Gɛlaɠaa 20:35 - Yálá laawoo hɛɓɛ (dc)

³⁵ Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Yálá laawoo hɛɓɛ

³⁵ Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Bible

³⁵ Ŋa ǹɛ́ kâa mɛni kélee su a gɛ́ɛ fɛ̂ɛ núu é kpɔŋ maa tɛɛ vii-kpɛɛ-ƃelai pɔ́ tíi kɛ́ɛ su Kúnuu-namui Zîsɛ ŋɔwóoi é lɛ́ɛ gíli ŋá, berei è mò la, ǹyɛɛ, ‘Gáa a lûwa támaa a gɛ́ɛ núu é ƃɛlɛ-see kɛ́ é tɛ́ɛ ƃɛlɛ-see sɔlɔ ƃóɔɔ ma.’ ”

Gɛlaɠaa 20:35 ပူးပေါင်းရင်းမြစ်များ

Hanwon 19:17

Nui a mąąwɛlimun mąąwɛli kaa, aa kwələ tɔɔ Yai-Laa ɓa, gaa pai pənəi ə bɔɔi tɛɛ bɔ.

Azaya 32:8

Kɛlaa, kaalon nwɛi, kaalon giliŋąhiɛ ɓə gaa mą, ɲɛ̨i pɔ̨nɔ̨ mɛ̨nįɠaa lɔ ɓə a ɲee lɔ ɉu.

Azaya 35:3

'Ka yee hu haaɠaa hvaŋą lɔ, ka kɔ́wɔ hviikpɛɛɠaa huwalawala!

Maafîu 10:8

'Ka li, ka ɲɔ̨n gɛ nuą kəlee kɔ́lɔi pono, 'ka haa nuą nwun, ka hvólóɲɔ̨n gɛ nuą kɔ́lɔi pono, ka di mąą həɠə, ka ɲį́nɛ̨nŋąą kpɛ nuą pulu. Bələi ka ɉɔlɔɓo la a mɛ̨inɛ̨ɛ̨, 'ka dɛɛ tii a mɛ̨inɛ̨ɛ̨.

Gɛlaɠaa 20:20

Mɛ̨nįɠaai da pɛli di kpɔnmąą tɛɛ ka pɔ, və́ da mąąhvįikpɛɛ too li. Kɛlaa, ɲą́ą́ mun, ŋį́ kalan na kpɔn ɉu, da bɛlɛ́ɠaa mu.

Gɛlaɠaa 20:27

Gbala ə tɔɔ, ŋį́ Yálá nwɔ mɛ̨nį pɛliɛ kəlee lɛ kaa, və́ dɔ̨nɔ̨ kpɛli loo li kaa.

Gɛlaɠaa 20:34

Káá kpinįilee ka gɔlɔn kaa diɛ, ŋį́ kólo kɛ a gbɔwɔ yee, ə gɛ, yii a ku mąąkpaan gbɛɛ kwa mɛlaani, ku ɉɔlɔɓo.

Gɛlaɠaa 20:36

Yii kɛa Polə ə nwooɠaai ti ɓo diɛ, ə pu gbəlin na, da diɛni di Yálá hvɛli.

Lomaŋ 15:1

Guɔi ŋɛ̨i huwalawala kaa gu yəi laa na pələ mɛ̨i, manɛɛ gu kpɔnmąą tɛɛ hviikpɛɛ nuą pɔ; gu di hvaŋą lɔ, gu hvo gu kpɔɔ liiɓa kɛ!

Korɛntə dɔlɔɔ 9:12

Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Korɛntə veelɛ 11:12

Ɛlɛɛ, bələi ŋɛ̨i gáá gɛi la, bələ lɔ ɓə nwɔ̨nɔ̨ gáá pai gɛi, əgɛ, nuąi di kpɔwɔ mąątɛ̨nɛ̨ wɛlikaa diɛ, ŋą́ yili giliŋąhiɛ kulɔ di yəi, a diɛi da di kpɔwɔ kaa, yɛ kuɔ.

Korɛntə veelɛ 11:9

Ɛlɛɛ, ɓɛlɔwai ŋį́ kɛ la ka pɔɔli, kpaan a hee kɛ mą́ą́, və́ kɛ laa li nu ta nwuɔ̨ a tiɛ̨, mɛ̨nį ta hu; mąąhɔlɔɓo, hɛn kpɔ mąą kanąn ə kɛ mą́ą́, gu nąn nonnii kɛi həɠə Masedoanə lɔi hu, di pa a gəlee bɔ́. Ɛlɛɛ, mɛ̨nį kəlee hu ŋą́ gbɔ́wɔ́ hu hon, və́ laa ká nwuɔ̨ a tiɛ̨ mɛ̨nį lɔpee ta hu, bələ lɔ ɓə gáá pai lɛɛi la.

Korɛntə veelɛ 12:13

Lə mɛ̨nį kpɔ ɓə galan gbɔn yiiɠaa tii di ɉɔlɔɓo ə kɛnɛ̨ ə tɛɛ ká wɛi ɓa? Ə kulɔ lɔ, ɲą́ą́ gbinį lee, kɛi və́ mo ka nwuɔ̨ a tiɛ̨! 'Ka mąąhvaalɛɛ yili hu!

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Ifisiɛŋ 4:28

Nui kɛli nwuɔ̨ kɛ, ə kpəla nwuɔ̨ ɓa; yaamun ə tɔɔ a nwąnąi, ə kóló kɛ a tələnmolaa a gbɔwɔ yee, ə hɛn ɉɔlɔɓo, nui kanąn ɉu, ə gulɔ ganąn ɉu.

Tɛsalonikə dɔlɔɔ 4:11

'Ká ká wɔ yɛnɛ̨ɛ̨ kɛ, a yíi-la-nɛ̨ɛ̨, 'nu kəlee ə ɲɛ̨i lɛɛ gbɔwɔ mɛ̨nį ɓa, ɛlɛɛ, ə kóló kɛ a gbɔwɔ yee, yɛ bələi ku ká tí la,

Tɛsalonikə dɔlɔɔ 5:14

Ku kaa ɉuhvɛlii káá ną́n nonnii, kuɔ, nuąi di wɔ yɛnɛ̨ɛ̨ yagban na pilii, 'ká haŋą diɛ, nuą di hvaŋą hvo lɔ li, 'ká di hvaŋąlɔ, 'ká kpɔnmąą tɛɛ hvįikpɛɛ nuą pɔ, 'ká ká liilaa nu kəlee tɔwɔ.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Hebreu 13:3

Nuąi gaho ŋą, 'ká ká kili kɛ di hu, yɛ ká diɛni ká kɛ gahoi ti ŋą. Yiiɠaai di kaa mɔ̨nɔ̨ lɔi di pɔ, 'ká ká kili kɛ di hu, hvo gaai, káá kpɛlimąn, ká káá a nu yɛ diɛ.

Zɔ̂ŋ Zaaƃai 1:7

Mąąhɔlɔɓo, Naa mąą mɛ̨nį ɓə di hvilɛnŋąąi la ɉiɛi tii hu, di hvo hɛn da hon ni huwu takpɛliɠaa yəi.