Gɛlaɠaa 25:23 - Yálá laawoo hɛɓɛ (dc)

²³ Mąą yələ laa ɓoɔ, Agripa da nɛ̨ą Berenisə di pa a tɔɔmun ba pələ, nu kpulu yɛ ɓo di pɔ, di lɔ mɛ̨nį ɓo kɛ pɛlɛ mu, da yala nąmįną kpɛa-kpɛaa tamąą, ə pɛlɛ la daai kalanɉonŋaa diɛ. Ya ɓə Fɛstusə ə mo, di pa a Polə.

Yálá laawoo hɛɓɛ

²³ Mąą yələ laa ɓoɔ, Agripa da nɛ̨ą Berenisə di pa a tɔɔmun ba pələ, nu kpulu yɛ ɓo di pɔ, di lɔ mɛ̨nį ɓo kɛ pɛlɛ mu, da yala nąmįną kpɛa-kpɛaa tamąą, ə pɛlɛ la daai kalanɉonŋaa diɛ. Ya ɓə Fɛstusə ə mo, di pa a Polə.

Bible

²³ Ɣele ƃɔ́ɔi Agulepa da Bɛnîi dí pà yɛ̂ɛ kâloŋ kɛ́tɛ pá-pere. Dí lɔ̀ mɛni-ƃo-kerei mu, da ǹɔii maa kpɛ́-ƃelai mɛi-ƃela kpaya-kpayai, e pɛ́lɛ daa-ƃela kpaya-kpayai dîa. Nya ƃe Fɛtɔ e mò a gɛ́ɛ dí pá a Pɔ̂ɔ, ǹyaŋ dí pà la.

Gɛlaɠaa 25:23 ပူးပေါင်းရင်းမြစ်များ

Ikilisiati 1:2

kpɛli-kpɛli mɛ̨nį da kpɛli-kpɛli mɛ̨nį, kilimąą mun nwoo li, mɛ̨nį kəlee kaa lɔ a kpɛli-kpɛli mɛ̨nį.

Azaya 14:11

Ə́ wɔ mąąwiɛ aa lɔ lɔi mu, ə pɛlɛ la ə́ wɔ túlú wooi ɓa, kpəəli pɛlɛɛ daa di haɠa pɛlɛ ə́ mu, ə́ yii həɠə ɓaa kolo pɛlɛɛ.

Azaya 5:14

Nąąlɔwai, ɲąmuątaa a naa taɠa kpɔ kɛnɛ̨, ə gwaną wolo hu kɛnɛ̨, nu kpɛa-kpɛaɠaa da mąąwɛli nuą diɛ yɛɛ ɉu da di wɔɔ kwəinɛ̨ɛ̨ huluun nwoo.

Izikiɛ 30:18

Yələ hvo pai ɓɔi Dafne mɛ̨i, ɲələi gáá pai Eziptə nwɔ hééɓolaai hu yalii la, ŋą́ nwɔ kpɔwɔ ŋąą kɛnɛ̨i kulɔ ɲəi, yai ə kɛi nwun dɛ ɉu. Tulɔ kpinįn gaa pai pɛlɛi mɛ̨i, nonnii nɛ̨ą diɛ li luwɔlaa hu.

Izikiɛ 32:12

ŋą́ ə́ wɔ nu kpulu kɛnɛ̨ɛi too, a kɔ́kulááɠaa di wɔ kɔ́ kɔ́ ɓɔwa, lɔi ta hvo laa hvo ɲɔ̨n, hvo tɛɛ mą. Ɉɛn Eziptə a nwun dɛ ɉu, da ɉu kala, diɛ ɉu nuą kəlee paa.

Izikiɛ 33:28

Gáá pai nɔi kɛi a lɔi pun, mąąwɛliɛ; nwɔ huwala walai ə kɛi nwun dɛ ɉu, ŋą́ ɉu kala. Israɛlə yeeɠaa da lɛɛ a lɔi pun; mąąhɔlɔɓo, nu hvo pai kɛi tɛɛi laa.

Izikiɛ 7:24

Lɔiɠaai di ɲɔ̨nwɔ̨ɔ̨ di ɓɛlaa diɛ, diɛ ɓə gáá pai a diɛ, diɛ di wɔ pɛlɛ́ɠaai həɠə. Gáá pai yeewalawala nuą di wɔ kpɔwɔ ŋąą kɛnɛ̨ mąąyɛɛi, gɛɛnąąɠai di kɛi di mąąhəɠə laa, da nąą laa pu.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Markə 6:21

Yələ ta, Herodə ə kɛi gaa yələ mąą kwəinɛ̨ɛ̨ kulɔ. Volói tii ə kɛ Herodiadə ɲɛ̨i ɓa a hvóló lɛlɛɛ yai kɛ a pɛli kɛ ə Ɉaan paa la. Herodə ə nwɔ kalanɉonŋąą nuą kəlee ŋąąkpɔn, ə mą kɛ nwɔ holahi nwun nąmįną, da Galile kalanɉonŋąą kəlee. Ə hɛli kɛnɛ̨ pɛli diɛ.

Gɛlaɠaa 12:21

Mąą yələ həliɛ, Herodə ə nwɔ tɔɔ həɠəi too gwąną, ə hee dɔɔ kpəlin ɉu. Ɛlɛɛ, gɛɛ bələ ɓoi nuą diɛ,

Gɛlaɠaa 25:13

Yíi kuu tawolo kulaa ɉu, tɔɔmun Agripa da Berenisə di pa Sesare di woo pili Fɛstusə ɓa.

Gɛlaɠaa 26:30

Gɛɛ tii, tɔɔmun da gbahalanąmą, Berenisə da nu kpului ti kɛ laa, di kəlee di di muhəɠə.

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Korɛntə dɔlɔɔ 7:31

Nuąi tɔnɔ kwɛlii ɲɛ̨nɛ̨ɛ̨ ŋɛ̨i hu, di gɛ yɛ da wala kɛ ɉɔlɔɓoi a neelee, mąąhɔlɔɓo, ɲɛ̨nɛ̨ɛ̨ ŋɛ̨i kaa pai tɛɛi.

Zĩi 1:11

Hvo gaai, hvóló a kulɔ a nwəleen gɛnɛ̨, a gala kpala, bowa ə kulɔ ɲəi, nwɔ nɛlɛ laa ə kulɔ ɲəi. Bələ kpɔlɔɔ ɓə hɛn gɔw nąmu a kulɔ la, nwɔ hɛn gɔw lɔwai.

Piɛrə dɔlɔɔ 1:24

Hvo gaai: «Nu kan gaa lɔ yɛ kala-tíliin, nwɔ mąąwiɛlaa ə ɓo yɛ wulu powa; kala-tíliin a kpala lɔ, bow ə kulɔ ɲəi;

Zɔ̂ŋ Maa-ŋuŋ 2:16

Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.