Gɛlaɠaa 28:8 - Yálá laawoo hɛɓɛ (dc)

⁸ Publiusə nąn ə kɛ ɲɔ̨n ɉaɠa ɓa, ɓahiwəlaa ə kɛ mą, da himangban gwəi kulɔ. Polə ə lɛɠɛ mą, ə Yálá hvɛli mą, ə ɲee pɛlɛ mɛ̨i, gɔlɔi ə pono.

Yálá laawoo hɛɓɛ

⁸ Publiusə nąn ə kɛ ɲɔ̨n ɉaɠa ɓa, ɓahiwəlaa ə kɛ mą, da himangban gwəi kulɔ. Polə ə lɛɠɛ mą, ə Yálá hvɛli mą, ə ɲee pɛlɛ mɛ̨i, gɔlɔi ə pono.

Bible

⁸ È kɛ̀ a sɛŋ Pɔbiliyɔ ǹâŋ è kɛ̀ kɔ́lɛ̂i. Gɔlɔ è kɛ̀ a vãa ma, ŋãa-kpaŋ kɛ́ ƃo ma. Nya ƃe Pɔ̂ɔ è lì nàa kâai, e Ɣâla fɛli mɛi, e ǹyée pɛlɛ ma e m̀alo.

Gɛlaɠaa 28:8 ပူးပေါင်းရင်းမြစ်များ

Maafîu 10:1

Jesus ə nwɔ kalan nɛa pow-kɔw-hveelɛi təli, ə ɲį́nɛ̨n gbɛ huwalawala tɛɛ di pɔ, da ɲɔ̨n ɉuwu kəlee kpɛɛ mɛ̨nį nuą diɛ, ə mą kɛ nuąi kpɛɠii kaa diɛ.

Maafîu 10:8

'Ka li, ka ɲɔ̨n gɛ nuą kəlee kɔ́lɔi pono, 'ka haa nuą nwun, ka hvólóɲɔ̨n gɛ nuą kɔ́lɔi pono, ka di mąą həɠə, ka ɲį́nɛ̨nŋąą kpɛ nuą pulu. Bələi ka ɉɔlɔɓo la a mɛ̨inɛ̨ɛ̨, 'ka dɛɛ tii a mɛ̨inɛ̨ɛ̨.

Maafîu 12:13

Nąąlɔwai, Jesus ə mo ɉulɔnu tii ɓa, yɛ mą: «Ə́ yee haŋą.» Ə ɲee haŋą; ɲee ŋąą ə pɛli yɛ bələi dɔ̨nɔ̨ ə kɛ la.

Maafîu 9:18

Ɓɛlɔwai Jesus ə kɛi mɛ̨nįɠaa tii ɓo la diɛ, Ɉuifə kalanɉon da ə pa, ə pɛlɛ gɔɠɔ mu, yɛ mą: «Nón nɛ̨ɛ̨nu a haa, kpɔlɔ yiihu, gɛ́, ə́ pa ə́ ə́ yee pɛlɛ mą, ə ɓalo.»

Markə 16:18

Di kaa pai kɛi kaaləɠaa hon ɉi a di yee, ə mą kɛ daa pili mąą hɛn da kpələ, hva hɛn da kɛ a diɛ; da di yee laa ɲɔ̨n gɛ nuą mɛ̨i, di kɔ́lɔi a pono.»

Markə 5:23

Ə nɛ̨ɛ̨mąą hvə mą yɛ mą: «Gɛ́ ə́ pa ə́í yee pɛlɛ mɛ̨i, ə gɛ, gɔlɔi ə pono ə yɛnɛ̨ɛ̨ kɛ.»

Markə 6:5

Jesus hvo kɛa pɛli kpalo mɛ̨nį kɛ laa, hvo kɛli lɔ nwɔn gɛ nuą tii ə ɲee pɛlɛ di mɛ̨i, ə di kɔ́lɔi pono.

Markə 7:32

Di pa bɔ a hulɔnu ta nwəli tinɛ̨ɛ̨, ə lɛɛ, hvo kɛi hvaa. Di nɛ̨ɛ̨mąą hvə mą diɛ mą: «Ə yee pɛlɛ mą.»

Lukə 13:13

Jesus ə ɲee tunwɔ̨n nɛ̨ɛ̨nui tii ɓa, ŋąą ɓa, nɛ̨ɛ̨nui tii ə haŋą ə tɔɔ, yɛ Yálá hɛɠɛɛɓo.

Lukə 4:40

Hvóló kɔ́w toɔ pulu, nuąi kpɔ ɲɔ̨n gɛ nuą di kɛ di yəi, di kɛi pa a diɛ Jesus pɔ, Jesus ə kɛi ɲee laa di mɛ̨i, di kɔ́lɔi yɛ pono.

Gɛlaɠaa 28:7

Kɛɛnąą ta ə kɛ nąą kwɛlɛ, a nɔi ti nąmu nwɔ lɔi; nui ti laa ɓa kɛ a Publiusə. Ə ku nwɛ̨ąlaa kɛ kpɔ a gwəinɛ̨ɛ̨, ku hvoló haaɓa kɛ gɔwɔ mɛ̨i.

Gɛlaɠaa 28:9

Nąą kaai nɔi ti hu ɲɔ̨n gɛ nuą di mo, diɛ kpɛli, di kɛli pa, ɛlɛɛ, yɛ di ɓalo.

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Korɛntə dɔlɔɔ 12:28

Nuąi Yálá ə di hee gbɔn nwun na, dɔlɔɔɠaa ɓaa: Gɛlaɠaa, a həɠə laa: Gwəi mɛ̨nį hukulɔ nuą, da həɠə laa: Nuąi di ɓɛlaa mąąkwɛli mɛ̨nį kaa di nwuɔ̨, yili a hələ laa: Kpalo mɛ̨nį kɛ nuą, ɓalo ɓo kɛ nuą, nuąi da kpɔnmąą tɛɛ di ɓɛlaa pɔ, ɲɛ̨i tɔwɔ nuą, da hįiwoo ɓo nuą

Korɛntə dɔlɔɔ 12:9

Kili tanɔ̨n tii lɔ ɓə, a laa na laa tɛɛ nu taɠaa pɔ, Kili tanɔ̨n lɔ ɓə nwɔ̨nɔ̨ a nu ɓalo mɛ̨nį mąą laa tɛɛ nu taɠaa pɔ;