Gɛlaɠaa 21:3 - Yálá laawoo hɛɓɛ (dc)

³ Ku lɛɠɛɛ Siprə tənən ma, ku dinɉui tii mąą laa ku kɛɓɛyee hu pələ, kuɔ li Siri lɔi hu. Tirə daai ɓə ku tɔɔ laa diɛ diɲɛ̨ kulɔ gələn ɉu.

Yálá laawoo hɛɓɛ

³ Ku lɛɠɛɛ Siprə tənən ma, ku dinɉui tii mąą laa ku kɛɓɛyee hu pələ, kuɔ li Siri lɔi hu. Tirə daai ɓə ku tɔɔ laa diɛ diɲɛ̨ kulɔ gələn ɉu.

Bible

³ Kú lɛ̀ɣɛ nɔ́ Sapɔrɔ ma, kú nàa lɛ̀ɛ kɔɔ-yee mɛi-pere kú lí Siria kú pîlaŋ Taya, kpɛ́ni fêi, è kɛ̀ a sɛŋ a gɛ́ɛ dí géleŋ su-sãai lɛ́ɛ naa.

Gɛlaɠaa 21:3 ပူးပေါင်းရင်းမြစ်များ

Samia Veerɛi 8:6

Davidə ə lɔi ɲą́ą́wooɓo nuą hee Damasə daai Aramə lɔi hu. Aramə nuą di lɛɛ Davidə yee mu, diɛ nįįhɔ̨nwɔ̨ kulɔ mą. Ɓɛi lɔpee Davidə ə kɛi li laa, Yai-Laa ə kɛi gɔ́ nɛ̨ɛ̨ mą.

Mąątɛ̨nɛ̨ 45:12

Əgɛ, ə́ wɛli ə too tɔɔmun ma, ə́ nwun nąmu li, 'kwɛli hvilɛn mą níila.

Mąątɛ̨nɛ̨ 87:4

Gɔ́lɔ́n nuą lɔwai, ŋą́ Rahavə, Babilonə di laa ɓo. Da kɛ diɛi: Di nu yii kaa Filisti lɔi hu, di yii kaa Tirə lɔi hu, a wala kɛ tii Nubi lɔi hu.

Azaya 7:2

Di li di nwɛlɛɛ ɓo Davidə yəi bɛlɛ́n nuą diɛ, diɛ mą: «Ɛfraimə nuą daa Aramə nuą heei kulɔ di pɔ lɔi.» Nąąlɔwai, tɔɔmun Akazə da nɔi lonnii di mąą yɛ kpɛlin, yɛ hvaŋą a kɛi wuluɠaa kpɛlin.

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Lukə 10:13

«Kpalo ɓɛlaai yɛ́, Korazɛn taa, kpalo ɓɛlaai yɛ́, Bɛtsaida taa, mąąhɔlɔɓo, gbalo mɛ̨nįɠaa ŋɛ̨i kɛ ka hui, a kɛ tii kɛ Tirə daai da Sidɔn taa hu, yɛ mą, daaɠaa tii hu nuą daa wɔlɔ kɛ mąąwɛli həɠə too di kwąną, əgɛ, di nɛ diɛ: daa di túwɔ́ pələ ɲɔ̨nŋąa mąąhvalin.

Lukə 2:2

Nono ɓo tɔlɔɔ tii ə kɛ ɓɛlɔwai Kiriniusə ə kɛ la a tɔɔmun Siri lɔi nwun na.

Gɛlaɠaa 11:19

Gɔi di bɛlɛ Yálá ŋą kpɔn ma, Etiɛnə paa mɛ̨nį hu, nuąi ə di hu taɠa, daɠaa də li kpɔ Fenisi, daɠaa də li Siprə, daɠaa də li Antiɔsə; kɛlaa, di hvo Yálá lawoo laa həli nu takpɛli ɓa, ə kulɔ lɔ Ɉuifəɠaa.

