Gɛlaɠaa 21:24 - Yálá laawoo hɛɓɛ (dc)

²⁴ Di həɠə ə́ li a diɛ, di di waa yɛ bələi gu huwu la mɛ̨nį kaa la. Hɛn mąąnɛ̨ɛ̨ di gulɔ, ə́ yili kulɔ, ɛlɛɛ di di nwun galaan yili ɓə a gɛ, nuą kəlee di laa na diɛ, mɛ̨nį ŋɛ̨i di mo a ə́ laa, tɛ̨ą hvəli. Ɛlɛɛ, di kɛ a gɔlɔnŋąą diɛ, yɛ́ kpɛli yá Moisə nwɔ́ tɔ́n pɔ yíiɓo.

Yálá laawoo hɛɓɛ

²⁴ Di həɠə ə́ li a diɛ, di di waa yɛ bələi gu huwu la mɛ̨nį kaa la. Hɛn mąąnɛ̨ɛ̨ di gulɔ, ə́ yili kulɔ, ɛlɛɛ di di nwun galaan yili ɓə a gɛ, nuą kəlee di laa na diɛ, mɛ̨nį ŋɛ̨i di mo a ə́ laa, tɛ̨ą hvəli. Ɛlɛɛ, di kɛ a gɔlɔnŋąą diɛ, yɛ́ kpɛli yá Moisə nwɔ́ tɔ́n pɔ yíiɓo.

Bible

²⁴ Ǹûai ŋí síɣe ka dîa-ni ka kákpîŋ maa wáa, í dímaa-sɛŋ kɔlɛ a gɛ́ɛ dí díŋuŋ ƃo, a gɛ́ɛ ǹûai kélee dí gɔ́lɔŋ mɛni-ŋai dí mò dîa e pîlaŋ yâi gáa nɔ́ kpɛni-kpɛni. Kɛ́lɛ, yá kpîŋ íkaa siâi dɔ̂ŋ lá-woo ma íkɛ mɛi kâa.

Gɛlaɠaa 21:24 ပူးပေါင်းရင်းမြစ်များ

Zôo 1:5

Da kpɛɛ kɛa a ɉɛli laa hvilɛn ŋąą, di nąn ə kɛi di təli yɛ di mąąhəɠə haláá kulɔ. A muhəɠə kɛ yələwala pɔ, haláá yii da gəlee, yɛ gulɔ di tɛitɛi di mąą mɛ̨nį ɓa. Mąąhɔlɔɓo, ə kɛi kɛ diɛ gwəi pələ «Nónnii daa kiɛ ləi nɛ̨ŋɛ̨n ɉəɠə di tɛɠi pələ, diɛ Yálá nwąnąlɔ.» Bələ ɓə Ɉobə ə kɛi gɛ la a yələ kəlee.

Zôo 41:25

Gɔɔmąą hvo lɔi mɛ̨i, ɲɔw hva too ɉu yɛnɛ̨ɛ̨ ɓɛ.

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Lɛɛ gbɔwɔ ɓa 19:14

Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Lonon mo 6:13

«Nu a gbɔwɔ laakwɛlanmo Yálá ɓa, ɉon bələ ka: Ɲələi ə gbɔwɔ laakwɛlanmo la, naakwɛlanmo hvólóɠaa tii da tɛɛ, da pa a mąą nu gee kaa kələ laaləi.

Lonon mo 6:18

Nąąlɔwai, nui tii gbɔwɔ laakwɛlanmo Yálá ɓa, nwun nəɠai tii a kɛ nwuɔ̨, da bu gee kaa kələ laaləi, nwun nəɠai tii kɛ nwuɔ̨, naakwɛlanmoɔ Yálá ɓa, a nwun nəɠai tii həɠə, ə bu nɛ̨ɛ̨yɔwɔ laa haláá hɛn tii kələn ɉii nwɔ̨n ɉu.

Lonon mo 6:5

Ɓɛlɔwai kpɔ tii ə gbɔwɔ tɛɛ la Yai-Laa pɔ, nwun mo kwɛli hva lɛɠɛ nwun ma, ə lɛɛ ɉu ɲələi ə vaa ɓo ə ɉəli. Mąąnɛ̨ɛ̨ ə kɛ a nu mąąhəɠɛɛ, ə nwun nəɠa lɛɛ laa ə tɛ.

Lonon mo 6:9

Nu ta a haa gwɛlɛ dɛɠii, mąą a liɓi nu powai tii mąą mɛ̨nį ɓa, a kɛ tii nwɔ lɔwai a tee mɛ̨i. Hvóló mɛ̨ihveelɛ tɛɛ pulu, mąą a həɠə, a nwun bu a volói tii.

Ɉaan 11:55

Ɉuifəɠaa di wɔ pakə hɛli mąą kpua kɛa kɛ, nɔi nuą di kɛi li Ɉerusalɛmə daai Ɉɛli pu hvoló tɔwɔ ə gɛ, di di mąąhəɠə.

Ɉaan 3:25

Ɉaan nwɔ kalan nɛa taɠaa da Ɉuifə tɔ̨nɔ̨ di kɛi hɛa too, yɛ hvilɛn na di waa pələ ɓa, yɛ pələi di wɔ tɔ́n mąą liɛwoo kaa la.

Gɛlaɠaa 18:18

Polə ə yíi kuu ta wolo kɛ nwɔ̨nɔ̨ Korɛntə daai, yili pulu, ə yələwala too galan nɛa diɛ, ə tɛ kələn da hu yɛ li Siri lɔi hu, yaa, Prisilə ə lɛɛ da Akilasə. Ə mo di nwun gɛlaan Sankre daai, gbala ə tɔɔ, aa ta kɛ yili laakwɛlanmo Yálá ɓa

Gɛlaɠaa 21:26

Mąą yələ laa ɓoɔ, Polə ə nu nąąn ti həɠə, ə li a diɛ, di di waa kɔwɔ tɔɔ da diɛni yɛ bələi di huwu la mɛ̨nį kaa la. Polə ə li Yálá hee pɛlɛ́ mu, volói mąąnɛ̨ɛ̨ di paa la a nu tɛitɛi nwɔ Yálá kɔ́ hɛn, di mąąhəɠə haláá kulaa pulu, ə guu hee.

Gɛlaɠaa 24:18

Nąąlɔwai ɓə nuą ŋɛ̨i di gáá la Yálá hee pɛlɛ́ mu, ŋą́ą́ kɛ kpɛɛ a mą́ą́həɠə halaa kulaa, nu kpulu hvo kɛ laa, ɉuwu-ɉuwu mɛ̨nį hvo kɛ laa.

Korɛntə dɔlɔɔ 9:20

Ŋį́ kɛ Ɉuifəɠaa pɔ, yɛ di ta, gɛ́ pɛli di hɔlɔɓoi a Kristə nwɔɔ. Nuąi Moisə nwɔ tɔ́n yee mu, ŋį́ kɛ yɛ diɛ, yá pa və́ la, ə gɛ, ŋį́ di hɔlɔɓo a Kristə nwɔɔ.

Galatə 2:12

Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Nwun mąąɓo 13:5

Mąąhɔlɔɓo, ə́ kaa pai koo həɠəi, ə́ lon ɉulɔnu kaa, di hvo kpəŋą hiɛ nwuɔ̨, mąąhɔlɔɓo, nokoloi tii kaa pai kɛi a nui naakwɛlanmoɔ Yala ɓa, ɛlɛɛ. Ya ɓə pai Israɛlə nuą kulɔi Filisti nuą yee mu.»