Gɛlaɠaa 26:2 - Yálá laawoo hɛɓɛ (dc)

² «Mɛ̨nį tamąąɠaai kpɔ Ɉuifəɠaa daa ɉee nwúɔ, Tɔɔmun Agripa, gwə́inɛ̨ɛ̨i háákələi, gɛ́ pɛli də́lənmoi mɛ̨nįɠaa ti hu, ə́ lii la.

Yálá laawoo hɛɓɛ

² «Mɛ̨nį tamąąɠaai kpɔ Ɉuifəɠaa daa ɉee nwúɔ, Tɔɔmun Agripa, gwə́inɛ̨ɛ̨i háákələi, gɛ́ pɛli də́lənmoi mɛ̨nįɠaa ti hu, ə́ lii la.

Bible

² “Ńyãa kpîŋ ńii lâai, Gâloŋ Agulepa, a gɛ́ɛ sâa ŋa pâi ŋ́gbîŋ maa kɔ̃ɔ̂i íŋɛi tuɛ ŋa lono mɛni-ŋai kélee ma Zûu-ŋai dí mò a ńaâi.

Gɛlaɠaa 26:2 ပူးပေါင်းရင်းမြစ်များ

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Maafîu 10:19

Da li a kaa gɛɛnąąɠaai tii ɓa, yii mąąnɛ̨ɛ̨ ka mo, da bələi mąąnɛ̨ɛ̨ ka mo la, yili niihɛlɛn və too kaa. Nąąlɔwai, woo yii mąąnɛ̨ɛ̨ ka mo, da mo pələ, a lɛ kaa.

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.

Lukə 21:12

«Kɛlaa, gɛɛ yili kəlee ə kɛ, di kaa pai kɛi ka hon ɉii diɛ ka ɓɛlɛkpɛɛ kaa, diɛ ka kiti tee di wɔ Yálá hvɛli pɛlɛ́ɠaa mu, diɛ ka too gaho ŋą. Di kaa pai kɛi lii a kaa nwun nąmįną da ɲɛ̨itɔwɔ nuą lííla, náá mąą mɛ̨nį ɓa.

Gɛlaɠaa 25:26

Mɛ̨nįi kpɔ ŋį́ bɛ̨ɛ̨ a mąą kpalaa, ŋį́ dɛɛ nɔi nwun nąmu ɓa, yaa ŋɛ̨i mąą mɛ̨nį ɓa, hvo ɲə́i. Yili ɓə gɛ, gɛ́ də li ka lii la, gəlee mą kɛ ləi, yɛ́ tɔɔmun Agripa, ə gɛ, gwa kpɛɛ a mąąni kɛɛ, mɛ̨nį ta ə kɛ ɲə́i, gɛ́ pili bɛ̨ɛ̨.

Gɛlaɠaa 26:1

Agripa yɛ Polə ɓa: «Mąąlaa kaa ə́ yəi, yɛ pɛli ə́ nwun mąąkɔ̨nwɔ̨i.» Polə ə ɲee haŋą, yɛ kɛa nwoo hukulɔ, yɛ kɛ:

Gɛlaɠaa 26:19

«Tɔɔmun Agripa! Yili ɓə gɛ, gwɛlɛɛn gɛɛ ti ŋį́ gaa yɛ həɠə yələi pələ, və́ nwún gulɔ mu.

Gɛlaɠaa 26:26

Dɔɔmun ŋɛ̨i gáá nwóó hukulɔi mą, giliŋą ponɔɔi mɛ̨nįɠaa ti kəlee hu, ɛlɛɛ gíli kaa ɉu gɛ́ da hvo loo li mą. Mąąhɔlɔɓo da hvo kɛ kpinįn ɉu, da hvo nwɔ̨nɔ̨ kɛ kpowəi.

Gɛlaɠaa 26:3

Hvo gaai Ɉuifəɠaa yíi pələ, da mɛ̨nįɠaai da kɛ ɉɛa tooi, gəlee kpaɠala kaa yɛ́. Nɛ̨ɛ̨ yɛ́, 'ə́ wəli tɔɔ kani nwóó ɓa, a liinɛ̨ɛ̨ gwəilaa.

Gɛlaɠaa 26:7

a mɛ̨nįi tii ku huwu heei pow kɔ́w hveelɛi kilitɔɔi ɉəli mɛ̨nį ɓa, di yee ə ɓo mą a hvaŋąlɔ, a yələ kəlee, diɛ kwɛli hvilɛn na Yálá ɓa; gílitɔɔi mɔ̨ɔ̨ mɛ̨nįi ti ɓa, tɔɔmun, ya ɓə gɛi, Ɉuifəɠaa diɛ gálamąɓo la.