Gɛlaɠaa 21:37 - Yálá laawoo hɛɓɛ (dc)

³⁷ Ɓɛlɔwai di kɛi pa Polə lɔi la bɛlɛ́n, ə mo ɉolahi nwun nąmu ɓa yɛ mą: «Ŋą́ pɛli ŋį́ mɛ̨nį ta ɓo yɛ́?» Ɉolahi nwun nąmu ə mąąni kɛ yɛ mą: «Ya pɛli Grɛkə woo ɓoi?

Yálá laawoo hɛɓɛ

³⁷ Ɓɛlɔwai di kɛi pa Polə lɔi la bɛlɛ́n, ə mo ɉolahi nwun nąmu ɓa yɛ mą: «Ŋą́ pɛli ŋį́ mɛ̨nį ta ɓo yɛ́?» Ɉolahi nwun nąmu ə mąąni kɛ yɛ mą: «Ya pɛli Grɛkə woo ɓoi?

Bible

³⁷ Díkɛɛ pâi lɔ̂i a Pɔ̂ɔ bɛ́rɛi mui, è mò ǹɔii maa kpɛ́-ƃelai mɛi-nuu kɛ́tɛi ma, ǹyɛɛi, “Ŋa pɔ̂ri lônoi ípɔ?” Ǹyɛɛ mài, “Ya Gurii-woo ƃo?

Gɛlaɠaa 21:37 ပူးပေါင်းရင်းမြစ်များ

Lukə 21:15

Mąąhɔlɔɓo, ɲą́ą́ gbinįi ŋą kilimąą wooɠaa tɛ ka la, kaa mo. Yii ka yowo ta lɔpee hva pɛli bulu həɠəi.

Gɛlaɠaa 19:30

Polə ə kɛ kpɔ bɔ ə li ɲąąkpɔn ti hu, kɛlaa, laa na nuą di hvo hvaa mą.

Gɛlaɠaa 21:19

Polə ə nwoo pili diɛ, pələi kpɔ Yálá ə kólo kɛ la yaa ti ɲee hu hį́i takpɛliɠaa lɔwai, ə gəlee hukulɔ kpɔ diɛ tɛ̨ɛ̨tɛ̨ɛ̨.

Gɛlaɠaa 21:34

Kɛlaa, nu kpului ti hu di woo hvo kɛ tanɔ̨n. Ɉolahi nwun nąmu hvo pɛli mɛ̨nį lɔpee ta kpaɠala kaai di hvúlúún nwoo hu. Ə mo yɛ diɛ di li a Polə ɉolahiɠaa yəi gwəlii, ka mɛ̨i kaa.

Gɛlaɠaa 22:24

Ɉolahi nwun nąmu ə mo, yɛ diɛ: 'Ka Polə hon, ka li la bɛlɛ lon mu, 'ka gɛlɛ, ə gɛ, mɛ̨nįi nu kpului ŋɛ̨i kaa tomąi la mɛ̨i, gu nwun gaa.

Gɛlaɠaa 23:10

Nwoo ɲąąnwąną hu kɛnɛ̨ pələi ti, ɉolahi nwun nąmu ə ɲɔw, yɛ di hvo pa Polə hu tee-tee di kee lɔwai. Yili ɓə gɛ, ə mo, nwɔ holahiɠaa də li ɲąąkpɔn ti hu, di Polə hon dɛ li la bɛlɛ lon mu.

Gɛlaɠaa 23:16

Kɛlaa, Polə mąąhala lon ə nɔgili ti hu woo mɛ̨n, ə li, ɓɛi ti Polə ə kɛ laa ə ɉukulɔ Polə ɓa.