Gɛlaɠaa 21:33 - Yálá laawoo hɛɓɛ (dc)

³³ Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Yálá laawoo hɛɓɛ

³³ Nąąlɔwai, gɔ́laɠa nwun nąmu ə lɛɠɛ Polə ɓa, ə Ɉon, yɛ diɛ: Ka ɲili a yɔwɔn veelɛ. Yili pulu ə di mąąni kɛ yɛ diɛ: Gbɛɛ ɓɛi, ɛlɛɛ, lə ɓə ə gɛ?

Bible

³³ Gɔkuluƃa-ŋai mɛi-nuu kɛ́tɛi è pà é zoŋ é m̀ó a gɛ́ɛ dí yɔlɔ feerɛ pu ma. È kɛ̀ ŋ̀wɛ̂lii é gɔ́lɔŋ ǹúui Pɔ̂ɔ è kɛ̀ lai da m̀ɛnii è gɛ̀i.

Gɛlaɠaa 21:33 ပူးပေါင်းရင်းမြစ်များ

Gɛlaɠaa 12:6

Ɲələi ŋɛ̨i Herodə ə kɛi pa giti teei la, nu kəlee ɲɛ̨i ɓa, mąąyíi yələ, Piɛrə ə kɛ laa ni holahi hveelɛ lɔwai yɛ yíi ɲilɛɛ a yɔwɔn veelɛ, gaho pɛlɛ́ mɛ̨ikaa nuą kəlee tɔɔ di tɔɔi bɛlɛ́ laa ləi, diɛ nąą mąąkpɛ.

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.

Gɛlaɠaa 21:11

Ə lɛɠɛ kuɔ, ə Polə nwɔ yalai kulɔ ɉąą, ə gɔwɔ da ɲee pɛlɛ gee ɓa, ə ɲili la, yɛ mą: «Mɛ̨nįi Kili-Mąąhəɠɛɛ kaa moi ya ka; yɛ diɛ: Nui bɔɔ ɓaa ɲalai ŋɛ̨i, bələ ɓə Ɉuifəɠaa kaa li ɲili la Ɉerusalɛmə, di dɛɛ nwɛ̨ąą pɔ.»

Gɛlaɠaa 22:29

Ɲąąɓa, nuąi kɛi kɛ di kaa Polə kɛlɛ, di tɛ di pulu. Ɉolahi nwun nąmu nwɛi, ə ɲɔw kpɔ kɛnɛ̨, gaai ə mo yɛ kɛ Polə kaa a Romə kaalon, ɛlɛɛ, aa mo daa ɲili a yɔwɔn.

Gɛlaɠaa 22:30

Ɉolahi nwun nąmu ə kɛ kpɔ bɔ, mɛ̨nįi di kaa moi a Polə laa, ə gulɔ ɉu kɛɛ kaa; yili ɓə gɛ, mąą yələ laa ɓoɔ, ə Polə hvólóon, ə mo ɉaláá laa həli nuą kpɛa-kpɛaa diɛ, da tɔ́n vili nąmįną, di di ɲąąkpɔn. Yili pulu, ə pa a Polə di lííla.

Gɛlaɠaa 25:16

Ŋą́ di woo ŋąapənə, gɛ́ diɛ: Romə nuą yíi pələ hvaa, di kiti kala nu ɓa, yii da galamąɓo nuą di hvo di woo hukulɔ li; ɛlɛɛ, hvo kɛli mąą nu a pɛli gbɔwɔ nwun mąąkɔ̨nwɔ̨i mɛ̨nįɠaai di kaa bɛlɛi nwuɔ di yəi.

Gɛlaɠaa 26:29

Polə ə nwoo ɲąąpənə yɛ mą: «Ə kɛ a yiihu-o, ə kɛ a ɉu kwɛa-o, yii gáá Yálá hvɛli la, ya ɓaa: yɛ́, ə mą kɛ a nuąi di kaa di wəli tɔɔi mą́ą́ háákələi, ka kɛ yɛ ɲą́ą́, ka hvo kɛ a gaho nąmįną.»

