Gɛlaɠaa 21:40 - Yálá laawoo hɛɓɛ (dc)

⁴⁰ Ɓɛlɔwai ɉolahi nwun nąmu ə hvaa la Polə woo ɓa, Polə ə tɛ ə tɔɔ gbəlin ŋą, ə ɲee lɛ nuą diɛ, nąą mɛ̨i ə haa kpɔ ɓu, ə mɛ̨nį ɓo diɛ a Ɉuifə woo yɛ diɛ:

Yálá laawoo hɛɓɛ

⁴⁰ Ɓɛlɔwai ɉolahi nwun nąmu ə hvaa la Polə woo ɓa, Polə ə tɛ ə tɔɔ gbəlin ŋą, ə ɲee lɛ nuą diɛ, nąą mɛ̨i ə haa kpɔ ɓu, ə mɛ̨nį ɓo diɛ a Ɉuifə woo yɛ diɛ:

Bible

⁴⁰ Gɔkuluƃa-ŋai mɛi-nuu kɛ́tɛi kɛ́ɛ a fáa Pɔ̂ɔ wóo mai, Pɔ̂ɔ è tɔ̀ɔ bɛ́rɛi lá é ǹyée sã́a gbɔŋ mɛi a gɛ́ɛ dí dímɛi sáa. Gbɔŋ su-ƃelai kɛ́ɛ da dímɛi saai, è lòno dípɔ Ibulu-wooi su ǹyɛɛ dîai,

Gɛlaɠaa 21:40 ပူးပေါင်းရင်းမြစ်များ

Tɔɔɓɛlaa veelɛ 9:13

Daa mąn nɛɛ mą, daa di wɔ həɠəɠaai kulɔ di kwąną, diɛ bɛlɛ gɔwɔ mu, ɛlɛɛ, di dulu hvɛɛ, diɛ kɛ mą: «Ɉehu aa kɛ a tɔɔmun!»

Lukə 23:38

Di hɛɓɛ́ pɛ̨ɛ̨ di bɛlɛ Jesus nwun mɛ̨i diɛ kɛ mą: «Nui ŋɛ̨i kaa a Ɉuifəɠaa di wɔ tɔɔmun.»

Ɉaan 19:13

Nwooi tii mɛ̨n Pilatə ə mo, ə Jesus kulɔ ɲɛnɛ̨ɛ̨, Pilatə kpinįi ə li ə hee kiti tee kpəlin ɉu, ɓɛi da kɛ mą: kɛɛnąą muhəɠɛɛ, Ɉuifə woo hu, da kɛ mą: Gabata.

Ɉaan 19:17

Jesus ɓə nwɔ kolɔwa həɠə, di kulɔ la taai, diɛ li ɓɛi da kɛ mą: Nwun gonon ɲee ɓa (Ɉuifə woo hu, da kɛ mą: Gɔlgota).

Ɉaan 19:20

Ɉɛɓɛ́i tii, Ɉuifəɠaa tamąą di kɛi mo, mąąhɔlɔɓo, ɓɛi ŋɛ̨i di Jesus kpanwo laa kolɔwa ɓa, naa lɛɠɛɛ kɛ taai ɓa; ɛlɛɛ, di bɛ̨ɛ̨ a hį́i woo haaɓa: Hebreu woo, Latɛn woo da Grɛkə woo.

Ɉaan 5:2

Ɉįį tii kɛ Ɉerusalɛmə taa ɓa, naaləi ta ə kɛ laa, diɛ kɛ naa ɓa: ɓɛlaaɠaa lɔi. Gɛɛnąąi tii tənə ma, powa ta ə kɛ laa, diɛ kɛ mą: Ɉuifə woo hu: Bɛtzata.

Gɛlaɠaa 1:19

Ɉerusalɛmə nuą kəlee di mɛ̨nį ti bələ mɛ̨n. Di nɔi ti laa hee ‹Hakɛldama› yili mukulaa ɓaa: ‹Ɲąmą lɔi›.

Gɛlaɠaa 12:17

Piɛrə ə mo diɛ a ɲee, yɛ di di mɛ̨iháá. Ɛlɛɛ, bələi gu Ną́mu ə gulɔ la gaho pɛlɛ́ mu, ə ɉukulɔ diɛ; ə nwoo laa kulɔ, yɛ diɛ: «'Ká li ká ɉukulɔ Ɉakə ɓa da gu Nán nonnii yiiɠaai ti.» Yili pulu, ə kulɔ ə li pələ takpɛli.

Gɛlaɠaa 13:16

Polə ə muhəɠə ə tɔɔ, ə ɲee lɛ diɛ, yɛ diɛ: «Israɛlə lonnii, ɛlɛɛ, kaai ka ɲɔw Yálá ɓa, ka ka wəli tɔɔ nwóó ɓa.

Gɛlaɠaa 19:33

Gbɔn tii hu nuą taɠaa, di mɛ̨nįi ti hukulɔ Alɛsandrə laamun da ɓa, yai kɛ Ɉuifəɠaa daa dɔɔ di ɲɛ̨itɔwɔ. Alɛsandrə ə ɲee tɛ, yɛ kɛ ə nwoo hukulɔ nu kpɔn ɲɛ̨i ɓa.

Gɛlaɠaa 21:35

Ɓɛlɔwai di həli la a Polə gbə́lin gbala, hvo kɛli ɉolahiɠaɠaa di Polə kpəŋə mąąhɔlɔɓo, nu kpului hvaŋą kɛnɛ̨i kɛ.

Gɛlaɠaa 22:2

Ɓɛlɔwai di gaa la diɛ Polə kaa di pɔ taai woo ɓoi, di di laa pilɛ kpɔ kɛa tin. Polə ə mo diɛ, yɛ diɛ:

Gɛlaɠaa 26:14

Ku kəlee ku too nɔi ɓa, ɛlɛɛ, ŋį́ woo ta mɛ̨n hebre-woo hu, yɛ kɛ mą́ą́: ‹Solə, Solə! Lə ɓə kɛ yai, ə́ kaa mɔ̨nɔ̨ɓoi? Gbalai ŋą́ą́ gbɔn yɛ́, ə́ kulɔ laa walaai ɓə ŋą.›

Gɛlaɠaa 6:1

Naalɔwai, galan nɛa kpulu hu ə kɛi kɛnɛ̨, Ɉuifə yiiɠaai kɛi Grɛkə woo ɓo, di kɛi Hebreuɠaa laa ɓo, kɔ̨nɔ̨n mɛ̨nį hu, mąąhɔlɔɓo, di hvo kɛi di wɔ kalaninŋaai mąą mɛ̨nį ɲɛ̨i kulɔ a dənən gɔ̨nɔ̨n ɲąąkwɛlɛi lɔwai.

M̀ɛni-lɛɛi 16:16

Ɲįnɛ̨nŋaa tii di dɔɔɓɛlaa kəlee ɲąąkpɔn ɓɛi da kɛ mą Hebreu woo hu: «Harmagedɔn».

M̀ɛni-lɛɛi 9:11

Di nwun nąmui kɛ diɛ, ya ɓaa a nowa kpon ɉu gweaa malakai da kɛ mą Hebreu woo hu: Abadɔn, ɛlɛɛ, Grɛkə woo hu di kɛ mą: Apɔliɔn. (Naai tii mukulaa ɓaa: «Kɛɛ kalamun»).