Gɛlaɠaa 26:22 - Yálá laawoo hɛɓɛ (dc)

²² Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Yálá laawoo hɛɓɛ

²² Kɛlaa, Yálá tɔɔi mɔ̨ɔ̨ búlú a nwalawalaa, ə mą kɛ, háákələi hvólói yee mu, yili ɓə gɛi, ɲéé kaa lɔ ni gɛla hvaa ti ɓoɔ ɓa, lɛapɛlɛɛ, da nu kpɛa-kpɛaa ɲɛ̨i ɓa. Mɛ̨nįɠaai kɛ mąąnɛ̨ɛ̨ di kɛ, Yálá kwəi mɛ̨nį hukulɔ nuą, da Moisə, di di lɛɛ tɔwɔ di di ɓo; ɛlɛɛ, və́ mɛ̨nį ta ɓoi yɛ laŋįn di woo mɛ̨i.

Bible

²² E siɣe tãi ti ma e seri sâa ma Ɣâla a kpɔŋ mâ. Mɛni ma ŋ́gaa tɔ̂ɔni ƃɛ núu kpaya-kpaya ŋɛi da nia-pɛlɛɛ ŋ́gɛ mɛni-ŋai m̀aa sêre-faa kɛ́, nyíi-ŋai Ɣâla ŋɔlóno kɛ́-ƃelai da Mose-ni dí wɔ́lɔ mò a gɛ́ɛ da pâi kɛ̂i. Fe mɛni da kpɛni ƃo ni é kúla díwoo-ŋai ŋí pôlu.

Gɛlaɠaa 26:22 ပူးပေါင်းရင်းမြစ်များ

Ɛsdrasə 8:31

Ku həɠə Ahawa ya kwɛlɛ, ɲąnin dɔlɔɔ nwɔ hvóló pow kɔ́w hveelɛ yələ (12), kuɔ li Ɉerusalɛmə; ku wɔ Yalái yee ə kɛ ku mɛ̨i, ə ku kulɔ ku yowoɠaa yəi bələ pɔ, da doomɛ̨i kɛ nuąi da hee nuą tɔwɔ.

Mąątɛ̨nɛ̨ 124:8

Yai-Laa laa ɓə a ku mąąkɔnwɔ Yai yələkɔlɔn da lɔi di pɛli.

Mąątɛ̨nɛ̨ 18:47

Mąąwiɛ ə kɛ Yai-Laa ɓa, lúwɔ́ ə kɛ mą́ą́kɔ̨nwɔ̨ kwɛni ɓa, yai a nwɔ́ yeetɛɛmąą kɛ Yálá.

Mąątɛ̨nɛ̨ 66:12

Yáá hvaa mą diɛ ku hon, yɛ taatɛlɛɛɠaa. Kwaa lɔ nwɔ̨n ɉu, kwaa lɔ yái, Kɛlaa, ə́ ku kulɔ di yəi, Ə́ ku ɓɛlɛhee kɔ̨nɔ̨n gɛ.

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Lukə 16:28

Ną́n nonnii lɔɔli kaa laa, ə di kilaa pono, əgɛ, diɛ kpɛli di hvo pa pa mɔ̨nɔ̨ kɛnɛ̨i ŋɛ̨i hu ɓɛ.›

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Lukə 24:46

Ə mo diɛ, yɛ diɛ: «Yii bɛ̨ɛ̨ ya ka: Nwun mąąɓomun Yálá ə naakwɛlanmo, hvo kɛli ə mɔ̨nɔ̨ mį́į́, ə haa, voló ɉaaɓa yələ ə kulɔ haaɓɛlaa lɔwai.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 1:45

Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Ɉaan 5:46

Akɛ kɛ ka laa Moisə la, ka li lɔ laa ɲą́ą́ gbɛ́li na. Mąąhɔlɔɓo, mą́ą́ mɛ̨nį ɓə ə bɛ̨ɛ̨.

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 13:29

Ɛlɛɛ, mɛ̨nįɠaa kpɔ di mo a naa, di gəlee pɔ mɛ̨nį kɛ, di gulɔ nwulu ɓa di naa kámą hu.

Gɛlaɠaa 24:14

Kɛlaa, yii gíli kaa ɉu, ya ka: Gáá ku nąnni di wɔɔ Yálá ŋą kóló ɓa, yɛ bələi Gbaalə nįnɛ̨i ŋɛ̨i a mo la, yai di wɛi, di kaa gaai a: Lɛɛ kpaalə. Mɛ̨nįɠaa kpɔ dɔn ɉɛɓɛ́ hu da yiiɠaai kpɔ Yálá kwəi mɛ̨nį hukulɔ nuą di bɛ̨ɛ̨, náái gəlee la.

Gɛlaɠaa 26:17

Gáá pai ə́ kulɔi Ɉuifəɠaa yəi, da ɉuwu takpɛliɠaai ti gáá ə́ tɔɔi di pɔ, di yəi.

Gɛlaɠaa 26:6

Háákələi ŋɛ̨i kɛa, da kɛli pa a ɲą́ą́ kiti haɠa ɓa, mąąhɔlɔɓo, gílitɔɔ ɓə mɛ̨nįi Yálá ə naakwɛlanmo ku nąnni diɛ mą;

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Lomaŋ 3:21

Kɛlaa, yiihu kɛa, bələi mąąnɛ̨ɛ̨ gu kɛ la Yálá ɲɛ̨i ɓa a tələnmo nuą, dɔ́n naa hva kɛ ɉu, aa bələ lɛ guɔ. Yálá nwɔ tɔ́n Ɉɛɓɛ́ da Yálá kwəi mɛ̨nį hukulɔ nuą di mąą kɛla hvaaɓo ɓo, diɛ kɛ:

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Korɛntə dɔlɔɔ 15:4

Di noo, voló haaɓa yələ, ə nwun yɛ bələi bɛ̨ɛ̨ la.

Timote veelɛ 3:11

náánɔ̨nwɔ̨i di mo, da mɔ̨nɔ̨ɠaai ŋą́ mįi Antiɔsə, Ikoniumə da Listrə. Laanɔ̨nwɔ̨ ləi ɓə di hvo ɉee li mą́ą́, ə́ gəlee gbaɠala kɔ́lɔn, gəlee hu, Ną́mu ə gúlɔ ɉu.

M̀ɛni-lɛɛi 11:18

Hįi lɔiɠaa daa di kpɔwɔ liikələn di kwəi, kɛlaa, ə́ wɔ liiɲąnwąną aa too pono ɲą. Haa nuą kiti tee yələ ka, yɛ́ tínuąi a ə́ kwəi mɛ̨nį hukulɔ nuą, di hvɛla kulɔ yələ ka, ə pɛlɛ la nu mąąhəɠɛɛɠaa diɛ da nuąi da ɲɔw ə́ laa ɓa, bɛlɛɛɠaa da mąn gbɛa-kpɛaa mąn, a nuąi daa yɛnɛ̨ɛ̨ kala, di kala yələ.»

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.

Samuɛlə dɔlɔɔ 7:12

Samuɛlə ə kwɛni həɠə, ə vilɛn Mispa da daa ɲɛ̨i da kɛ ma: Ɲin, di ɲɛ̨n ma. Ə gɛɛnąąi tii laa hee a Ɛvɛn-Ezɛrə, yii mukulaa ɓaa: Mąąkɔ̨nwɔ̨ kwɛni, yɛ diɛ: «Yai-Laa a ku mąąkɔ̨nwɔ̨ a lɛɛ ɉu kwaa həli gɛɛnąąi ŋɛ̨i ɓa.»