Gɛlaɠaa 26:7 - Yálá laawoo hɛɓɛ (dc)

⁷ a mɛ̨nįi tii ku huwu heei pow kɔ́w hveelɛi kilitɔɔi ɉəli mɛ̨nį ɓa, di yee ə ɓo mą a hvaŋąlɔ, a yələ kəlee, diɛ kwɛli hvilɛn na Yálá ɓa; gílitɔɔi mɔ̨ɔ̨ mɛ̨nįi ti ɓa, tɔɔmun, ya ɓə gɛi, Ɉuifəɠaa diɛ gálamąɓo la.

Yálá laawoo hɛɓɛ

⁷ a mɛ̨nįi tii ku huwu heei pow kɔ́w hveelɛi kilitɔɔi ɉəli mɛ̨nį ɓa, di yee ə ɓo mą a hvaŋąlɔ, a yələ kəlee, diɛ kwɛli hvilɛn na Yálá ɓa; gílitɔɔi mɔ̨ɔ̨ mɛ̨nįi ti ɓa, tɔɔmun, ya ɓə gɛi, Ɉuifəɠaa diɛ gálamąɓo la.

Bible

⁷ Gáa a gono-teei, nyíi Kúnuu-sii puu kao feerɛi káa Ɣâla fɛlîi mɛni ma kpɔ́ a fólo da kpini a gɛ́ɛ ŋ̀aa-see e kɛ́ dîɛi. Gili-kɛ-zui ŋí mɛni ƃe Zûu-ŋa da lônoi la a ǹáa, gâloŋ!

Gɛlaɠaa 26:7 ပူးပေါင်းရင်းမြစ်များ

Ɛsdrasə 6:17

Yálá nwɔ pɛ́lɛ́i tii laa ɓo mɛ̨nį hu, di nįŋɛ̨ hilɛ nwundɔ̨nɔ̨, ɓɛlaa hilɛ nwun veelɛ ɓɛlaa lonnii nwun nąąn kulɔ a haláá. Ɛlɛɛ, di ɓoli hilɛ pow kɔ́w hveelɛ kulɔ a haláá, Israɛlə huwu pow kɔ́w hveelɛi kɛ nɛ̨ŋɛ̨n maahvaa lɛɛ mɛ̨nį ɓa.

Ɛsdrasə 8:35

Nąąlɔwai, nuąi həɠə nuwɔ laa hu, di nįŋɛ̨ hilɛ pow kɔ́w hveelɛ kulɔ Yálá ɓa a haláá yii da gəlee kələn, a Israɛlə lonnii kəlee mąą mɛ̨nį, ɓɛlaa lonnii pow mɛ̨inąąn kɔ́w mɛ̨ida, ɓɛlaa lonnii pow mɛ̨ihveelɛ kɔ́w mɛ̨ihveelɛ, ɓooli hilɛ pow kɔ́w hveelɛ, yai kɛ a nɛ̨ŋɛ̨n mąą hvaalɛɛ haláá, di gulɔ Yai-Laa ɓa a haláá yii da gəlee kələn.

Mąątɛ̨nɛ̨ 135:2

Kaai tii Yai-Laa yəi bɛlɛ́n, ku wɔ Yálái yəi bɛlɛ́n, ɲəi gwəlii!

Maafîu 19:28

Jesus yɛ diɛ: «Gáá moi kaa a tɛ̨ą, ɓɛlɔwai Nu Lon kaa pai kɛi la heeni Nąn Yálá nwɔ tɔɔkpəlin mąąwiɛ hu, ka nu pow-kɔw-hveelɛ ŋɛ̨i hvilɛn búlúi, ka kɛ laa kaa kpɛli ka wɔ kpəlin ɉaai hu, kaa Israɛlə nu huwu heei pow-kɔw-hveelɛ ɉaa woo ɓo.

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Lukə 22:30

Ka káá pai ka laa mįi, kaa ka kpələ, ŋį́ tɔɔlaai hu, ka ɓo heeni tɔɔkpəlinŋąa hu, kaa Israɛlə lɔi pow kɔ́w hveelɛi ɲąąwooɓo.»

Gɛlaɠaa 20:31

Ka ka kili lɛɛ ɉu kaa diɛ kwɛlan ɉaaɓa kuu mu, hvóló da kpinį ŋį́ kɛi ka kili pu mɛ̨nįɠaa hu, gɛ da kɛ kpɔ a ɲɛ̨iyá wɔlɔ.

Gɛlaɠaa 24:15

Gílitɔɔi ɓə Yálá ɓa, diɛ kpɛlimąn gili tɔ̨nɔ̨i tii kaa lɔ di kwəi, ya ɓaa tələnmo nuą-o, wɛa nuą, di kaa pai pənəi di nwun.

Gɛlaɠaa 26:2

«Mɛ̨nį tamąąɠaai kpɔ Ɉuifəɠaa daa ɉee nwúɔ, Tɔɔmun Agripa, gwə́inɛ̨ɛ̨i háákələi, gɛ́ pɛli də́lənmoi mɛ̨nįɠaa ti hu, ə́ lii la.

Gɛlaɠaa 26:3

Hvo gaai Ɉuifəɠaa yíi pələ, da mɛ̨nįɠaai da kɛ ɉɛa tooi, gəlee kpaɠala kaa yɛ́. Nɛ̨ɛ̨ yɛ́, 'ə́ wəli tɔɔ kani nwóó ɓa, a liinɛ̨ɛ̨ gwəilaa.

Gɛlaɠaa 28:20

Mɛ̨nįi gɛ, ŋį́ ɉuhvɛli, gɛ́ kɛ ŋį́ ɲɛ̨́i tɔɔ káá, ɛlɛɛ, ŋį́ ɉukulɔ kaa, yaa li. Kɛlaa, a tɛ̨ą leelee, mɛ̨nįi Israɛlə kilitɔɔi mą, mąą mɛ̨nį ɓə ɲɔwɔn ŋɛ̨i kaa la ɲéé ɓa.»

Filipə 3:11

ə gɛ, gɛ pələ a kɛ mą, ə́ pɛli kɛi bɔ, nwun mɛ̨nį hu, haa ɓɛlaa lɔwai.

Tɛsalonikə dɔlɔɔ 3:10

Kpini pɛlɛɛ hvóló ɓa, kwa Yálá hvɛli a hɔlɔmąą laa, kuɔ ku pɛli ku ɲɛ̨i tɔɔi káá, ɛlɛɛ, ku ká wɔ laa na laa laa kulɔ.

Timote dɔlɔɔ 5:5

Yii ɓaa nɛ̨ɛ̨nui gaa kpɔ a galanin a neelee, nu hvo ɲəi, aa gilitɔɔ Yálá ɓa, ɛlɛɛ, yɛ Yálá hvɛli, yɛ mąąnɛ̨ɛ̨ a kpinį da hvóló.

Zĩi 1:1

Ɲą́ą́ Ɉakə, Yálá ŋą tímun da Ną́mu Jesus Kristə, gáá ɉɛɓɛ́i ŋɛ̨i tɛɛi Israɛlə nu huwu pow kɔw hveelɛi ɓa, diɛi, di taɠa-taɠaa yɛnɛ̨ɛ̨ nąą kəlee; gáá ká túwɔ́ ɓoi.