Gɛlaɠaa 12:20

Mɛ̨nį ta ə too Herodə da Tirə nuą di lɔwai, ɛlɛɛ, da Sidɔn nuą. Yiliɠaai woo ə laa mą, di pa di həli mą. Di pili tɔɔmun ɉeegwɛlɛ kɛnɛ̨mun Blastusə kɔwɔi, diɛ kɛ, di pɔnnaa kpɛɛ, mąąhɔlɔɓo, di wɔ lɔi ə kɛli gɔnɔ̨n ɉɔlɔɓo tɔɔmun nwɔ lɔi hu.

Gɛlaɠaa 13:4

Yii kɛa Barnabasə da Solə di gaa diɛ Kili-Mąąhəɠɛɛ aa di tɔɔ hiɛ ɓa, də li Seleusi, nąą ɓə di hee laa gələn ɉu, diɛ li Siprə.

Gɛlaɠaa 15:23

Di ɉɛɓɛ́ tɛɛ di pɔ. Ɉɛɓɛ́ hu woo ka: «Gɛlaɠaa, galanɉonŋaa, da gu nąn nonnii, diɛ ku nąn nonni túwɔ́ɓo; diɛi a huwu takpɛliɠaa, di ɓo Antiɔsə Siri lɔi hu, da yiiɠaai Silisi lɔi hu.

Gɛlaɠaa 15:39

Polə da Barnabasə di woo hvo naa mą, ya ɓə gɛ, nu kəlee ə li a dee. Barnabasə ə Markə həɠə di tɛ gələn ɉu, Siprə.

Gɛlaɠaa 15:41

Polə ə Siri lɔi hu ɓɔ, da Silisi lɔi, yɛ gbɔn ɉu nuą hvaŋąlɔ.

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Gɛlaɠaa 21:16

Gwa Sesare kalan nɛa taɠaa ɓə bələ kpɔn, di kɛli li laa diɛ kpɛlimąn, də li a kuɔ Mnasɔn yəi bɛlɛ́n, galan nɛa tɔlɔɔ tɔlɔɔ ta, a Siprə mun, nąą ɓə kɛ a ku nwɛ̨ą pɛlɛ́.

Gɛlaɠaa 21:2

Nąą ɓə ku gələn ɉəɠə laa kuɔ li Fenisi lɔi hu.

Gɛlaɠaa 21:7

Ku wɔ yá ɲá hiɛi, ku həɠɛɛ Tirə, ku naa kulɔ Ptolemaisə daai. Nąą ɓə ku hvóló tɔ̨nɔ̨ woo pili mąą kɛ laa ku nąn nonnii diɛ.

Gɛlaɠaa 27:4

Ku həɠɛɛ laa, ku laa a Siprə lɔi goo. Mąąhɔlɔɓo, vaŋą ə kɛli hee gələn ɉu ku yəi.

Gɛlaɠaa 4:36

Ɉosɛfə ə gɛ lɔ ti, yai gɛlaɠaa di naa mɛ̨i hee a Barnabasə, mukulaa ɓaa: Liilaa lon. Ə kɛ a lévi ta, gaa lɔi ɓaa kɛ a Siprə tíi ə kɛ ɲəi,

Nwun mąąɓo 10:6

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə pənə nwɔ̨nɔ̨ ə ɲee lɔ ɉu ə gɛ. Ɉaliɠaai ŋɛ̨i da kɛ diɛ Baalə da Astarteɠaa, ə mą kɛ Aramə nuą di wɔ haliɠaa, ə mą kɛ Sidɔn nuą di wɔ haliɠaa, da Moabə nuą, ə mą kɛ Amɔn lonnii di wɔ haliɠaa, ə lɛɛ da Filisti nuą di wɛi, di kɛi kwɛli hvilɛn diɛ, di di pulu tɔɔ Yai-Laa ɓa.