Gɛlaɠaa 28:14 - Yálá laawoo hɛɓɛ (dc)

¹⁴ Daai ti hu, ku ku nąn nonnii taɠaa kaa laa, diɛ kɛ ku lɔwɔ tɔ̨nɔ̨ kɛ di kɔwɔ mɛ̨i. Bələ ɓə ku həli la Romə.

Yálá laawoo hɛɓɛ

¹⁴ Daai ti hu, ku ku nąn nonnii taɠaa kaa laa, diɛ kɛ ku lɔwɔ tɔ̨nɔ̨ kɛ di kɔwɔ mɛ̨i. Bələ ɓə ku həli la Romə.

Bible

¹⁴ Nàa ƃe ku kúƃarâa kâa naa, dí kúmarê kɛ́ a gɛ́ɛ kwa dîa-ni ku ɣele lɔ́ɔlu mɛi feerɛ kɛ́ naa. E nàa kɛ̀ ti ku Luŋ-perei siɣe.

Gɛlaɠaa 28:14 ပူးပေါင်းရင်းမြစ်များ

Zɛnɛse 7:4

Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Mąątɛ̨nɛ̨ 119:63

Nuąi kpɔ da ɲɔw yɛ́, kwa diɛni ɓə ku tɔɔ, a diɛi tii da kɛ ə́ wɔ tiɓoɠaai hon ɉii.

Maafîu 10:11

«Taa lɔpee ka tɛ ɉu, ə kɛ a taa kɛnɛ̨, ə kɛ a taa logolo, ka li, nui a ɲee hee ka mu, ka lɛɛ mąą nu pɔɔli, ə lɛɛ ɉu ka pulu pənəi lɔwai.

Ɉaan 21:23

Nwoo tii ɓə galan nɛa di daɠa-taɠa di kee lɔwai, diɛ kɛ mą: Jesus yɛ galan non tii hvo pai haai. Yaan, hvo kɛ kɛ li Piɛrə ɓa: «Galan non tii hvo pai haai.» Kɛlaa, yaamun, ə kɛ mą: «Akɛ ŋą́ kɛ bɔ ə lɛɛ yɛnɛ̨ɛ̨ ə lɛɛ ɉu ŋį́ pənə ŋį́ pa, ə́ wɔ lə mɛ̨nį ɓə ɉu?»

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 19:1

Ɓɛlɔwai Apɔlɔsə ə kɛ la Korɛntə daai, nąąlɔwai ɓə Polə ə paa la Efɛsə, yɛ həɠə ɲá nwuɔ̨ lɔi hu pələ. Lii ə mo, ə kalan nɛa taɠaa kaa laa.

Gɛlaɠaa 20:6

Ku wɛi, ku həɠə Filipə daai kələn ɉu, nɛɠɛi dɛ-hɛn və ɉu mąą hɛli puɔ pulu, ɛlɛɛ, hvoló lɔɔli kulaa ɉu, ku həli diɛ Troasə, ku lɔwɔ́ tɔ̨nɔ̨ kɛ laa.

Gɛlaɠaa 21:4

Ku laa na nuą kaa laa daai, kwa diɛni ku lɔwɔ tɔ̨nɔ̨ kɛ ku kee ɓa. Yálá ə nuą tii kili ɲa pono, di mo Polə ɓa diɛ mą: 'Hvó kɛ ə́ kaa lii Ɉerusalɛmə.

Gɛlaɠaa 28:13

Ku həɠə laa, ku lɛɛ gahin goo ɓa, ku həli Rezio, mąą yələ laa ɓoɔ, vaŋą ə həɠə ɉɛɠɛɛ pələ, ə hee gələn ɉu, hvóló hveelɛ kulaa ɉu, ku həli Puzolɛsə.

Gɛlaɠaa 28:15

Ku nąn nonnii kɛ daa ti hu, di ku pa mɛ̨nį bələ mɛ̨n, di pa ku laakwiɛn ɉii Apiusə nɔwɔ-kpalan ŋą, di pa kpɔ di həli nwɛ̨ą laa pɛlɛ́ haaɓai nąą; di kaai ə mo, Polə ə Yálá hɛɠɛɛɓo, yili ə nįilɔ.

Gɛlaɠaa 28:21

Diɛ mą: «Ku wɛi, ku hvo hɛɓɛ́i lɔpee ta hɔlɔɓo li, yɛ həɠə Ɉude, ə́ mąą mɛ̨nį ɓa; ɛlɛɛ nwɔ̨nɔ̨, gu nąn nonnii ta lɔpee hvo ə́ mąą mɛ̨nį ta ɓo li kuɔ, di hvo nwɔ̨nɔ̨ ə́ mąą mɛ̨nį ɲɔ̨nwɔ̨ɔ̨ ta hukulɔ li kuɔ.

Gɛlaɠaa 6:3

Yili ɓa, Nán nonnii, ka nu mɛ̨ihveelɛ həɠə ka lɔwai a nuąi Kili-Mąąhəɠɛɛ kaa di yəi, mɛ̨nį hukpɛ kili ə ɓo diɛ, ə gɛ, ku gɔ̨nɔ̨n ŋąąkwɛlɛ kolói ŋɛ̨i tɛɛ di pɔ.

Gɛlaɠaa 9:30

Nąn nonnii di gbaɠala kaa, di ɉəɠə, də li la Sesare, ɛlɛɛ, di dɛɛ Tarsə.

Lomaŋ 1:13

Nąn nonnii, gáá bɔ ka gɔlɔn kaa diɛ: ŋį́ kɛ kpɔlɔɔ ka pɔɔli kiliŋąhiɛ kɛi a yələ kəlee. Kɛlaa, mɛ̨nįɠaa da kɛ kpɔlɔɔ kpɛ̨ąn ɉii ɉu. Ŋą́ kɛ bɔ gɛ́ kólo dɔlɔ ə kɛ mą ka yəi, kaai ka hvo a Ɉuifəɠaa, yɛ bələi gaa kɛi la huwu takpɛliɠaa pɔɔli.