Gɛlaɠaa 28:20

Mɛ̨nįi gɛ, ŋį́ ɉuhvɛli, gɛ́ kɛ ŋį́ ɲɛ̨́i tɔɔ káá, ɛlɛɛ, ŋį́ ɉukulɔ kaa, yaa li. Kɛlaa, a tɛ̨ą leelee, mɛ̨nįi Israɛlə kilitɔɔi mą, mąą mɛ̨nį ɓə ɲɔwɔn ŋɛ̨i kaa la ɲéé ɓa.»

Ifisiɛŋ 6:20

yai mąą kɛla ɓaa a ɲą́ą́, gɛ́ ɓo la yɔwɔn ɲą, 'ká Yálá hvɛli, ə gɛ, gɛ́ pɛli naa həli a kili la tee, yɛ bələi mąąnɛ̨ɛ̨i ŋą́ gɛ la.

Filipə 1:7

Vialaɓoɔi ka mąą liihɛlɛn ə too mą́ą́, ka mąą mɛ̨nį kaa níí hu a hvóló kəlee, mąąhɔlɔɓo, mɛ̨inɛ̨ɛ̨i yálá ə gɛ mą́ą́, ká wɔɔ nąą kaa ɉu. Ə mą kɛ yiihu gáá gaho ŋą, ə mą kɛ, ŋą́ kɛ la gbɔ́ɔ́ ɓa gɛ́ wɛlɛɛ lɛlɛɛ mąąkɔ̨nwɔ̨, gɛ́ naa həli.

Timote veelɛ 1:16

Yálá ə ŋą liinɛ̨ɛ̨ gwəilaa hu kɛnɛ̨ Onesiforə yəi bɛlɛ́n nuą diɛ, mąąhɔlɔɓo, a váŋąlɔ a yələ kəlee, ɛlɛɛ, hva nwumɛ̨ mą́ą́ mɛ̨nį hu, bələi mąn gáá la yɔwɔn ɲą.

Timote veelɛ 2:9

a yai, mąą mɔ̨nɔ̨ ka gáá mįi, diɛ dóó kpɔ la yɔwɔn ŋą, yɛ ŋą́ kɛ a mɛ̨nį ɲɔ̨n gɛmun. Kɛlaa Yálá laa woo hvo yɔwɔn ŋą.

Nwun mąąɓo 15:13

Diɛ mą: «Kpaa! Ku hvo kɛ li ku ə́ paa, ə́ yili mɛ̨nį lɔ ɓə, ku ə́ tɛɛ di pɔ.» Di nɛɛ mą di ɲili a yɛli nįnɛ̨ hveelɛ, di ɉəɠə gwɛni wolo hu, də li la.

Nwun mąąɓo 16:12

Dalila ə nɛɛ mą ə yɛli nįnɛ̨ həɠə, ə ɲili la, yili pulu, yɛ nwɔ̨nɔ̨ mą: «Samsɔn, Filisti nuą kaa pai.» Nąąlɔwai, nuą di kɛ a di loɔ laa bɛlɛ́n. Samsɔn ə muhəɠə, ə ɲɛli hu tee yɛ yee kali.

Nwun mąąɓo 16:21

Yili pulu, Filisti nuą di ɉon, di ɲɛ̨i wolo. Di ɉəɠə də li la Gaza daai, di ɲili a ɓala kwɛli yɔwɔn veelɛ. Samsɔn ɓə kɛa kɛ laa, yɛ gaho nąmįną kɔ̨nɔ̨n ɉiɠɛ.

Nwun mąąɓo 16:8

Filisti tɔɔɓɛlaa di pa a kilɛn ɲɛli mɛ̨ihveelɛ, yii hvo ni kɛ kpala li, di dɛɛ Dalila pɔ, ə Samsɔn yili la.