Gɛlaɠaa 22:1 - Yálá laawoo hɛɓɛ (dc)

¹ «Ną́n nonnii da ną́nni, ka ká wəli tɔɔ, mɛ̨nįi gaa ná yiihu gɛ́ gbɔ́ɔ́ mąąkɔ̨nwɔ̨ la, ká mɛ̨n.»

Yálá laawoo hɛɓɛ

¹ «Ną́n nonnii da ną́nni, ka ká wəli tɔɔ, mɛ̨nįi gaa ná yiihu gɛ́ gbɔ́ɔ́ mąąkɔ̨nwɔ̨ la, ká mɛ̨n.»

Bible

¹ “Sinâa, ŋánûa, da ńâŋ-ni, ka ŋámaa kɔ̃ɔ-wooi mɛni ŋ́gaa m̀ôi kâai.”

Gɛlaɠaa 22:1 ပူးပေါင်းရင်းမြစ်များ

Lukə 12:11

«Ɓɛlɔwai da ka hon na diɛ li a kaa ka kiti tee mɛ̨nį ɓa, di wɔ Yálá hvɛli pɛlɛ́ɠaa mu, a wala kɛ tii, ɲɛ̨itɔwɔ nuą lííla, da nwun nąmįną, ka hvo ka lii hɛlɛn a ka mąąkɔ̨nwɔ̨ woo, awala kɛ tii, yii mąąnɛ̨ɛ̨ ka mo.

Lukə 21:14

Yili mąą mɛ̨nį ɓa, nąąlɔwai a həli, ka hvo ka liihɛlɛn a woo yii mąąnɛ̨ɛ̨ ka mo.

Gɛlaɠaa 13:26

«Nąn nonnii, káái a Abrahamə huwu, káái ɓɛ, káá ɲɔw Yálá ɓa, ká gu mąą mɛ̨nį ɓə di nu ɓalo woo ŋɛ̨i tɛɛ la.

Gɛlaɠaa 19:33

Gbɔn tii hu nuą taɠaa, di mɛ̨nįi ti hukulɔ Alɛsandrə laamun da ɓa, yai kɛ Ɉuifəɠaa daa dɔɔ di ɲɛ̨itɔwɔ. Alɛsandrə ə ɲee tɛ, yɛ kɛ ə nwoo hukulɔ nu kpɔn ɲɛ̨i ɓa.

Gɛlaɠaa 23:1

Polə ə ɲɛ̨i hee kpɔ tɔ́n vili nąmįną diɛ, yɛ diɛ: «Nąn nonnii, kiliŋąhiɛ yii kɛ mą́ą́ gɛ́ kólo kɛ la Yálá ɓa, aa lɛɛ la ɉu háákələi yələ aa ɉəli, gaa a kiliŋąhiɛ lɛlɛɛ.»

Gɛlaɠaa 23:6

Polə kili ə kɛ ɉu, yɛ diɛ: tɔ́n vili nąmįną kpulu heei ə kɛ hveelɛ; bələ tɔ̨nɔ̨ ə kɛ a Sadusiɛ̨ɠaa, bələ tɔ̨nɔ̨ yɛ ɓo a Farisiɛ̨ɠaa, yili ɓə gɛ, ə mo diɛ, yɛ diɛ: «Ną́n nonnii, gáá a Farisiɛ̨, ną́n ɲɛ ɓo a Farisiɛ̨. Gɛ mɛ̨nį náái haaɓɛlaa nwun mɛ̨nį la, ya ɓə gɛ, diɛ paa a ɲą́ą́ gíti tee mɛ̨nį ɓa.»

Gɛlaɠaa 24:10

Gbahanąmą ə ɲee lɛ Polə ɓa, yɛ mą: Ə́ kaa kɛi lə? Polə yɛ diɛ: «Gíli kaa ɉu gɛ́, yáá kwɛlan damąą kɛ, yɛ́ ku wɔ lɔi ŋɛ̨i ɲąąwooɓo a tələnmolaa. Yili ɓa, gíli la təɠɛɛi kpɔ ŋį́ nwóó hukulɔ ə́ ɲɛ̨i ɓa.

Gɛlaɠaa 25:16

Ŋą́ di woo ŋąapənə, gɛ́ diɛ: Romə nuą yíi pələ hvaa, di kiti kala nu ɓa, yii da galamąɓo nuą di hvo di woo hukulɔ li; ɛlɛɛ, hvo kɛli mąą nu a pɛli gbɔwɔ nwun mąąkɔ̨nwɔ̨i mɛ̨nįɠaai di kaa bɛlɛi nwuɔ di yəi.

