Gɛlaɠaa 28:15 - Yálá laawoo hɛɓɛ (dc)

¹⁵ Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.

Yálá laawoo hɛɓɛ

¹⁵ Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.

Bible

¹⁵ Tãi kúƃarâa kɛ̀ Luŋ dí kúmaa-mɛni mɛni lai, dí pà kúperêi tɔɔ̂i é lɛ́ɛ la zu dí seri Apiiɔ Lɔɔ-kpalaŋ da Ŋɔ̃yâ Laa-pɛrɛ Saaƃa. Díkaa Pɔ̂ɔ mii, e Ɣâla sɛɣɛi fè ǹíi e kpele.

Gɛlaɠaa 28:15 ပူးပေါင်းရင်းမြစ်များ

Mąątɛ̨nɛ̨ 27:14

Yai-Laa mąąkpɔn, 'ə́i hvaŋąlɔ, ə́ ə́ liikpələ, 'Yai-Laa mąąkpɔn.

Lɛɛ gbɔwɔ ɓa 4:14

Yai-Laa lii ə holi Moisə pɔ, yɛ mą: «Kɛlɛi ə́ liɛ Aarɔn kaa laa-e, yai ŋɛ̨i a Levi? Gíli kaa ɉu gɛ́ naa kpan ɉu teei. Aarɔn kaa hɔlɔɔmun bələ ɓa yɛ pa ə́ laakwiɛn ɉii; a pa ə́ kaai, gwəi kaa pai nɛ̨ɛ̨i.

Ɉaan 12:13

Di gwala laaɠaa tee diɛ paa la Jesus laa kwiɛn ɉi, diɛ kɛ mą: «Hosana! Mąąwiɛ kɛ gu Nąmu ɓa, yai pai Ną́mu Yálá laa hu, Israɛlə tɔɔmun li.»

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 10:23

Piɛrə ə di lɔ bɛlɛ́n, ə di nwɛ̨ąlaa kɛ. Mąą yələ laaɓoɔ, da diɛni di bələ həɠə diɛ li, Ɉope kalan nɛa taɠaa di lɛɛ Piɛrə pulu da diɛni də li.

Gɛlaɠaa 10:25

Piɛrə kɛɛ pai, Kɔrnɛyɛ ə pa, ə nɛ̨nɛ̨ɓo, ə pu nwungbəla, a mąąwiɛ pələ.

Gɛlaɠaa 11:1

Gɛlaɠaa da nąn nonnii yiiɠaai kɛ heeni Ɉude lɔi hu, di mɛ̨n diɛ huwu takpɛliɠaa daa di yee hee Yálá lawoo mu.

Gɛlaɠaa 11:12

Kili-Mąąhəɠɛɛ yɛ mą́ą́: 'Ka diɛni ka lí, ɲįnɛ̨n-ɲįnɛ̨n və kɛ ə́ hu. Ną́n nonnii mɛ̨idai lɛɛ bɔ́ kwa diɛni kuɔ pa ɓɛ, kwa diɛni lɔ ɓə li Sesare, kwa diɛni kəlee ku lɔ nu kpɔ, ɲəi bɛlɛ́n.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Gɛlaɠaa 21:5

Nɔwɔ tɔ̨nɔ̨i ti tɛɛ pulu, ku kuɔ hiɛi kɔ́wɔ tɔɔ, galan nɛai ti da di nɛ̨ąni ə lɛɛ da di lonnii, di pa di ku tɔɔ pələi daa kpala. Kwa diɛni ku pu ku kpəlin na laa ɲá kwɛlɛ, ku Yálá hvɛli.

Gɛlaɠaa 28:14

Daai ti hu, ku ku nąn nonnii taɠaa kaa laa, diɛ kɛ ku lɔwɔ tɔ̨nɔ̨ kɛ di kɔwɔ mɛ̨i. Bələ ɓə ku həli la Romə.

Lomaŋ 15:24

Ŋą́ kɛli pa lii Ɛspaɲə lɔi hu, gáá pai həli ka pɔɔli. Ŋą́ kɛi tɛɛ gɛ́ li, gáá bɔ ŋą pa ŋį́ ɲɛ̨́i tɔɔ kaa, ə lɛɛ ŋį́ ka wɔ kpɔnmąą hɛn ɉɔlɔɓo gɛ́ li la nɔi ti hu, akɛ gwa kaa ni gwa lɔwai tawolo kɛ gu kee ɓa.

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Galatə 4:14

Ɛlɛɛ, gbínį ə kɛ kpɔ a hɛn mąąɲɔwɔ, yili hvo ká mąąɲɔw li, hvo ɲįnɛ̨-ɲįnɛ̨n doo li ká hu, kɛlaa káámun, ká ká yee hee mú, yɛ Yálá ŋą malaka ta, yɛ Jesus Kristə.

Tɛsalonikə dɔlɔɔ 3:7

Yili ɓa tii, ną́n nonnii, kwaa liilaa hɔlɔɓo ká mąą mɛ̨nį hu, ku wɔɔ liihɛlɛnŋaa da ku wɔɔ mɔ̨nɔ̨ɠaa hu, ká wɔ laa na laa háálai.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Zasua 1:9

Kɛlaa ŋą́ą́ mą́ą́ pamą la yɛ́-ee! Ə́ liikpələ, ə́ ə́ huwalawala, 'ə́ mąą hvo kpɛlin, 'hvó ɲɔw; mąąhɔlɔɓo Yai-Laa ə́ wɔ Yálá kaa pai kɛi ə́ pɔ ɓɛi lɔpee yá li laa.»

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.