Gɛlaɠaa 22:25 - Yálá laawoo hɛɓɛ (dc)

²⁵ Di kɛli pa Polə pɛlɛi gɛlɛ mɛ̨nį ɓa, ya ɓə a kɛ ɉolahi nwun dɔ̨nɔ̨ nąmui tii ɓa: «Akɛti, ká pɛli ka Romə kaalon da kɛlɛ a galakpa, yii di hvo ni mąą mɛ̨nį hukpɛ li?»

Yálá laawoo hɛɓɛ

²⁵ Di kɛli pa Polə pɛlɛi gɛlɛ mɛ̨nį ɓa, ya ɓə a kɛ ɉolahi nwun dɔ̨nɔ̨ nąmui tii ɓa: «Akɛti, ká pɛli ka Romə kaalon da kɛlɛ a galakpa, yii di hvo ni mąą mɛ̨nį hukpɛ li?»

Bible

²⁵ Dí Pɔ̂ɔ ɣìri a gɛ́ɛ dí ǹókwa. È mò ǹɔii maa kpɛ́-ƃelai mɛi-nuui ma nyíi kɛ̀ tɔ̂ɔni gɔlɛi, ǹyɛɛ mài, “Gáa a tɔ̂ŋ a gɛ́ɛ í Lomaŋ lɔii-loŋ lókwa, nyíi mɛni fé lɛɛ ní mai?”

Gɛlaɠaa 22:25 ပူးပေါင်းရင်းမြစ်များ

Maafîu 10:17

'Ka ka mɛ̨i kaa, nuą mąą mɛ̨nį ɓa. Mąąhɔlɔɓo, di kaa pai kɛi lii a kaa kiti pɛlɛ́ɠaa mu; diɛ ka kɛ́lɛ́ a hvaɠa di wɔ Yálá hvɛli pɛlɛ́ɠaa mu.

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Maafîu 8:8

Kɛlaa, gɔ́kulaa nwun nąmui tii ə nwoo ɲąąpənə, yɛ mą: «Ną́mu, ɲą́ą́ mą́ą́ hvo nɛ̨ɛ̨li, a nui yá lɔ ɲei bɛlɛ́n. Kɛlaa, woo tɔ̨nɔ̨ ɓo lɔ, nwɔ́ kólo kɛmun kɔ́lɔi a pono.

Gɛlaɠaa 10:1

Hulɔnu ta ə kɛ Sesare daai, diɛ kɛ mą: Kɔrnɛyɛ. Ə kɛ a Romə kɔlaɠai da kɛ mą: «Italikə» nwun nąmu kɛnɛ̨ ta.

Gɛlaɠaa 16:37

Kɛlaa, Polə ə mo gaho pɛlɛ́ mɛ̨i kaamun ti ɓa, yɛ mą: «Di ku hulɔwa nu kpulu ɲɛ̨i ɓa, hvo kɛli a ku kalamąą mɛ̨nį, kuɔi Romə kaalonnaa kaa kuɔi, yili pulu, di ku too gaho ŋą, ɛlɛɛ, diɛ kɛ di di yeeɓo kuɔ lɔ tii ɲąą, a loo pələ? Hva kɛ tii! Diɛ kpinįlee di pa di ku kulɔ!»

Gɛlaɠaa 22:26

Nwoo ti mɛ̨n ɉolahi nwun dɔ̨nɔ̨ nąmu ə mo, ə li yɛ di nwun nąmu ɓa: «Lə ɓə ŋɛ̨i ə́ kɛli pa gɛi a kuɔi? Ɉulɔnui ŋɛ̨i ə́ dɛɛ ku pɔi, Romə kaalon da li.»

Gɛlaɠaa 23:17

Ya ɓə, Polə ə ɉolahi nwun dɔ̨nɔ̨ nąmu təli, ə mo yɛ mą: «Ɉulɔnon ŋɛ̨i hon, ə́ li la ɉolahi nwun nąmu pɔ; mɛ̨nį ta kaa gwəi, ə mo mą.»

Gɛlaɠaa 23:27

Ɉuifəɠaa di ɉulɔnui ŋɛ̨i hon diɛ di baa, ɓɛlɔwai ŋą mɛ̨n na diɛ kɛ mą: Romə kaalon ni, kwa nwɔ́ holahiɠaai ku lɔ di lɔwai, ku gulɔ di yəi.

Gɛlaɠaa 25:16

Ŋą́ di woo ŋąapənə, gɛ́ diɛ: Romə nuą yíi pələ hvaa, di kiti kala nu ɓa, yii da galamąɓo nuą di hvo di woo hukulɔ li; ɛlɛɛ, hvo kɛli mąą nu a pɛli gbɔwɔ nwun mąąkɔ̨nwɔ̨i mɛ̨nįɠaai di kaa bɛlɛi nwuɔ di yəi.

Gɛlaɠaa 27:1

Ɓɛlɔwai di mo la diɛ ku tɛ gələn ɉu kwəli Itali lɔi hu, di Polə da gaho nąmįną takpɛliɠaa tɛɛ holahi nwun dɔ̨nɔ̨ nwun nąmu pɔ, diɛ kɛ mą Ɉuliusə, a gɔ́laɠai di kɛli kɛ mą, Augusta, ɉu yalanąmu ta.

Gɛlaɠaa 27:3

Mąą yələ laa ɓoɔ, ku tɔɔ wolo ɓo Sidɔn. Ɉuliusə ə kɛli Polə hon a ɲɛ̨imąąwɛli kaa pələ, ə Polə lɛɛ laa, ə li nwɛlikɛmąą nuą pɔ, ə gɛ, ə mąąkpaan gbɛɛ hɛnŋąa hɔlɔɓo di yəi.

Gɛlaɠaa 27:43

kɛlaa, ɉolahi nwun dɔ̨nɔ̨ nąmu nwɛi, ə kɛ bɔ ə Polə nwun gulɔ ɉu, ya ɓə gɛ, hvo hvaa di woo ti ɓa. Ə mo yiiɠaai kɛ di wəlɛɛ yá kɛlɛi, di too ɲąi, di li tɔlɔɔ gbonwo ɓa.