą da ɉaláá laa həli nuą kpɛa-kpɛa diɛ, di kwəi ə pili diɛ, yii kɛ di mo gɛlaɠaa mąą mɛ̨nį hu, di hvo kɛ gɔlɔn. Di kɛi di kee mąąni kɛ, diɛ kɛ mą: Di gɛ pələ kɛ ləi diɛ kulɔ?

Gɛlaɠaa 5:26

Nąąlɔwai, Yálá hee pɛlɛ́ ɲąąwooɓomun ə həɠə yɛ li da ɲee pɔ nuą, ə gɛ, di gɛlaɠaa hon di pa a diɛ. Kɛlaa, di ho di yagalanmo. Mąąhɔlɔɓo, di kɛi ɲɔw, ə gɛ, di hvo nəi pa di hɔɔ a kwɛni.

Gɛlaɠaa 6:12

Bələ ɓə di lɔ la nuą hu, da galanɉonŋąa ə mą kɛ tɔ́n galamɔ̨ɔ̨ɠaa. Di Etiɛnə hon də li la tɔ́n vili nąmįną lííla.

Gɛlaɠaa 6:7

Yálá lawoo ə kɛi taɠa kɛɛnąą kəlee, kalan nɛa kpulu hu yɛ kɛnɛ̨ Ɉerusalɛmə, ɛlɛɛ, ɉaláá laa həli nuą tamąą diɛ di yee hee Jesus mąą mɛ̨nį mu.