Gɛlaɠaa 3:24 - Yálá laawoo hɛɓɛ (dc)

²⁴ Yili pulu, ə gɔwɔ tɔɔ Samuɛlə ɓa, yɛ li la Yálá kwəi mɛ̨nį hukulɔ nuą yiiɠaa ti diɛ, di kəlee, volói ŋɛ̨i ɓə di kɛi mąą mɛ̨nį ɓo.

Yálá laawoo hɛɓɛ

²⁴ Yili pulu, ə gɔwɔ tɔɔ Samuɛlə ɓa, yɛ li la Yálá kwəi mɛ̨nį hukulɔ nuą yiiɠaa ti diɛ, di kəlee, volói ŋɛ̨i ɓə di kɛi mąą mɛ̨nį ɓo.

Bible

²⁴ Ɣâla ŋɔlóno kɛ́-ƃelai kélee, é síɣe Samia ma é tóo diai dîa lɛ̀ɛ bôlui, dí lòno é pîlaŋ ŋ̀ele-ŋai ŋí dîa.

Gɛlaɠaa 3:24 ပူးပေါင်းရင်းမြစ်များ

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Gɛlaɠaa 13:20

kwɛlan nwun nąąn ɲee lɔɔli ɲee mu mɛ̨nįɠaa ka tii. Yili pulu ɓə ə nɔi mąąkɔ̨nwɔ̨ nuą həɠə la ɉu ə dɛɛ di ku kalaɓɔlɔni pɔ, ə lɛɛ ɉu ə həli la Yálá kwəi mɛ̨nį hukulɔ mun Samuɛlə nwɔ yələi ɓa.

Gɛlaɠaa 17:3

Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Gɛlaɠaa 26:23

Di mo diɛ: Nwun mąąɓomun Yálá ə naakwɛlanmo, gaa pai mɔ̨nɔ̨ mįi, ə haa, ə nwun, ə kɛ a nu tɔlɔɔ yɛ kulɔ haaɓɛlaa lɔwai, ya ɓə pai kɛɛ pono laa həlii nɔi lonnii da huwu takpɛliɠaa diɛ.»

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Gɛlaɠaa 3:21

Hvo kɛli yələkɔlɔn ə gbɛa ɲee hee mu, ə lɛɛ ɉu, mɛ̨nįɠaai wɔlɔ Yálá ə bu gwəi mɛ̨nį hukulɔ nuą mąąhəɠɛɛɠaa la, diɛ mo, gəlee ə pu nįnɛ̨ kɔlɔi.

Lomaŋ 3:21

Kɛlaa, yiihu kɛa, bələi mąąnɛ̨ɛ̨ gu kɛ la Yálá ɲɛ̨i ɓa a tələnmo nuą, dɔ́n naa hva kɛ ɉu, aa bələ lɛ guɔ. Yálá nwɔ tɔ́n Ɉɛɓɛ́ da Yálá kwəi mɛ̨nį hukulɔ nuą di mąą kɛla hvaaɓo ɓo, diɛ kɛ:

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Samuɛlə dɔlɔɔ 3:1

Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.

Samuɛlə dɔlɔɔ 3:20

Israɛlə nuą kəlee di gili kɔ́lɔn diɛ Samuɛlə kaa a Yai-Laa kwəi mɛ̨nį hukulɔ mun neelee, ə həɠə nɔi wəlin na Dan, ə həli nɔi wəlin na ɓɛ li pələ Beɛrə-Seva ɓa.