Gɛlaɠaa 3:12 - Yálá laawoo hɛɓɛ (dc)

¹² Nąą kaai Piɛrə ə mo, ə mo nu kpului ti ɓa, yɛ diɛ: «Israɛlə nuą, lə ɓə kɛ yai ka ɲɛ̨i kpanwoɔ lɔ kuɔ hįį, yɛ kuɔ ɓə kwa gɛ nui ŋɛ̨i yɛ hiɛ; ká ɲɛ̨i kpawoɔi lɔ kuɔ yɛ ku hvaŋą awala kɛ tii, ku wɔ Yálá mɛ̨nį kɛ pələ ɓə a gɛ, nui ŋɛ̨i yɛ hiɛ?

Yálá laawoo hɛɓɛ

¹² Nąą kaai Piɛrə ə mo, ə mo nu kpului ti ɓa, yɛ diɛ: «Israɛlə nuą, lə ɓə kɛ yai ka ɲɛ̨i kpanwoɔ lɔ kuɔ hįį, yɛ kuɔ ɓə kwa gɛ nui ŋɛ̨i yɛ hiɛ; ká ɲɛ̨i kpawoɔi lɔ kuɔ yɛ ku hvaŋą awala kɛ tii, ku wɔ Yálá mɛ̨nį kɛ pələ ɓə a gɛ, nui ŋɛ̨i yɛ hiɛ?

Bible

¹² Pitɛ kɛ́ɛ a nàa kâai, è lòno ǹûai pɔ́, ǹyɛɛi, “Eezuɛ-ƃela kála kpâlai kâa a nyíŋi lé mɛni ma? Kpaa máŋ, ka káŋuŋ maa lâai kûa lé mɛni ma, yɛ̂ɛ ǹyaa ƃé kú gɛ̀ é sía a kúkpɔɔi wála-walai kpaa máŋ a kúkpɔɔi maa-waa-laai?

Gɛlaɠaa 3:12 ပူးပေါင်းရင်းမြစ်များ

Zɛnɛse 40:8

Diɛ mą: «Kwaa hįį kaa, nu hvo ku yəi, ə mukulɔ kuɔ.» Ɉosɛfə yɛ diɛ: «Kɛlɛi Yálá ɓə mɛ̨nį kəlee mukulaa kɔ́lɔn! 'Ka ɉukulɔ mą́ą́.»

Zɛnɛse 41:16

Ɉosɛfə yɛ tɔɔmu ma: «Nwɔ́ tɔɔmun, ɲą́ą́ hvəi ŋą pɛli mą. Yálá ɓə a pɛli ə hįi woo mukulaa lɛlɛɛ tɛɛ ə́ pɔ.»

Ɉaan 7:18

Nui a gbɔwɔ woo ɓo, a gbɔwɔ nwɔ mąąwiɛ kwɛli. Kɛlaa, nui a dímun nwɔ mąąwiɛ kwɛli, tɛ̨ą ɓomun, hva wɛa túwɔ́ ɓo.

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Gɛlaɠaa 3:11

Yɛ bələi ɉulɔnui ti hvo kɛi kɛa həɠə la Piɛrə da Ɉaan di pului, nuą kəlee kwəi piliɛ diɛ, di kpulun diɛ pa Piɛrə da Ɉaan di pɔ, ɓɛi da kɛ nąą laa ɓaa: Salomɔn yəi ɲįmąn mu.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Lomaŋ 11:1

Gɛ́ mą: Akɛti Yálá aa lənə mɔ̨ɔ̨ nwɔ nuąi diɛ? Kpaa-o! Hvo lənə li diɛ. Mąąhɔlɔɓo, ɲą́ą́ kpinįlee gaa a Israɛlə mun da Abrahamə huwu hu mun, ŋą́ kulɔ Bɛnɉamɛn yəi bɛlɛ́n.

Lomaŋ 9:4

Diɛi a Israɛlə lonnii, Yálá ə di kɛ a ŋą ɲąąkɔn-nonnii ə di mąąɲįnɛ̨n gɛ diɛ, da diɛni di mįnɛ̨ həɠə, ə tɔ́n dɛɛ di pɔ, da ɉalaa kulɔ pələ, ɛlɛɛ, ə mɛ̨nįɠaa laakwɛlanmo diɛ

Korɛntə veelɛ 3:5

Ə kɛ ŋɛ̨i kwa pɛli lɛɛi ku kpɔwɔ ɓa, ku kpɔwɔ hvan ɉu, kuɔ pɛli mɛ̨nį lɔpee ta kɛi, yili hvəə, ku hvaŋą a həɠə Yálá yəi.

M̀ɛni-lɛɛi 7:13

Galanɉonŋaa tii tɔ̨nɔ̨, ə bə́lə́ həɠə, yɛ mą́ą́: «Nuą tii di mąą yiliɛ a ɉəɠə kwɛaa kwɛlɛɛi, gbɛɛ nuą li, ɛlɛɛ, di həɠə mį?»