Gɛlaɠaa 28:28 - Yálá laawoo hɛɓɛ (dc)

²⁸ «Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Yálá laawoo hɛɓɛ

²⁸ «Ká kili ə pu kani ɉu káá, huwu takpɛliɠaa ɓə Yálá nwɔ ɓalo mɛ̨nįi tii aa tɛɛ di pɔ, diɛn di kaa pai di wəli tɔɔi mą.»

Bible

²⁸ “Mɛni ma é kɛ́ a kákɔlɔŋ mɛni a gɛ́ɛ da Ɣâla ŋɔƃálo-laai ŋí tɛ́ɛ Zɛ̃tai-ŋai pɔ; da pâi díwoli tɔɔ̂i ma.” [

Gɛlaɠaa 28:28 ပူးပေါင်းရင်းမြစ်များ

Azaya 49:6

Yɛ mą́ą́: «Ə́ kɛ mɛ̨nį ɲə́i a nwɔ́ tímun, yɛ́ Ɉakɔbə huwu muhəɠə, yɛ́ pənə, yɛ́ pa a Israɛlə huwu kpəli, yili kolɔɔ ɓə, Ŋą́ą́ nwɔ̨nɔ̨ ə́ kɛ a huwu takpɛliɠaa di wɔ kɛɛ pɔ̨nɔ̨, lɔi kpɛlai kəlee yɛ nwɔ́ ɓalo mɛ̨nįi hɔlɔɓo ə́ yə́i.»

Azaya 52:10

Yai-Laa kaa nwɔ huwalawala mąąhəɠɛɛi kulɔi pɔ̨nɔ̨ ŋą lɔi kəlee ɲɛ̨i ɓa, lɔi wəlin na kəlee kaa pai Yálá nwɔ ɓalo mɛ̨nį kaai.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Izikiɛ 36:32

Ka mąą mɛ̨nį hvo gáá gɛi la, mąąnɛ̨ɛ̨ ka kili ə kɛ tii ɉu. Mɛ̨nį kəlee ŋą Hééɓomun Yálá woo li. Ka nwumɛ̨, mąąnɛ̨ɛ̨ ka nwumɛ̨ ka túwɔ pələ mąą mɛ̨nį hu, Israɛlə nwɔ pɛlɛ́i!

Lukə 3:6

Yálá nwɔ nwun mąąɓo laa yii aa dɛɛ, nu kəlee kaa pai gaai.»

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 13:38

Ną́n nonnii, ká kili ə pu kani ɉu káá, Jesus ti háálai ɓə nɛ̨ŋɛ̨n mąąhvaalɛɛ mɛ̨nį laa aa həli la káá, da dələnmolaa ti ká hvo pɛli ɉɔlɔɓoi Moisə nwɔ tɔ́n hu.

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 15:14

Bələi Yálá ə tɔɔ la a nwąnąi, yɛ nuą hɔlɔɓo huwu takpɛliɠaa lɔwai a gɔwɔ tɔɔ yələ, Simɔn aa gəlee hu hukulɔ guɔ.

Gɛlaɠaa 15:17

Ə həɠə ɲələ ɓa, nuą kəlee da gu Ną́mu Yálá kwɛli da nɔiɠaa kpɔ tii Náá kaa diɛ. Mɛ̨nįi gu Nąmu Yálá kaa moi ya ka tii, gwəi kiliɠaa ka ti gaa di pɔ mɛ̨nį kɛi.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 2:14

Piɛrə ə muhəɠə ə tɔɔ da mɛlaa pow kɔ́w tanɔ̨n ti, ə mo kpɔ a nwoo kɛnɛ̨ yɛ diɛ: «Káái ɓaa Ɉuifəɠaa, da nuąi di kaa ɓɛ Ɉerusalɛmə, ka ka wəli tɔɔ nwóó ɓa a nɛlɛɛ.

Gɛlaɠaa 22:21

Kɛlaa, yɛ mą́ą́: ‹'Li! Gáá ə́ tɔɔi kpɔ kwɛaala nuąi di hvo a Ɉuifəɠaa di pɔɔli.›»

Gɛlaɠaa 28:29

Ɓɛlɔwai Polə ə nwooɠaa ti ɓo la, Ɉuifəɠaa ti di kɛli li, diɛ hɛatoo di kee lɔwai a di nwąnąi.

Gɛlaɠaa 4:10

mąąnɛ̨ɛ̨ ka kəlee ka gbaɠala kaa, ə mą kɛ, Israɛlə nuą kəlee, kaa kɛ: Jesus Kristə Nazarɛtə mun ti ka gbanwo kolɔwa ɓa, yai Yálá ə gulɔ haaɓɛlaa lɔwai ə gɛ a vulú, naa hu ɓə ɉulɔnui ŋɛ̨i kaa la tɔɔni ka lííla a gɔlɔi ponoɔ̨.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Lomaŋ 11:11

Gáá ka mąąni kɛi; tooi Ɉuifəɠaa di mo, di lɛɛ lɔ kɛa laa tooni? Gɛ́ káá kpaa-o! Kɛlaa, di wɔ hɔn ɲɔ̨n mąą mɛ̨nį ɓa, huwu takpɛliɠaa daa ɓalo mɛ̨nį hɔlɔɓo; yili aa tolo lɔ Ɉuifəɠaa hu.

Lomaŋ 4:11

Yili pulu ɓə di kɛnɛ̨ mɛ̨nį kɛ la, a nwɔ laa na laa kɔlɔn ɉɛn tələnmolaa hu, ɓɛlɔwai ə kɛ ni la a kɛnɛ̨ kpolowa. Yili ɓə gɛ a, laa na laa nuąi di hvo hee li kɛnɛ̨ ɓa, di kalaɓɔlɔ, əgɛ, di pɛli kɛi a tələnmo nuą.