Gɛlaɠaa 25:8

Kɛlaa, Polə ə kɛli nwun mąąkɔ̨nwɔ̨, yɛ diɛ: «Və́ kɛ mɛ̨nį ɲɔ̨n da kɛ li a Ɉuifəɠaa di wɔ tɔ́n, ə mą kɛ a Yálá hee pɛlɛ́ da Romə lɔi nwun nąmu.»

Gɛlaɠaa 26:24

Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Gɛlaɠaa 28:17

Hvóló haaɓa kulaa ɉu, Ɉuifə kalanɉonŋaai kɛ laa, ə di təli. Ɓɛlɔwai di di ɲąąkpɔn na, ə mo diɛ, yɛ diɛ: «Ną́n nonnii, ɲą́ą́ ŋɛ̨i hvə́ hɔn da kɛ li yɛ hvilɛn na, gu wɔ tɔn ɓa, da gu yíi pələi gu ɉɔlɔɓo gu nąnni yəi, mą. Ɲą́ą́ ka, a gaho nąmu, ə həɠə kpɔ ɲələi di dɛ́ɛ́ la Romə holahiɠaa pɔ Ɉerusalɛmə.

Gɛlaɠaa 7:2

Etiɛnə ə nwoo ɲąąpənə yɛ mą: «Káái ɓaa a Nąnni da nąnnonnii, 'ká ka wəli tɔɔ; mąąwiɛ-Yálá ə gbɔwɔ lɛ gu kalaɓɔlɔ Abrahamə ɓa, Mesopotami lɔi hu, ɓɛlɔwai hvo ni kɛ hee li la Haran lɔi hu.

Lomaŋ 2:15

Da nɛ diɛ kɛ: Yálá ŋą tɔ́n bɛ̨ɛ̨ kaa di kili pɔ, di wɔ kiliŋąhiɛ yɛ mąą kɛla hvaa ɓo, di wɔ mɛ̨nį hutɔɔ pələ yɛ nɛ, diɛ di kpɔwɔ kaa la a hɔnmąąmun awala kɛ tii, a tələnmomun.

Korɛntə dɔlɔɔ 9:3

Nuąi da kɛ náá pələ ɲɔ̨nwɔ ɓoi, pələi ŋą́ mą́ą́kɔ̨nwɔ̨ la di yəi bələ ka:

Korɛntə veelɛ 12:19

Kɛlɛi, ɉu aa kwɛa, a kɛ ká kwəi, ku kaa ku kpɔwɔ nwun mąąkɔ̨nwɔ̨i ká ɲɛ̨i ɓa-e? Kpaa-o, Yálá ɲɛ̨i ɓa, Kristə hu ɓə ku kaa pələ ɓoi laa. Yili kəlee hu, nwɛ́likɛmąą nuą, ká hutɔɔ mɛ̨nį ɓə a mɛ̨nį lɛlɛɛ.

Korɛntə veelɛ 7:11

Niikələn gwəi ti həɠə Yálá pɔ, mɛ̨nįi a gɛ, káá gaa! Kɛlaa, a tɛ̨ą: Aa ká pu káá gílí! Káá nɛ̨ɛ̨mąą hvə, káá ká kpɔwɔ ɓɛlɛ tooi kaa, káá ɲɔw, mą́ą́ lii too mɛ̨nį ká kwəi, ká hvaŋą yɛ lɔ! Ə kɛ a pələi lɔpee, káá kpinįi káá nɛ, káá, ká hɔn və mɛ̨nįi ti hu.

Filipə 1:17

Diɛi tii, da Kristə mąą mɛ̨nį laa həli a kili ɲɔ̨nwɔ̨ɔ̨, di kwəi kili hvo lɛlɛ li, di kwəi kili ɓaa, di nwɔ́ɔ́ gahoi ŋą mɔ̨nɔ̨ ta kɛ mą.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Timote veelɛ 4:16

Ɲələ tɔlɔɔi ŋą́ kɛli gbɔ́wɔ́ mąą kɔ̨nwɔ̨ la, nwɔ́ nu hvo hɔlɔɓo, nu gəlee di kulɔ búlú. Yálá ə mą wala yili gwələ hvo kulɔ li diɛ.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.