Gɛlaɠaa 26:9 - Yálá laawoo hɛɓɛ (dc)

⁹ «Ɲą́ą́ nwɛ́i, ə kɛ kpɔ gwə́i, gɛ́ kɛ, mąąnɛ̨ɛ̨ kɛ, ŋį́ kɔ́ pɛlɛ Jesus Nazarɛtə mun laa ɓa, a pələ huwu lɔpee gəlee.

Yálá laawoo hɛɓɛ

⁹ «Ɲą́ą́ nwɛ́i, ə kɛ kpɔ gwə́i, gɛ́ kɛ, mąąnɛ̨ɛ̨ kɛ, ŋį́ kɔ́ pɛlɛ Jesus Nazarɛtə mun laa ɓa, a pələ huwu lɔpee gəlee.

Bible

⁹ “Ńyãa kpîŋ ŋá gɔ̀lɔŋ a gɛ́ɛ fɛ̂ɛ kɛ̀ ŋa mɛni nyɔ́mɔɔ támaa kɛ́ Nâzarɛ Zisɛi láai kara-mɛni ma.

Gɛlaɠaa 26:9 ပူးပေါင်းရင်းမြစ်များ

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Gɛlaɠaa 21:13

Kɛlaa, ə ku woo ŋąapənə yɛ kuɔ: «Lə mɛ̨nį ɓa ka káá wɔlɔi, káá níi yali gwə́i? Ɉɛ̨́ą yiliɛi, di ɲíli, ə mą kɛ di báá Ɉerusalɛmə gu Ną́mu Jesus laa mąą mɛ̨nį ba.»

Gɛlaɠaa 22:3

«Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Gɛlaɠaa 22:4

Nuąi kɛ di hvilɛnŋąą kɛ bələi mɛ̨i, ŋį́ kɛli di mɔ̨nɔ̨ɓo, gɛ́ daɠaa paa, ŋį́ kɛli hinąą da nɛ̨ąą di pu yɛli ɓa, gɛ́ di too gaho ŋą.

Gɛlaɠaa 22:8

Ŋą́ mąnįn gɛ, gɛ ma: ‹Ŋą́ mɛ̨nį Nąmu, gbɛɛ ɓaa yɛ?› Nwooi ti ə pənə yɛ mą́ą́: ‹Ɲą́ą́ Jesus Nazarɛtə mun ga ti, ə́ kaa mɔ̨nɔ̨ɓoi.›

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Gɛlaɠaa 3:17

«Kɛlaa yaamun, nąn nonnii, gílí kaa ɉu gɛ́ ká tuwɔ́ tii, ká tɛɠii, ə mą kɛ ka ɲɛ̨itɔwɔ nuą.

Gɛlaɠaa 3:6

Piɛrə ə mo kɛa mą, yɛ mą: «Wali hvo ɲə́i, hɛni hvo ɲə́i, kɛlaa, yii gaa ɲə́i, gáá dɛɛi ə́ pɔ. Ya ɓaa: Jesus Kristə Nazarɛtə mun naa hu, ə́ muhəɠə, ə́ hiɛ!»

Gɛlaɠaa 9:1

Solə yee ə kɛ lɔ gu Ną́mu nwɔ kalan nɛai hu taɠa mɛ̨nį, da di paa mɛ̨nį hu. Ə li,

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Lomaŋ 10:2

Mąąhɔlɔɓo, ŋą́ pɛli ŋą́ mąą kɛla hvaaɓo gɛ́ diɛ: Yálá mɛ̨nį kɛ kwəinɛ̨ɛ̨ kaa di hu; kɛlaa, di wɔ kwəinɛ̨ɛ̨i ti, mɛ̨nį kɔ́lɔn ŋąą, hvo ɉu pono li di yəi.

Filipə 3:6

Yii hvilɛn na dɔ́n mąąkɔ̨nwɔ̨ mɛ̨nį ɓa, ŋį́ kɛi Kristə nwɔ nu kpului ɓɛlɛkpɛɛ diɛ, yii hvilɛn na dɔ́n ɉan haaɓa, hɔn və kɛ mą́ą́.

Timote dɔlɔɔ 1:13

a ɲą́ą́i wɔlɔ kɛi nalan, gɛ́ ŋą nuą mɔ̨nɔ̨ɓo, ɛlɛɛ, nwą́nąlɔɔ. Kɛlaa, Ə ɲɛ̨́imąąwɛli kaa, mąąhɔlɔɓo, ŋą́ kɛi gɛ dɛ́ɠii, laa na laa hvo kɛ ɲə́i.

Nwun mąąɓo 6:30

Nuą dəli kɛa, diɛ Yoasə ɓa: «Pa a ə́ lon Zedeɔn, ku baa, mąąhɔlɔɓo, aa Baalə nwɔ haláá kulɔi wolo, nwului kɛ nąą kwɛlɛ, kuɔ gɔ́, aa gulɔ aa ɉu tee.»