Gɛlaɠaa 22:8 - Yálá laawoo hɛɓɛ (dc)

⁸ Ŋą́ mąnįn gɛ, gɛ ma: ‹Ŋą́ mɛ̨nį Nąmu, gbɛɛ ɓaa yɛ?› Nwooi ti ə pənə yɛ mą́ą́: ‹Ɲą́ą́ Jesus Nazarɛtə mun ga ti, ə́ kaa mɔ̨nɔ̨ɓoi.›

Yálá laawoo hɛɓɛ

⁸ Ŋą́ mąnįn gɛ, gɛ ma: ‹Ŋą́ mɛ̨nį Nąmu, gbɛɛ ɓaa yɛ?› Nwooi ti ə pənə yɛ mą́ą́: ‹Ɲą́ą́ Jesus Nazarɛtə mun ga ti, ə́ kaa mɔ̨nɔ̨ɓoi.›

Bible

⁸ Ŋá ŋ̀óo su tòo, ǹyɛɛi, ‘Gbɛ̂ɛ ƃa yá, Ŋánuu-namui?’ E mò ḿâ, ǹyɛɛi, ‘Ńyãa ƃa Nâzarɛ Zisɛi nyíi íkaa gbɔarâi.’

Gɛlaɠaa 22:8 ပူးပေါင်းရင်းမြစ်များ

Zakari 2:8

Ə mo malakai tii ɓa, yɛ mą: «'Li a gilɛ, yɛ́ ɉulɔnon tii lii mą: ‹Ɉerusalɛmə mąąnɛ̨ɛ̨ ə lɛɛ a taa yii hįį hva tɔɔ mą, nu kpulu da daatɛlɛɛɠaai tii pai kɛi laa, di mąą mɛ̨nį ɓa.

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›

Gɛlaɠaa 10:14

Piɛrə ə nwoo ɲąąpənə yɛ mą: «Oo Ną́mu! Və́ hvaa li mą! Mąąhɔlɔɓo, nwɔ́ yɛnɛ̨ɛ̨ kəlee yee mu, hɛnŋąai mąą hvo həɠə li, di kɔ́hɔɓoɔ, və́ ta da mįi li.»

Gɛlaɠaa 22:7

Ŋą́ too nɔi ɓa, ŋį́ woo ta mɛ̨n yɛ kɛ mą́ą́: ‹Solə! Solə! Lə mɛ̨nį ɓa, ə́ kaa mɔ̨nɔ̨ɓoi?›

Gɛlaɠaa 26:9

«Ɲą́ą́ nwɛ́i, ə kɛ kpɔ gwə́i, gɛ́ kɛ, mąąnɛ̨ɛ̨ kɛ, ŋį́ kɔ́ pɛlɛ Jesus Nazarɛtə mun laa ɓa, a pələ huwu lɔpee gəlee.

Gɛlaɠaa 3:6

Piɛrə ə mo kɛa mą, yɛ mą: «Wali hvo ɲə́i, hɛni hvo ɲə́i, kɛlaa, yii gaa ɲə́i, gáá dɛɛi ə́ pɔ. Ya ɓaa: Jesus Kristə Nazarɛtə mun naa hu, ə́ muhəɠə, ə́ hiɛ!»

Gɛlaɠaa 4:10

mąąnɛ̨ɛ̨ ka kəlee ka gbaɠala kaa, ə mą kɛ, Israɛlə nuą kəlee, kaa kɛ: Jesus Kristə Nazarɛtə mun ti ka gbanwo kolɔwa ɓa, yai Yálá ə gulɔ haaɓɛlaa lɔwai ə gɛ a vulú, naa hu ɓə ɉulɔnui ŋɛ̨i kaa la tɔɔni ka lííla a gɔlɔi ponoɔ̨.

Gɛlaɠaa 6:14

Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Korɛntə dɔlɔɔ 12:12

Bələi lɔ ɓə gaa la, nu kpįnį kaa la tɔ̨nɔ̨, dɔɔ-tɔɔi tamąąi mą, kɛlaa, bələi mąn tii damąąi la, gaa lɔ a kɔlɔ tɔ̨nɔ̨; bələ lɔ ɓə Kristə kaa la.

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.