Gɛlaɠaa 26:10 - Yálá laawoo hɛɓɛ (dc)

¹⁰ Ɛlɛɛ, bələ ɓə, ŋą́ kɛli túwɔ́ la Ɉerusalɛmə. Ŋą́ą́ gbínįlee gɛ́ mąąhəɠə nuą tamąą too gaho ɲą. Ɉaláá laa həli nuą kpɛa-kpɛaa daa kɛ yili mąą laa tɛɛ bɔ́, ɛlɛɛ, da kɛi di paa kɛ, váái kɛ mą.

Yálá laawoo hɛɓɛ

¹⁰ Ɛlɛɛ, bələ ɓə, ŋą́ kɛli túwɔ́ la Ɉerusalɛmə. Ŋą́ą́ gbínįlee gɛ́ mąąhəɠə nuą tamąą too gaho ɲą. Ɉaláá laa həli nuą kpɛa-kpɛaa daa kɛ yili mąą laa tɛɛ bɔ́, ɛlɛɛ, da kɛi di paa kɛ, váái kɛ mą.

Bible

¹⁰ Ŋa mɛni nyɔ́mɔɔ-ŋai ŋí kɛ̀ máŋ Zerusâlɛŋ. Ŋá wála-wala-laa kùla zâla láa soŋ-ƃela kpaya-kpayai yêei ŋa Ŋ̀âla-ƃelai dámaa pu kpini-pɛrɛ mu. Tãi dí kɛ̀ dípaâi lai, ŋá fàa ma.

Gɛlaɠaa 26:10 ပူးပေါင်းရင်းမြစ်များ

Mąątɛ̨nɛ̨ 16:3

Ɓɛ yɛnɛ̨ɛ̨, ɉeeɓolaaɠaai kpɔ a Yálá nwɔɔ, di ɓɛlɛ kaa diɛ, gəlee wɛli kaa mą́ą́ kpɔ kɛnɛ̨.

Gɛlaɠaa 7:58

di ɉon, di kulɔ la daa pulu pələ, diɛ ɉɔɔ a kwɛni. Nuąi kɛi gwɛni pili, di di mąą həɠəɠaa kulɔ di kwaną, di dɛɛ hulɔnon da pɔ, diɛ kɛ mą: Solə.

Gɛlaɠaa 8:1

Solə ə kɛ a nuąi hvaa nu paa mɛ̨nįi tii ɓa di tɔ̨nɔ̨. Mąą yələ tanɔ̨n ti, kɔ́ ɲąąnwąnąą ə pɛlɛ gbɔn ɉu nuąi kɛ Ɉerusalɛmə diɛ. Ə kulɔ gɛlaɠaa pulu, di kəlee di taɠa-taɠa Ɉude lɔi da Samari lɔi ɲɛɛkɔwɔɠaa hu.

Gɛlaɠaa 8:3

Solə nwɛi, ə ɲąąwala kpɔ, yɛ gbɔn ɉu taɠa. Ə kɛli lɔ bɛlɛ́ɠaa mu, yɛ laa na nuą hon, hinąą da nɛ̨ąą, yɛ di too gaho ŋą.

Gɛlaɠaa 9:21

Nuąi kpɔ kɛi nwoo mɛ̨n, di kwəi ə pili diɛ, diɛ kɛ: «Kɛlɛi nui ŋɛ̨i ɓə kɛ vilɛnŋąą kpɔ a nwąnąlɔ, nuąi kɛli naa ŋɛ̨i hvɛli Ɉerusalɛmə di pulu, a kɔ-e? Kɛlɛi ba mɛ̨nį ɓɛ nwun maa: ə di hon, ə di yili, ə li a diɛ ɉaláá laa həli nuą kpɛa-kpɛaa pɔ-ee?»

Gɛlaɠaa 9:26

Solə həliɛ Ɉerusalɛmə, ə gɛ pələ kwɛli mą, ə gɛ, ə mąąlɛɠɛ Jesus nwɔ kalan nɛai diɛ, kɛlaa, yiliɠaai di kɛi ɲɔw mą. Mąąhɔlɔɓo, di hvo kɛ laa li na, diɛ kɛ Solə aa kɛ a Jesus nwɔɔ a neelee.

Gɛlaɠaa 9:32

Piɛrə ə kɛi hiɛ yɛ kulɔ galan nɛa mɛ̨i, nɔi nąą kəlee, nu mąąhəɠɛɛɠaai kɛ Lida daai, yələ ta ə li nwoo pilii diɛ.

Gɛlaɠaa 9:41

Piɛrə ə ɲee hon, ə ɉaŋą ə dɔɔ, ɛlɛɛ, ə galan nɛa da galanin nɛ̨ąą təli, ə Dɔrkasə hvulú mąą lɛ diɛ.

Korɛntə dɔlɔɔ 15:9

Mąąhɔlɔɓo, ɲą́ą́ ɓə gɛlaɠaa lɔwai a nogolaamun, a ɲą́ą́i mą́ą́ hvo nɛ̨ɛ̨li di hvo kɛ mą́ą́: kɛla; mąąhɔlɔɓo, ŋį́ gbɔn mɔ̨nɔ̨ɓo.

Galatə 1:13

Mąąhɔlɔɓo, bələi dúwɔ́ pələ ə kɛ la Ɉuifəɠaa di wɔ kalan bələ mɛ̨i, káá ta bələ mɛ̨n. Ká gɔlɔn bələi ŋį́ kɛli gbɔn mɔ̨nɔ̨ɓo la a váŋą; gɛ́ ɉukala pələ kwɛli mą.

Ifisiɛŋ 1:1

Ɲą́ą́ Polə, Jesus Kristə nwɔ tímun, a Yálá liiɓa, gáá ɉɛɓɛ́i tɛɛ, nuąi Yálá aa di tolu, di laa mɛ̨nį ɓa Jesus Kristə la, diɛ;

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.